هذه قصيدة مدح في الشيخ/ فيصل بن خالد ال حثلين العجمي .
على الله سم يا هجس القصيد وقـرر المعلـوم=على الله كل قاف يزين لـك طرقـه وموالـه
تحيزم لعن ابو جد الردى دامك قـوي اعـزوم=تراني جيت عانـي وانـت فزعـة مـن تعنالـه
ترى ماهي غزل ولا لهـو ولا قصيـد احلـوم=ولاهي جمعـة الشعـار فـي تدويـرة الصالـه
ابي منك المعونه يوم مبغـا منـك غيـر اليـوم=لان اليـوم هـذا غيـر والايــام تبـرالـه
تحرك لعنبوك وخل عنـك النـوم صـح النـوم=ابمدح شيـخ قـومٍ يفخـر التاريـخ بفعالـه
طويل ابواع ورث اسباع ماهو ارعاع نسل اقروم=معرب جـد وافـي مـد مـن يمنـاه وشمالـه
وسيع ابطان عزم احصان ماله بالردى مقسـوم=وبيتـه راس كـل النـاس رجليـه وخيـالـه
مكرم سلم صاحب علم يفتح للعلـوم اعلـوم=ثقيل الهرج ماهو مـرج فـي تصريفـة اقوالـه
خفيف الروح راعي مزوح ماله بالكبر والـزوم=قديم افعال شيخ ارجـال عـز الـدار برجالـه
هذاك الشيخ ابن حثلين راس القوم عـز القـوم=زعيم اللابـه اللـي مجدهـا ماتجهـل امثالـه
وريث اللي غزى الاتراك وارعب حاكمين الروم=على ذاك الزمان وهيبتـه تجـري مـع اعيالـه
وجاتك يابن خالد وانت كفـو ولانـي بمنجـوم=اعرفك قبل اشوفك مـن كـلامٍ طيـبٍ فالـه
كلام الناس عنك جابنـي يـا نصـرة المظلـوم=معرب خال يطلب جاه شيـخ معـربٍ خالـه
وصلتك من وسط دارك يا زعيم المرجله مضيوم=وصلتك والدموع الزرق فـوق الخـد همالـه
وصلتك كف واحد من كيان المقـدره معـدوم=كسيرالحـال جالـك يالزعيـم يبيـن احوالـه
يا شيخ الله يجيرك والله ان صدري يشيل همـوم=همومٍ كسّرت خاطـر هضايـب نجـد وجبالـه
احس السم في دمي واقول ان الزمـن مسمـوم=ولامني ذكرتـك هـاد قلبـي واتسـع بالـه
وصلتك يابن خالد جعل راسك فالزمان ايـدوم=لحيث انك ملاذ اللـي ورد ونقطعـت احبالـه
وانا رجال اعرف الله واحـج لقبلتـه واصـوم=ولا اعيّد قبـل يلفـي شهـر شـوال بهلالـه
واعرف ان الزمان اقدار واقبل قـدري المحتـوم=لكن الله يقول اسعـى ومـن يسعالـي اسعالـه
تقصر بي يدين الوقـت لا معطـى ولا محـروم=واذا حاولت فتح الباب عيّـت تفتـح اقفالـه
يابن حثلين تكفا وانت حر ولاانت ماكـر بـوم=وتكفا عنـد مثلـك بيتهـا معـروف منزالـه
يابن حثلين تكفـا والاشـاره رمزهـا مفهـوم=واعرفك حر تبطيـن الكـلام يحلـل اشكالـه
يابن حثلين تكفا وانت شيخ ولانت نسل ارخوم=تشيش وشيشتك تعنـي سنـام المجـد ترقالـه
يابن حثلين تكفا ما ورى تكفا حكـي وعلـوم=وانا ما اعلمـك ميـر ان قلبـي حـل زلزالـه
وانا داخل على الله ثم عليك انك معـاي تقـوم=وقل جانـي عتيبـي حـاذفٍ غترتـه وعقالـه
وانا مالي سواك وجيت ضيف بواجبـي ملـزوم=واخبرك شيخ مـارد الضيـف اللـي تعنـاله
الشاعر : عايض العتيبي
11-01-2005, 02:48 AM
العرض المتطور
