صكــــــــــــــــــات بــقـعــــــــا // ولـــيد آل عــمــر

[@ مــتــعــب @]

السلام عليكم ورحمة الله وبركاته

إلـــيكم هــذه الــرائــعــه

.
/

\

/

_____

أحمد الله وأشكره بالصباح وبالهجاد=كافل الأرزاق ماخاب عبدٍ يرتجيه
يالله يامعطي العطايا ويارب العباد=دل منهو يستخيرك لما ضاقت عليه
في سموم القيظ ولا ذعاذيع البراد=من جلالك خاشعٍ لك ويرفع لك يديه
اغفر لعبدٍ من الخوف يرضا بالزهاد=مبعدٍ نفسه عن الذنب والذنب يحديه
الذنوب تراود النفس والدنيا جهاد=والطمع وذنوب الأيام ماتغري نزيه
والذنوب ليا انكفت جات بثيابٍ جداد=وحظ من صكات بقعا لا صكته تهديه
والزمان يدور والنار تاليها رماد=والحياه فراق وفراق من تغلي كريه
الأسامي وزنها فالزمن معاد فاد=مايفيد ان صار مافيه مالٍ تقتنيه
ان زرعنا الطيب فالقاع مانجني الحصاد=وان جينا مالقينا ثمرنا اللي نبيه
ياهجوس الليل نحي معي مع كل واد=يوم زان الكيف والشعر ضيفٍ نحتريه
لي ثلاث أيام والعين ماجاها الرقاد=البلا فالقلب والراس مدري ويش فيه
من ردى الأصحاب ولا ردى الحظ الوكاد=قدر الله الصبر والفرج نرقب مجيه
ليت همي ياحياة العنا لقمه وزاد=كان ماني بألعن الحظ وألعن والديه
تابعينٍ رزقنا من بلادٍ لي بلاد=وكسبنا يوم الجهل كسب ماحن نشتريه
غير نكبات الزمن جرحها ماله ضماد=من دهاها فالبشر ماسلم منها نبيه
يالمعنا واحذر انك اتلاعب بالزناد=لاتعود مثل من ثور البندق ف أبيه
أعرف ان الشيخ لا طاح من فوق الشداد=لاتمادى بالخطأ عند ابن عمه واخيه
واعرف ان اللي بينقا وفي وجهه سواد=ماله ألا البيضا من فم بيضان الوجيه
الصدور قبور والحلم ماحقق مراد=والرجل لاخير به كان مانومس ذويه
والظروف تحد وأصحابنا مثل الجراد=غير وين اللي لضاقت نعنزها عليه

.
/

\

/
__

شعر // ولــيد آل عــمــر

[وادي الهيل]

صح السان الكاتب والناقل

بيوت من ذهب بالتوفيق وفي انتظار جديدك

[@ مــتــعــب @]

وادي الهــــــــــيل

اررررررررررحب


اشكرك على المروووووووووور

[@ مــتــعــب @]

.
.
.
تسلم عل المرور

[العمري]

قصيده جميله وفيه من بيوت الحكمه الكثير الله لا يهينك على النقل


شكرا اخي متعب

[@ مــتــعــب @]

العمري
اشكرك على المروووووور العطر

[نبض المعاني]

بسم الله الرحمن الرحيم


الأخ متعب صح لسانك ولسان العمري قايلها


شاعر ما عليه كلام وقصيدة فيها من المعاني الطيبة الكثير


لكن لي ملاحظة وأرجو إنك توصلها للشاعر وليد ال عمر




الملاحظة هي في البيت اللي يقول فيها

ليت همـي ياحيـاة العنـا لقمـه وزاد=كان ماني بألعن الحـظ وألعـن والديـه

كان ماني بلعن الحظ والعن والديه

ما يخفاك ولا يخفى الأعضاء إن سب الدهر منهي عنه بنصوص احاديث كثيرة،منها:


عن أبي هريرة رضي الله عنه قال : قال رسول الله - صلى الله عليه وسلم - : ( قال الله عز وجل : يؤذيني ابن آدم يسب الدهر ، وأنا الدهر بيدي الأمر ، أقلب الليل والنهار ) .



ارجو تقبل مداخلتي بكل رحابة صدر


اخوك


نبـــــــض المعــــــاني

[@ مــتــعــب @]

نبض المعاني

صح بدنك وتسلم على المرور

واشكرك على الملاحظه

جل من لا يخطي

ولاهنت على الاجتهـــــــاد

[@ مــتــعــب @]

> >
>>
>>
>>
>>
>>
>>
للرفع

[@ مــتــعــب @]

. .
.



.

للرفع