قصيده للشاعره ..عابرة سبيل

[المناجي]

السلام عليكم ورحمة الله وبركاته


قصيده جميله للشاعره عابرة سبيل رحمها الله :

هذاك لوقال الشتا صيف عرقت =ولو قال صيفي برد شبيت ناري
هذاك لو قال الجمل طير صدقت=أقول ريشه بعثرته الصحاري
هذاك لوقال المطر كذب وافقت =وأدور الأعذار حق الخباري
هذاك لوقال القمر طاح صفقت =أقول مللته كثير المساري
هذاك لوقال النظر عيب دنقت =يصير لي كف(ن)على اللمس ضاري
هذاك لو ينفي وجودي توهقت =ماعاد ليه حل غير أنتحاري

...المناجي

[هند]

وعليكم السلام ورحمة الله وبركاته

الأخ القدير ( المناجي )
صح لسانك
ويعطيك العافية على مااخترت لنا من أبيات


لك الشكر
السؤدد

[ابوحمد الشامري]

لا هنت يا المناجي على هذه القصيدة الرائعه صح لسانك ياالسنافي

[ابو خالد]

اللـه

قصيــدة ولا ارووووع

لاهنــت يا منــاجي يا ذوق

وصـح السـان عابـره رحمهـا الله

[المناجي]

السؤدد.....ابوحمدالشامي ....ابوخالد

لاهنتم جميعأ على المرور ......ولكم منا كل موده وتقدير ..

تحياتي...

[اطياف الماضي]

هذاك لو ينفـي وجـودي توهقـت ماعاد ليـه حـل غيـر أنتحـاري

صح لسانك ولسان العابرة الله يرحمها

تحيتي

[المناجي]

اطياف الماضي ...

صح بدنك ......شكرأ المرور...

تحياتي ...