كلمة احبك لها ومعنى وتفسيري ,,, كبير واصعب من الكلمه ونطقتها
ومشاعر القلب تفز احيان وتطيري ,,, والنفس تطرب وتردح من وناستها
ليا تلاقت مع المحبوب لا غيري ,,, اللي كسب ودها وفاز بمودتها
والحب مهما ابوصف فوق تفكيري ,,, أمره يفوق الغرايب في غرابتها
كم واحدن ابتلى من دون تحذيري ,,, ودنياه بالغدر والحيلات ضربتها
مثل النبي يوسف اللي طاح بالبيري ,,, وانقذه ربه من الضيقه وحزتها
والله ليا قال كن يكون ويصيري ,,, يا رحمة الله عن الدنيا ونكبتها
ويالله تستر علي يا رازق الطيري ,,, وتقبل لي التوبه اللي جت بساعتها
أنت الولي وأنت فوق الشر والخيري ,,, والناس تذنب وتقبل انت توبتها
ورزقك ورحمتك بأمرك دون تأخيري ,,, تجي عبادك ومريم قبل قد جتها
هذا وصلاتي اختام لكل تعبيري ,,, على النبي اعداد كل عينن ورمشتها
وسلامتك
13-06-2011, 03:51 PM
العرض العادي
