طق طق تسلم عليكم امي وتقول عنجكم طماطم

[(جساس)]

طق طق تسلم عليكم امي وتقول عندكم طماط


حين طرق باب بيتنا ... ليقول لى ولد الجيران

أمي تسلم عليكم وتقول عندكم .... طماطم...!!








ابتسمت من قلب ....
وقلت له عندنا ... ولو ماعندنا زرعنا لكم بحوش بيتنا
هلا بالجار الصغير ....
منذ متى لم يطرق بابكم احد الجيران لطلب
طماطم او بصل او خبز ... !!!فقدنا الطلبات الصغيره بين الجيران
فقدنا طعم الجيره ...

كان الجار يطلب من جاره بصل
وبعدها يرسل له قليل من الطبخه
عيش وملح..الان تعد الطلبات بين الجيران عيب وقله ذووق ... !!

وقد تستغرب ان يطرق جارك بيتك بدون موعد واذن مسبق واتصال
وقد يتهم الجار بالجنون حين يطلب طماطم
زمان لم تكن الحاله الاقتصاديه مثل الان
اليوم فواتير وديون واقساط واسعار مواد غذائيه عاليه
وعيب نطلب وندق باب الجيران ...زمان حياه بسيطه وقلوب ابسط ,,, وصغار الجيران

وجمله .... أمي تسلم عليكم وتقول عندكم بصل ؟؟جميله العباره

بجمال البساطه

وجمال المحبهوجمال روح الجيران الوحده

كنا بيت واحد
وطبخه وحده
اخبرتنى جدتى
ان الاسر قديما تشعر بمدى حاجه جارها
وترسل له من غير طلب..
واذا راعى البيت قضى لبيته ماينسى جيرانه ...
واذا بقى شي من العشاء... يرسل للجيران
واليوم يزعل الجار من بقايا العشاء باعتبرها فضله....
ليست المساله بمجرد الطلب احلى اعضاء

وليست عباره أمي تسلم عليكم وتقول عندكم طماطم هى المحك
لا...

ولكن العلاقه نفسها فقدت طعمها

فقدت دفئها

فقدت الجيره

لم تعد الحياه لها طعم بعد الاستغناء عن بصل وطمام وخبز الجيران..

وحين نعطى الصغير طلبه ... نتنتظر عودته بطبق من عشاءهم ...
ليتها تعود تلك الايام ... رغم انى لم اعشها حقيقه حاليا ..

ولكن احيانا اتمنى عوده ايام ماضيه بزمن جميل


وجيران ترسل وتسال وتطلب
بدون قيود حياه ممله ورسميات قاتله


احضرت الطماطم للولد الجيران .... ووصلت لنهايه كلامى...

قول لـماما أمي تسلم عليكم وتقول .. اذا تبغو شي لايردكم الا لسانكم....

وخرج الصغير ولسان حالي يقول :

شكر لك عشت معك لحظات اصبحت مفقوده ....

بزمن لم يعد الجار يعرف جاره ..

[شعوله]

الله ياايام زمان على اني ماعشتها بس لما امي تحكيني من جد الناس قلوبها نظيفه مو زي ذحين
بس الحمدلله احنا للحين جيراننا نفس الحركه عادي اي شي يبغوه يطلبوه واحنا كمان نفس الشي وبرضو العشاء نرسل لهم ويرسلو يعني الحمدلله مو رسميه مررره
من جد يسسسسلموو اخوي جساس ^_^

[رمش فارس]

هههههههههاي ...لا ابشرك للحين نروح لجيرانا نطر وهم بعد يجون يطرون منا ماشي تغير للحين

[سمو^المشاعر]

كلام جميل ومحزن

فعلا صدقت وكلامك صحيح وانا عن نفسي اعتبر ان هذا الشي عيب وفشله ما احس اني اقدر اخذ من جيرانا شي

الزمن تغير والناس تغيروا احيانا يحسن الظن بك وفي الغالب لأ

ولكن ولله الحمد علاقتنا بجيرانا رائعة نتزاور ونتواصل واطفالنا دائما يلعبون سوا

شكرا لك..

[عيون الطنايا]

موضوووع جميل وكلام اجمل ...
بالعكس حنا والحمدلله للحين مع جيرانا كذا بس مهب الكل....
والجيران مرات تكوون مهعم وتزاور لهم اكثر من الاهل ...
ويا محلاااا الجيراان ..
وخصوصا وقت الشدايد ..
لاهنت يا جساااس على مواضيعك الروووعه ..
تحياتي

[حكاية الم]

الحمد لله لما الحين احنا والجيران ما تغيرنا
يسلموو ع الموضوع

[نايف الهتلاني]

يا سلام ع الموضوع والقصة اللي ننطرها من زمان

يا ليت الجيران يقدرونا شوي
:d