( صار السنافي !!! )

عبدالله بن منصّر · #1 03-11-2011, 01:50 PM

السلام عليكم ورحمة الله

أسعد الله أيامكم بالطاعات والمسرات وفعل الخيرات
هذه مشاركة متجددة لعلها تحوز على أعجابكم ،،،

لي صاحب(ن)لامن طرالي فاله

أرسلت له وأشفق على مرساله

الفال طيب والصداقه تحفظ

حفظ الأمين اللي حفظ ماشاله

ياخيك أشوف الناس وأستغربها

صار السنافي من تجر بأمواله

أمقدرآ عند المجالس دايم

هذا يحب خشمه وهذا عقاله

كلن يبي يجلس بجنبه لكن

مايتسع إلا يجون أقباله

ولامن ظهر لنعاله بيلبسها

ياكثرهم أمطرفين انعاله

أما الذي من دون مال ومنصب

لوكان طيب مانشدوا عن حاله

حتى لو أنه من شيوخ السنة

ماقدروا علمه ولا منزاله

فيهم كبر لا والله إلا عدوى

كبيرهم عدواه جات أعياله

أعوذ بالله من قلوبن مرضى

أمنافقين العصر والحياله

يارب تحفظنا ولا تفتنا

وتعز كل منا بطيب أعماله

وصلى الله على نبينا محمد

العــــديم · #2 03-11-2011, 02:01 PM

اللهم صلي وسلم عليه

صح لساانك وإعتلا شاانك
جزله من جزل

قصيده تحكي واقع مؤسف .. وتأثير المال في موقعك الإجتماعي !

دام بوحك يالأمير

عبدالله بن منصّر · #3 04-11-2011, 08:50 PM

[quote=العـديم;2801796]اللهم صلي وسلم عليه

صح لساانك وإعتلا شاانك
جزله من جزل

قصيده تحكي واقع مؤسف .. وتأثير المال في موقعك الإجتماعي !

دام بوحك يالأمير

صح بدنك يالعديم

الجزل هو ذوقك وأشادتك اشكرك عليها

بارك الله فيك