موقف يرفع الضغط.. أرجو التفاعل من الأعضاء

[واثق]

قبل يومين كنت أنتظر دوري في أحد البنوك لصرف شيك يخصني (حتى لا تظنون أنني أحد التجار أقول لكم إن المبلغ اللي فيه طفسة).
المهم كنت مستعجلا ومتوترا للغاية, ما جعلني ارفع رأسي لمشاهدة شاشة الأرقام بمعدل أربع مرات في الدقيقة, وأظن أن ذلك كان واضحا على تصرفاتي, فقد أكثرت من القيام والجلوس, وكأنني طالب في الطابور الصباحي (الله يذكر أيام الدراسة بالخير).
أتدرون ما حدث لي؟ فجأة أشر لي أحد الصرافين واستدعاني, ورغم أنه لم يكن يستقبل العملاء إلا أنني فرحت وقلت لنفسي (هذا واحد من معارفي اللي أنا ناسيهم... أكيد ذكرني ويبغا يخدمني وذا الحين بيصرف شيكي وبعدها بيذكرني بنفسه وبيعزمني وباحلف عليه وباعزمه ولله إن تموت ذبيحته حتى لو ما يحضر)... طبعا هواجس شخص فرحان في لحظات تفاؤل غبية.

هنا كانت المفاجأة.. أتدرون ماذا قال لي؟ طبعا لن أنقل كلامه بالنص, ولكن سأنقل الحوار تقريبيا:
أنا: سم الله يسلمك. (ذا الجملة دايما في لساني حتى للي ما يستاهل)
الموظف: أبدا... بس أشوفك مستعجل
أنا: إي والله توني طالع من الدوام, ومواعد رجال ينتظرني (مهوب على كل حال)
الموظف: بغض النظر يا عزيزي, هنا بنك وحنا متقيدين بالأرقام, ووالله ما أقدر أخدمك بشيء, والا من عيوني, وعلى كل النظام ما يزعل أحد مطبق عليك وعلى غيرك.... استرح مكانك إلين يجي دورك. (اللي دبل كبدي إنه يقولها بأدب جم).

انتهت المحاورة التعيسة وأحبط العميل التعيس.
القصة لم تنته فلها تكملة تتلخص فيما قلته وفعلته. وأتمنى قبل أن أقولها أن يتفاعل الأعضاء مع السالفة ويضع كل واحد منهم نفسه مكاني.... ماذا كان سيفعل؟ وبماذا سيرد؟ وأعدكم أن أكملها لكم كما حدثت بغض النظر عن آرائكم.

[محمد آل نصار]

السلام عليكم

واثق / قصه لم تنتهي ويرفع الضغط اللي (أشر لكم ) صراحه لم تنتهي القصه من قبلكم وماذا حدث ولكن على ما ذكرت لو محلك بقطع الشيك وحذفه في وجهه ( رصيدي الراتب وينتهي يوم 18 من الشهر ).

احتمال احد يقول تصرف غير لائق من قبلي لو كنت في محل واثق .
ارد :
يقومني من مكاني امام الجميع من مراجعين وموظفين وأخرتها يقولي مستعجل وما أقدر اخدمك ، ما طلبت منه فزعه أولاً.
ما شاء الله عليه (يعني من قوة الملاحظه ـ يتفرعن وحاط نفسه خبير في نفسيات الناس.)

ما وقفت في طابور خبز وتعديت كم شخص عشان يناديني ولا وقفت اشحذ عند بابه ، انتظر دوري ولا تعديت الحدود.

وسلامتكم

[الوطن]

اخى الفاضل

واثق

لو انا مكانك كان قلت له

اقول له ابشر واسوف اجلس بمكانى حتى ياتى الدور
وعندما اتنهى من صرف الشيك ( ادخل على المدير وابدى شكواى له )

[عـزام]

واثق

انا لو مكانك بقول له وانت شايفنى متعدى مكانى والا طامر دور احد.

خلك على مكتبك الله يصلحك وشف شغلك

لا هنت اخوى واثق وتقبل تحياتى:

الولهان

[كويتيه]

لو انا والله بقوله و مقومني و حالتك حاله عشان تقولي هالكلمتيين خو ادري.. اكيد بكون معصبه.. صراحه النطره مو شي.. و تخلي الواحد يعصب..



يالله قولنه شنو انت سوييت

[بنت شيوخ]

انا اايد كيفي هاجرية

[اطياف الماضي]

بصراحة موقف يرفع الضغط مدري وش بسوي بس الاكيد مانيب متهورة مررررة


يالقفه الحين ماعنده شغله هوووووو


بس تدري يمكن كان مشبه عليك وبعدين انحرج يوم شافك ماعاد يدري وش يقول

>> تدور سبب للي سواه

بس حتى سبب مو مقنع



واثق قولنا وش صار تحمست

تحيتي لك

[أم ثامر]

فعلا يرفع الضغط وبالنسبة لي ممكن يجيبلي جلطة!!! الله يعينك بس الواحد يحاول يتمالك اعصابه بمثل هالمواقف وخاصة إنه كلمك بأدب تام كما ذكرت ... لو انا مكانك ماراح أسكت أوضحله إني متضايق حيل وإنه إللي سواه موأسلوب تعامل ولكن بادب ...يعني بالعربي اهزأه بادب ...

واثق ... بانتظار ردك وتراك شوقتنا ...

[غنواوى]

لو انى بمكانك رديت عليه وقلت له : ( الله يصلحك )

اول شى راح يبرد وجهه و نفس الوقت دعيتله بالصلاح ( يعنى ما سبيته )

وصدقنى لو انك مستعمل الاسلوب هذا حزتها ماراح يرتفع ضغطك 0

تحياتى

[الوطن]

فى انتظار
بقية الموضوع