قررت أعيش بعزة النفس مجـروح

القرم 8 · #1 25-12-2011, 11:24 PM

خلاص يكفي لا تزيدينـي جـروح
لا لا معاد أرضـى جـروحٍ جديـدة

ياما صبرت وقلت غالي ومسمـوح
وما أظنهـا يالقلـب ثانـي تعيـده

وأنتي جزاء صبري تزيدين بجموح
قلت لـك يكفـي لقيتـك عنيـدة

أخطيت يوم إني بحبي لـك آبـوح
يومي أقول أهـواك وانـك فريـدة

كنت أحسبك مثلي غرامك من الروح
واثرالمشاعر عنـد مثلـك زهيـدة

خذتي الهوى لعبة وضحكات ومزوح
في كل وقتٍ لـك ضحيـة وصيـدة

تستأنسين لشوفة الصـب مطـروح
في بحر حبك غرق وانتـي سعيـدة

من كل جرحٍ صار منّك ولـه نـوح
أبسـألـك بالله وش مستفـيـدة ؟

شيدت لك بالحب في قلبي صـروح
وقلت اسكني فيها تـراك الوحيـدة

وخليت باب القلب لرضاك مفتـوح
ويومٍ يشوفك فيه هـو يـوم عيـده

كنتي لي الإلهام وكنتي لـي البـوح
وكنتي قصيد الروح وروح القصيدة

وكانت لنا آمـال واحـلام وطمـوح
وكانت لنـا يامـا أمانـي عديـدة

عشتك بدنيا الحب شمسٍ لي تلـوح
واحترت بك ياللـي قريبـة بعيـدة

توي عرفت إن الذي بيننـا شـوح
وتوي دريت إني غديـت الطريـدة

حبٍ معك يا بنت مافيـه مصلـوح
جرح وحزن وآهات هـذا حصيـده

عني ابعدي روحي وأناعنك أباروح
أقولهـا ودمـوع عينـي شهيـدة

يجيك يومٍ فيـه تدريـن بوضـوح
عن قيمتـي وانـي لمثلـك فقيـدة

باصبر على فرقاك والصبر ممـدوح
حتى لـو الفرقـى عليّـه شديـدة

والله مااذل النفس في حب مملـوح
وحبٍ لجى في القلب لأقطع وريـده

قررت أعيش بعزة النفس مجـروح
وحبٍ يوطـي هامتـي مـاأريـده ..

خالد بن نفل · #2 25-12-2011, 11:43 PM

صح لسانگ ولسان شاعرها
ولاهنت ع النقل

القرم 8 · #3 26-12-2011, 12:05 AM

اقتباس:

المشاركة الأصلية كتبت بواسطة خالد بن نفل

صح لسانگ ولسان شاعرها
ولاهنت ع النقل

الاميــــــر الرائــع : خالد بن نفل

صـــــــــح الله بدنكـــــــــــ ولا انت
تسلم ع التواجد والمشاركة ولا تعبت

علمني كيف اخليك · #4 26-12-2011, 12:22 AM

خلاص يكفي لا تزيدينـي جـروح
لا لا معاد أرضـى جـروحٍ جديـدة

ياما صبرت وقلت غالي ومسمـوح
وما أظنهـا يالقلـب ثانـي تعيـده

صح لسااانك ولاهنت يااالغالي دايمااا مبدع ياااخيال كروش

القرم 8 · #5 26-12-2011, 12:30 AM

اقتباس:

المشاركة الأصلية كتبت بواسطة علمني كيف اخليك

خلاص يكفي لا تزيدينـي جـروح
لا لا معاد أرضـى جـروحٍ جديـدة

ياما صبرت وقلت غالي ومسمـوح
وما أظنهـا يالقلـب ثانـي تعيـده

صح لسااانك ولاهنت يااالغالي دايمااا مبدع ياااخيال كروش

ســمو الاميــره الرائــعه : علمني كيف اخليك

صــــــــــح الله بدنك يا الغاليه < ولا انتي
الابداع ذوقك و احساسك في الابيات < ولا تعبتي
شكرا للتواجد و المشاركة الرائعه < ولا ندمتي
وبيض الله وجهك و تسلمين < و دمتي