السلام عليكم ورحمة الله وبركاته
مساكم عذب
و مقتطفات المبدعه
العنود العبدالله
التي لهـآ لغه شعرية مختلفـة .......
صورهآ قريبة جدآ من القلـــب ,,
شاعرة استثنائية يجتمع معها جمال الحرف مع توازن الكلمة
عذبة الالفــآظ ..وقادرة على التقاط مواطن الجمال واحترافية عالية في التصوير
وقد حصلت بالرغم من صغر سنهـا على إشادات من كبار الشعراء
مقتطفات من شعرها :
ياحبيبي ... يابو القلب .... الجليييد
.......... كلّ عآم ... وإنت ناسيني ....\ وانا
كلّ عآم ...اذْكرْك ...وابدا من جديد
......... وكل ّ عآم .... اعيّد ...\ بجرح وعنآ
آآآخ .. ياطعم الحزن .. واليوم عيد
.......... ودي ابكي .... { لكن اخواني .. هنآ ..!
****
كنّا نصحّي بعْضنا .. لاغفى الجرح
............ وصرنا نصحّي الجرح .. \ ونروح نغفى ..!
****
آتِسَاقط حزن ... وآلملم شعوري
............. وافتح الشبّاك ... وآلوّح بـِـيدّي .!
يابقايا امنيات الصبح .!Sorry
.............الصبآح اليوم...ماظنّه .. يعدّي .!
*****
وبَعَد مامرّت .. سْنين .. وكبرت شوي
........... رجعت اشتاق لك .. وابكي ...\ و ِ أنده لِك .!
على حد العتيم ..آحس طيفك .. ضي
.......... وعلى حد العَجَل .... اصرخ ..: على مهلِك.!
وعلى وجه المرآيا ..\.. صرت الاحظ شي
.........احس اني كِثييير ......\.. كْـثييير .. اشبه لِك .!
تعآاال ..وفضفض جْروح اغترابك .. لي
......... مب انت .. تعدّني أول.....\....... مثِل أهلِك ؟..
****
ابروز صورتي ... مابين أصباعي
...........واحس ان الوجع .. \ واقف يناااديني !!
احس اني فراااغ ..\ وأفهق اضلاعي
...........وادوّرني بصدري ..... \ ما ألاقيني !
وكلْ ما أمطرت عيني .. من اوجاعي
..........احس ان كل شي ..\ يطيح من عيني !
****
ماراح ادوّر بين الايدي ..\ اياديك
........ وماراح اقول ان الجفا حيل طوّل !!
بس كل سجده بدعي الله يشفيك
.......... ( يارب .. \ترجع مثل ماكنت اول )
*****
ياااخي احس الصباح اليوم ..مو عادي
..........صوته حزين ...\. وحكايه جرح فـ عيونه!َ!
ذكرني بحزن قلبي ...\"يوم ميلادي"
.........يوم اني جيت ولقيت الناس ..من دونه !!
****
الضياع ..\ احيان مخرج من عنا
............ والدموع احيان تخذلها ..\ اليدين !!
سو نفسك مادريت ...\ بْحزننا
............. بس مو تدري ..\وتتركنا سنين !!
*****
للمطار ....... / وللممرات الحزينه
........... للشموع .. وللغياب.. / .... وللجروح :
من يصدق ماهو فْ نفس المدينه
.........(علموني ان ضاق صدري ../ وين اروح )!!
وين اروووح !
*****
واطرق على باب حظي واجلس آنادي :
(ياحظي وش فيك/كم لي عام وآنا اطرق؟.
شفني شَعَلْت التفاؤل ....وَسْط منطادي
وشف كيف سكين يآسي/يضحك .. ويخْرق!!
يسرقني الدمع../من بسمات أعيادي
وانا ولاربعِ بسمه../ قادره ... اسرق ..!.
عادي لو آموت ../دام الموت شي عادي
ودام المواجع/مراسي ... :بنتبه و../ اغررررق
*****
رح صافح الغيم..خل الشمس تفخر به
.....واضحك / يسيل (المطر) ولهان من فمه..!!
قدامك الطفله.. اللي... تقهر الغربه
ولو البشر ضدها ..ماهي بمهتمه...!!
لاشافت ان الحمام يطير في سربه
... [ تفرد يديها ]عشان تطييير وتضمه.!!
******
للصدفه ..وقعٍ ..بعض الاحيان ..يآلم
............ تعض منْه شفاك .. وتصيح بك : يوووه!!
واللي بعد مثلي للاحـزان .. والــم
........... اللي مـسح دمعتـهم .. اليوم بـكّوووه!!
