على رصيف الوقت تبقااا حصيره .. .

[نايف المغامس]

على رصيف الوقت تبقى حصيره
و يا كثر ما هبت عليها الهبايب

اللي ليا هبت سمعنا صفيره
وسيرة غريب وصوت راعيه شايب

اللي يبيع الثلج وقت الظهيره
ويذوب مثل الثلج والثلج ذايب

لا باع منه ولا حصل شاف خيره
وخيره حسب ما قال وقفى الركايب

عسى يشوف الرزق في غير ديره
وما كل من يرمي سهم جاه صايب

هذاك مثلي .. بس انا كنت غيره
أذوب لا مني ذكرت الحبايب

وبيني وبينه فرق بشيا صغيره
هذاك عاف الصبر واليوم غايب

وانا على نفس الرصيف وحصيره
ويا كثر ما هبت علينا الهبايب


أخوكم / نايف المغامس الشمري

[العــــديم]

هذاك مثلي .. بس انا كنت غيره
أذوب لا مني ذكرت الحبايب
وبيني وبينه فرق بشيا صغيره
هذاك عاف الصبر واليوم غايب
وانا على نفس الرصيف وحصيره
ويا كثر ما هبت علينا الهبايب

صح لسانك وإعتلا شانك

ننتظر جديدك

[الهنــــــــــوف]

نـــايف .. مهما رددت من اجمل العبارات لن اوفيك حقك
كلمات .. تصوير .. احساس .. قوة المعاني .. الخ
راقـــــــــــــــــــــــــــي برقي ماطرحت ..
نتأمل القادم على احر من الجمر ..
تقبل مروري المتواضع ..

[المنفرد]

صح الله لسانك

يعجز الفكر في اختيار كلام جميل لكن اعذرني ياخوك

ماقول غير لله درك وصح الله لسااانك

جزل من الجزااال

[القرم 8]

نايف الشمري

صــــح لسانك وصــــــح لسان شاعرها ولا هنت يا الغالي
روووعه في الوصف وتسلم

[خالد بن نفل]

صح لسانك وإعتلا شانك

ننتظر جديدك

[●• Ŝђǿǿq •●]

الله الله
أبيات قمه بـ الروعه
صح لسآآآآانك .. وتسلم يمينكـ ..~

[سلطان ال شريد]

هذاك مثلي .. بس انا كنت غيره
أذوب لا مني ذكرت الحبايب

وبيني وبينه فرق بشيا صغيره
هذاك عاف الصبر واليوم غايب

وانا على نفس الرصيف وحصيره
ويا كثر ما هبت علينا الهبايب

الله عليك يـ نآيف

ابدآع وحبكه ...

صح لسسآإنك ملاييين يـ بعدي

ولاهنت

[الـعـابـر]

صح لسانك