ويـــــن أنــت ..؟

جـاركـ الله..! · #1 06-01-2012, 05:14 AM

بسم الله الرحمن الرحيم

السلام عليكم ورحمة الله وبركاته

اسعد الله صبااحكم

عوده لكم من جديد

هذي قصيدة اعجبتني وارجوو ان تنال علي اعجابكم

قصيدة (( وين انت ))

لي الشاعر / حــمدان المــري .
.
.

يكبر قسى جرح السنين ويعني
رجل الحزين اللي على حد الإدراك
هذا أنا يوم أخلف الوقت ظني
الحزن حزني والسوايا سواياك
بكيت وأبكيت العيون وبكني
تعال شفني كل ما حان ذكراك
كم واحدٍ جاني بعدك وسألني
شخبار من حبيت وأقفى وخلاك؟
وأصد والحزن الخفي ممتحني
وأن قلت منهو قيل ماهوب يخفاك
قيل العوض قلت العوض ما شحني
والله لا هذا ولا ذا ولا ذاك
يا ما بعضهم مرني ما فتني
يا جعل ماهم بالعوض في محياك
الله لا يجبر عزا من عذلني
ما جاه ما جاني ولا جاه ما جاك
واللي عذل ويقول (لو و لو أني)
جعل يعشق له واحدٍ كنه إياك
ما فيه شيٍ في حياتي غبني
الا نهار أقفيت وأنا أسمع إبكاك
الله من جرحٍ قديمٍ مكني
أمداك نزفه لكن ادواه ما أمداك
عليّ كم جار الزمان وطعني
أسمع صدى صوت المعاليق تنخاك
وين أنت ياللي كل ما غبت كني
واقف على باب الأمل وأتحراك
ليتك تعرف تخون وأقول خني
على الأقل القى سبب وأتنساك
وليت الزمن فمحبتك ما خذلني
وليت الهجر من طيب خاطرك ورضاك
لو أن قربك والوصل بالتمني
ما غبت عن عيني كثر ما اتمناك
خايف يطول البعد وتسج مني
وياخذ مكانك شخص ماهوب يسواك
وش عاد أسوي يومك أقفيت عني
لا أنا أتبع المقفي ولا أحب فرقاك .

وسلامتكم .
مع تحياتي لكم .

محيط المشاعر · #2 06-01-2012, 08:29 AM

تسلم وتسلم يمينك ... و صح لسانك وصح لسان شاعرها ولا هنت

الهنــــــــــوف · #3 06-01-2012, 09:25 AM

خايف يطول البعد وتسج مني
وياخذ مكانك شخص ماهوب يسواك
وش عاد أسوي يومك أقفيت عني
لا أنا أتبع المقفي ولا أحب فرقاك .

جـــــارك اللـــه ..

مكانك خالي يالطيب وعودا حميدا
والف شكر لهذه الابيات الرائعة
انتقاؤك مميز لاجمل القصيد
دمت بهذا الابداع ..
تحيــاتي

القرم 8 · #4 06-01-2012, 09:42 AM

ما فيه شيٍ في حياتي غبني
الا نهار أقفيت وأنا أسمع إبكاك

جـاركـ الله..!

ابيات قمة في الجمال و الروووعه --- تسلم
صــــــــــــــــح الله لسانكــ ولا هنت ولسان شاعرها
دمت بخالص الاحترام و التقدير .