ماهو قهر يترك || لجل حُب || ..عالم
...........اكبر قهرر ..لا حَب|| عااالم || .. وخـلّووه!!
*****
يمه ضحكاتك صباح لْطفلة آلارجوحه
... اضحكي .. خلّيها تبدا ... يومها مرتاحه ...!
مادريتي ليه انام...وغرفتي مفتوحه
.... لنّ طلاتك ..... (سمآ) .... لاحلامي الصدّاحه
*****
خبّي مع فتات الحلم .. يدّي .. داخل جيوبي /\\/
واروح انقل لها بَردْي .. بدَل .. ماهي تدفااا بي !!
على حد الصباح اشرب صباح الجرح .. ياكوبي /\\/
وعلى جرح الصباح اصرخ : عشاااني رجّع احبابي !!
*****
فيـني ضجيج .. ومعظمي جـو ساكن ..!!
..............وفي نظرتي رحله .لعالم .. بـراءه ..!!
طــفله .. وماتشبهني .. الا "الأمـاكن" ..!!
.............هـدوء طبعي .. امتزج .. مع جراءه ..!!
*****
اعطّر انفاسي ..بــ (شانيل) لافاح
.......وابلل بدمعي ...... جفاف المحابر.....!!
طب انت قلّي : انك بخير .. برتاااح
...... موّتني فراقك ..وصمتك ..مقابر..!!
ماطحت بس القلب من غيبتك طااااح
.......عجزت اخبّي هالشعور .. واكاااابر..!!
من أبرز قصائدها ...
"كل ما خنقك الهم"
الصبح .. والجرح .. وانا .. وانتظارك
...... على كفوف الغيم ،، ننتظرك هناك
يمر فينا .. فوق شباك دارك
ياليت تفتح .. لهفة الغيم ، شباك
هذاك داخل درفتينه ، نهارك
... وبرا ظلام ..وخوف . واحزان .. وارباَك
على الاقل .. القى بقايا غبارك
...... ارحم من أني اجلس سنين ، مَ القاك
داخل..صورك اللي حضنها جدارك
....... لوحاتك .. عطورك .. دفاترك .. فوضاكْ
يا أخي كفايه بُعد .. ارحم صغارك
عصفورتينك.. "طفلتك" باقي اشياك
كل شيَ في" حفل انتظارك" يشارك
....... وكل شي يحمل شي منك ,, لذكراك
طريقك وازهار بيتك ،، وجارك
جامعتك.. اهلَك .. ذكرياتك ومقْهاك
الكل مُحبط .. من قساوة قرارك
....... والكل فاقد كل حاجه .. بلياك
سافرت والحْزن ارتمى في مطارك .
......... شوفَه ايلين اليوم يلثم بقاياك
كل ماخنَقك الهم .. إفتح زرارك
وكل مالمست الحلم .. قم حب يمناك
مرجحت غصَنك وارتمت لي ثمارك
......... قَلي متى ؟ يمرجح الغصن؟؟ والقاك؟
مو مشكله: يتبع دمارك.. عمارك
........ المشكله:؟ تتبع عمارك .. خطاياك
الصبح طاح .. وامتلى صبح دارك
...... وناديت: ياشباك ,, مارد,, شباك
ومن أجمل قصائدها ...
"المعطف السادة"
يالله .. بنام الحين .. دام الليل
............. يصنع من اوجاعي لي .. \ وِسآدهـ .!
كلْ ليل أبكي .. \وَ أحضن المنديل
............ايلين مآصآر البكي ..... \ عآدهـ ..!
وكلْ ليل..أطفي داخلي .. \قنديل ..!
............. واعمل لذاك المشهد ..... \ إعادهـ ..!
ياضحكتي ماعآد ..\ فيني حيييل
............ بـ أموووت .. \ والأوجآع ... هدّادهـ .!
والأمنيات اللي علي .... \.. تسيل
..............سالت...عشآن تجف ..\.. ياسآدهـ .!
والغآيب .. \ اللي مع غيآبه .. ويل
.............. ويلبس هذآك {.. المعطف السآدهـ .!
قولوا له : اني مُتعَبَه ..\..و اشيل
..............فوق التعب .... \ طعناته ... زيادهـ .!
وقولوا له : انْ ذكراه .. \.... والأوتيل
..............والبآخِره ..... \ وشموع أعيآده
والأمسيآت .....\... وضفتين النيل :
.............. يبكون .... \ زي ماتبكي بْلآده.!
والخآفق اللي انولد ...\فـ ابريل :
.............لا يموّته ...\ في عيد ميلاده ..!
