قصيده لي ارجو ان تنال اعجابكم

[المهتوي]

هاضت مشاعر خافقي يوم سجيت = وبديت اراجع دفتر الذكرياتي

ياما شقيت بدمع وياما تهنيت = وياما اخذني الطيش للداهياتي

وياما كتبت حروفها ثم محيت = على جدارن يحفظ السالفاتي

وياما بذاك الاسم بالدرب ناديت = لينه نشف ريقي وجفت لهاتي

وياما اخذت بعلم الاحباب واعطيت = واخذت درس الحب بأول حياتي

وياما عقب نسيانها جت وحنيت = طيوفها وعيونها الساحراتي

ومفضوح امري لو بصمتي تذريت = وكل من عشق يفضح سواته سواتي

الحب دربن فيه ولعه وكبريت = ونارن حطبها قلوبنا العاشقاتي

وماينفعك بالحب مهما تمنيت = الا نصيب الله او المعجزاتي

وماتفعك كلمة لو أني ويا ليت = ان راحت ايام الفرح مقفياتي

وان هلت عيونك بدمع وتشكيت = شكواك لله واطلبه بالصلاتي

وصلاة ربي اعداد من طاف بالبيت = على النبي واعداد كل يوم فاتي

وسلامتكم

[العــــديم]

صح لسانك يالشيخ
جزله من جزل

[سلطان ال شريد]

صصح لسسآإنك ...

ولآإهـنت

[المهتوي]

المشاركة الأصلية كتبت بواسطة العـديم

صح لسانك يالشيخ
جزله من جزل

صح بدنك

[عيون الطنايا]

صـــــــح لساانك ..
وابيات راقت لي ؟.
لاهنت

[الريــ اللعوب ــم]

وماينفعك بالحب مهما تمنيت = الا نصيب الله او المعجزاتي
وماتفعك كلمة لو أني ويا ليت = ان راحت ايام الفرح مقفياتي


الله الله عليك
صح الله لسااانك
لااااهنت لاااهنت عليهااا

وووبس كذاا..

الريــ اللعووووووووووووب ــم

[المهتوي]

المشاركة الأصلية كتبت بواسطة سلطان ال شريد

صصح لسسآإنك ...

ولآإهـنت

سلطان ال شريد


صح بدنك ولاهنت

[عيون الحب]

صح لسااااااااانك اعجبتنييييي جداااا ,,