المحبّـة عـشّ .. والخفّـاق طيـر
لا شعر بالضيم وسط العش .. طار !
رفرف بريشه وحس إنه بـخيـر ..
يوم صار الغيم بعد الضيم .. جـار !
يا صديقي كل ما إستوحشت .. طِير ..
ولاّ بدّل دار هـ الوحشـة .. بـدار !
لا يسوقك لـ الوطن .. سلك الحريـر
دام ما يحفـظ لـ خفاقـك .. وقـار !
ما يذلّك في ديار الحـب .. غيـر ..
بعد هذا الحـب .. تلفظـك الديـار !!
من يحبّك .. راح يحبّك لـ/الأخيـر ..
لو يقيّـده الزمـن بـحبـال نـار !
لو دروبه شوك .. وظلاله هجيـر ..
ما سكب فرقاه في كاسك .. مـرار !
والهوى لو جرح سكّينـه .. خطيـر
ومختفي مثل القمر .. وقت النهـار !
وما يشوفه غير من قلبه .. بصيـر
وفطنته في معصم أيامه .. سـوار !
ما يشيّب مثل .. تأنيـب الضميـر ..
ولا يمـوّت مثـل تقييـد الحـرار !!
08-09-2011, 09:51 PM
العرض المتطور