يالله..برووح آموووت ..\ قبل الليل
عفواً بنااااام
{ .. وإشششّ ياااسآده ...!
"ما مآت من برد الصباحات عصفور"
لحظه وطن..! مادامك اليوم مهجور
...... بآمنّي المنفى ....\ وِ أنفي الأماني...!
طاحت من اكتاف التعب [اربع شهور]
...... وصاحت من اتعاب الكتوف .. \ السواني..!
وصار الحزن[شباك]..والصمت ديكور
...... وبْكاي .. [ترتيلة مطر] .. للمواني..!
والدمع شمع.. ومعظم احيان [بلّور]
...... .يتمرجح اهدابي.... \ ليا من بكاني..!
كلْ ماأغني يختنق [ صوت عصفور]
...... وكلْ ماسكتّ .. تْموت فيني [أغاني] ..!
وكلْ مامكاني يجْفِيَ [ اصابع النور ]
...... أشعل اصابيعي .. وِ أجفى مكاني..!
ومن كثْر مانا [طاغية].. حسّ وشعور
...... مابي هلي يدرون ... اني أعاااني..!
أطلع ابَرْوز [ضيقتي] فآخر السور
..... إيلين تبكيني ...\ السكك والمباني..!
وارجع و ِألقى ياوطن.. ضيق منثور
..... إسمع... \ ولا تنثر دموعك ..عشاني..!
طفْلَتْك ماتملك سوى..[ حلْم محصور]
.... و[ شويّة العاب ] ... \ وحكايا مواني ..!
تحْضِر غياب وتلْتحف..:غيبة حضور
..... ينسونها ...\ وتقول: محد ٍنساني..!
تحْلَم.. وتخنق حلمها .. [ وحْشة الدُور ]
...... والمدْرسه....وهواش [ أبله تهاني ] ..!
وعلى كثر مابلّل اطرافها ... [ النور]
..... تفرد أصابعها .. \وِ [تطفى ] معاني ..!
وعلى كثر ماتترك الصبح [ ممطور]
..... تذبل ... لأن الصبح دايـم .. [ أناني ] ..!
مامات من [ برد الصباحات ] .. عصفور
..... بس هيّ [ماتت] .. من كثِر ماتعاني ..!
"مآ عآد بآقي عمر"
للماضي..التحنان .. للغايب : اش جاه !!
..............اللي صباح الورد .... من تحْت سوره!!
الغايــب .. اللي كـل ماقلت ... : بنْساااه
..............تعكس وجيه الناس له .. الفِ صوره!!
اتنفس غيابه .. وتخنقني .. اشياه !!
...........وتنحت ضلوعي ..في ضلوعي .. سْطوره!!
احساسي انه شيّ .. ماراح ... القاه
.............يجبرني احضن في غيابه...حضوره !!
الورد ذابل ..مثلي الورد .. يبغاااه !!
..........لجل ايش ..!! .. يحرمنا كذا .. من مروره
الدمع .. والشمع .. \ وبقايا هداياه
......... والجرح .. \والصـبح .. وتناهيد نــوره !!
الكـل من غيبَتْـهِ .. يتْــشَرّب .. الآه
..........ايلين تنبـت ( آهته ) .. في شعوره !!
والشارع .. اللي ترتسم ..فيه ذكراه
........ماعاد فيه .. (اطفال) ... تلعب .. بكوره!!
والمنزل اللي احتضَنْه ... بزواياه !!
......... حتى فـ شهر (تمّوزِ) .. ماصرت.. آزوره!!
الغايب .. اللي في ضلوعي ... بقاياه
........وفي يدي .. آشم ريحة ..... (ديوره )!!
ماعاد باقي عمْر .. يسـتاهل احياه
............لأن عمري .. يبتدي .. من حضوره!
"اييييه .. صرّف"
شفت البحر لاضاق صدره .. على الفُلْك
...نفسه شعوري لاجتك "لحظة الضعْف"..!!
لاضاق صدرك ..اعتبرني مْـن آهَلْك
...تعااال فضفضلي عن همومك .. وشف
اصير لَك مثل )السحابه(..وابلّلْك
...مع ان جوفي من)مطر ضيقتك(..جف..!!
ماكان قصدي إني.. بهمي اشغلْك
...بس حولنا اشياء ..في (قمممة السُخف)..!!
المجتمع ..والظلم ..واني ماأ وصلْك
.....تجبرني اخنق مُعظم .. انفاسي بـ :أُفّ!!
من كثر ماعَرْفِك..آحس اني آجهلْك
...ياللي سكـوتك حد ذاته ... تِفلسفّ!!
تدري وش آحسك ..وآنا آتأملْك
..طفلٍ مُهذّب جالس فـ "أول الصف"
تعاال نغفى في وسط " دفتر السلك"
....تعاال نسمع ..همسة الرف ..للـرفّ..!!
تعال ننـ(ففف) ـخ "شمعة الهم" ...داخلْك
.....تعال نعطي "وجه الاحزان" ....كم كَف..!!
تعااال نرسمنا على .."جْدار منْزِلْك"..!!
.....تعااال نشطبنا من ..."جروووح تنزفّ"..!!
وان كان جيتك ..ذات ليله ..ابسألْك
......عن حبل بُعدك : ليه في عِنْقِي إلتّـف ..؟!
اضحك عليّ..وقلّي معقووله( اقتلْك)..!!
....وآنا ابضحك لك..واقول (ايييه صرّف).!!
يا(حلم عمري) وانت ..اقبَحْك اجمَلْك
......عن عرقلة ركض الأحاسيس بي ..خُف..!!
وان كان جيت مْن الوله ...)ودي آكلْك(
......اصرخ عليّ ..وقلّي : )آحبك بعنف (....!!
"البكي للأطفال "
تِمِرّ بْصَدْريَ اسْرَاب الحِزِن وَ آتَمْتِم : وْ بَعْدينْ///وكلْ شيّ كتَبْته [ ليلَة وْداعَك ] يِمَرّ البَالْ
امُووت مْن التّعَبْ ويْمُوت فِينِي هَالّتعَبْ ياشَينْ ///عَلَى هَالحَال مِنْ لِيلَة مِوَادَعْنا عَلَى هالحَالْ
انَا مِنْ طِينْ واحْلام السّعَاده كِلّها مِنْ طِينْ ///تَهَدّم كِلّ مَاهبّت مِوَاجِعْ وِ الْتَحَفْتَك شَالْ
اشُوف الحِزْن فِ عْيون الصّبَاح وْطَلّة ال[ تِشْرينْ ] /// وابعْثِرْني عَلَى مِينَا الجُروح وْ أسْمَعَك : يَامَالْ
وَاجِي بَبْكِي وِ لَكِنّي اذَا تْذكّرْت : لاَاتَبْكِينْ /// اردّ الدّمْعَهِ لْعَيني واقُول : البَكْي للأطْفَالْ
فَمَان الله يَارَاحِل خِذ جْرُوحِي مَعَاك ايْلينْ/// يِمَوّتها التّعَبْ بَرد الطّرِيق وْ قَسْوة التّرحَالْ
تذَكّرْني اذا طَاحَتْ مِنَ اغْصَان السّنِين سْنِينْ/// تِذَكّرْني اذَا دَاعَبْ اصَابِع يدَّك [ السّلْسَالْ ]
تِذكّرْني اذَا بلّت [ بِتُوحَشْنِي ] حِزن شِيرينْ///و تِدْري بِيْ ولا غِيرَكْ ذِكَرْت فْ هَالعُمرْ رَجّالْ
انَا والله مِنْ لِيلَة وِفَاة احْلامَنَا للحِينْ///و انَا اقلّب تِفَاصِيلَك صِوَرك وْيختِنِق جوّال
واجي بَبْكي وِ لَكنّي اذا تْذَكّرتِ : لاتَبْكين///اردّ الدّمْعَه لْعِينِيْ وَاقُول : البَكْي للأطْفَالْ
"وراي بكرة مدرسة .. أسهرك ليش "
الطيش طير وباقي اوجاعي / الريش ///والريش يهوي كلّ مارفرف الطير
والآه تطلع لا تنفّست ب[شويش] ///وشلون لو انثر همومي على الغير
اشتاقلكوادري تبي تقول: [بعْد ايش] ///احتاجلك واتعب من فْراقك / كْثير
ياللي تطيش بعَقْل وتعقّل الطيش : ///[لا ترحل بْأرضي وتتركني آطير ]
شفني اموت ان مر طاريك وآعيش ///وآعيش ثم آموت والقاني بخير
وراي بكرا [ مدرسه] اسْهَرَك ليش ///واليا متى اوقف على شان [تأخير]
من علّمك تجمع محبه و تطنيش ///ومن علّم [ الأغصان ] تجفى [عصافير]
الليل ماينكر وجود [الخفافيش] ///والصبح يبقى صبح لو مات به [طير]
والعيش يومي ارتجي [لقمة العيش] ///خبزة وصال وكُوب شوق وتعابير
عطني [ امل واحد ] يخليني آعيش ///ولاتخنقه يدّك بحبل المعاذير
شفني بعد فرقاك آطيح بشويش ///واخاف تصدِف طيحتي [جية الغير ]
ماطحت وآنا عزمي اصغر مِنَ الأيش ///والحين طحت وللأسف عَزمي كْبير
ومن كثر مآنا ضعت واعماني الطيش ///إذا سْألوني : [كيفك] آجاوب : [بْخير]
"بأنتبه وأغرق "
نسّم علينا الهوى من مفرق الوادي ///وخلاني اشتاق للوادي / وللمفرق
يالمفرق:انصت معاي لحلمي الشادي ///خلّه بصوته يغيض"الواقع" / آلاخْرَق
احلامي اكبر كثير / وإسأل رقادي : ///عن كل حلمٍ مثير بْحضْرِته يمْرق
ولو تسأل افكاري الشرّد وأبعادي : ///هل للبحر لون بتقول : [البحر أزرق]
واسمع حكايه لطفله طبعها هادي ///كانت عن اطفال ذيك [المدرسه] تفْرق
على يديها يِحَسْد النرجس/الكادي ///ماكنها الا [ جداول ماء ] تترقرق
فجأه / لمَحْت الذبول فوجهها بادي ///وماعادت الشمس من"شبّاكها" تشرق
هذي انا ضايِعَه لايُمكن ايجادي ///وتنوح ورقا الهموم لْهمي المُورق
اشعل [ ثمَنْ طَعْش ] شمعه لجل ميلادي ///وتْذوب وآنا آتحرى [ باكر المشرق ]
اللي أجي له و اوَقّف [ وقفة اجدادي ] ///ويسحبني الليل وافلت يدّه واغرق
واطرق على باب حظي واجلس آنادي : ///[ ياحظي وش فيك كم لي عام وآنا اطرق ]
شفني شَعَلْت التفاؤل وَسْط منطادي ///وشف كيف سكين يآسي يضحك ويخْرق
يسرقني الدمْع من بسمات أعيادي ///وانا ولاربْع بسمه قادره أسرق
عادي لو آموت دام الموت شيْ عادي ///ودام المواجع مراسي : بنتبه واغرق
ولم يأخذ الحب كل شيء ..
فلم تكن مشاعرها مستولية على كل شعرها ..
العنود تبدع في كل شيء ...
اللي تصلّي الوتْر .. في آخر الليل
...........انا اشهد انّ الليل ... \ محظوظ فيهآ
في عتْمتَه صآرت مثِل ..نور قنديل
............يآرب .. تجزي جنّتك ......\ والديهآ
****
ذكرتك .. وارتبك فيني كلام .. وصوت تنهيده
............... يا أطهر من وطى فوق التراب .. وقبّل اقدامه
ذكرتك وارتعش صدر الظلام .. وصافحت إيده
............... خيوط الصبح لجل تحيك منها .. ( كنزة احلامه )
ذكرتك .. وانطلق سرب الحمام .. وصوت تغريده
............... من اغصان الشجر ..يصدح بهآ العصفور لأيامه
نبي الله .. ومن غيرك يحب المجد .. تمجيده
................ ياهامه ماتطاولها .... على هالأرض من هامه
****
اللي نست ..ان دينهآ .. \بحجابهآ
..........وخلّت ..عيون العآبثين ... اتطولهآ ,!
وش جآبها .. للصالحه .. وش جآبهآ ,؟
.......... والله ... ماتسوى .. تراب رجولها ,!
قطعة حلا .. مكشوفةٍ .. لذبابهآ
........... وْ ذي قطعةٍ ..بدري عليه ..ينولهآ ,!
****
لا تكبّر ..... \ الكبِر .... للشخص عآر .!
......................... الكبِــر لـلـه ..... \ والـلـه الكبير.. !
دامك انت تشوف ....\ هالعالم صغآر
......................... لا تلوم العآلم .. ان شافك صغير .. !
*****
مادام رب الخلق ..... { سامح عبآده
................ لجْل ايش ؟ .... ما نصفح وحنّا مخاليق ...!
*****
عيش ..وفي صدرك قلب .. يشبه للاطفال
........... صآفي .. \ ومغروس .. فــ حناياه .. طيبه .!
ولا تعمل ..ليوم الحشر .. خير الاعمال
............ وبعدين ..تخسر .. ما عملته ....بِـ غِيبه .!
.
.
.
.
.
أعذروني للإطاله لم استطع ان اتوقف عن قراءة حروفها الرائعه فنقشتها لكم هنا لـ تشاركوني
الاستمتاع ..
حروف ../ 
16-09-2011, 12:23 AM
العرض المتطور
