اقود السفينه وارجي الله نجاتها = لعلها ترسي بعال الطور

[مشعل التريباني]

بسم الله الرحمن الرحيم

الشاعر\ مشعل عسام التريباني الشمري

((اقود السفينه وارجي الله نجاتها = لعلها ترسي بعال الطور)(في24\6\1433هـ)

قال الذي بالقاف هاضة قريحته (1) يلقط دررمــــن مظلمات بحور

اخــذ نوادرها واخلــــي هزالها (2) مانــي على هزل المثل مجبور

اقودالسفينه وارجـــي الله نجاتها(3) لعلهاترســــــــــــي بعال الطور

ياسامعين الشعرصلو على النبي(4) نبـــي نسمّعكم مــــــن الميسور

تروحلات الشعرنصحه وحكمته(5) يبقـــى ولو مرت عليه اعصور

رافق تقـــي النفس واسعد برفقته(6) عليك فــــــي عدالروى الماْثور

وترالحــــــنادي عشها به حنادي(7) والصقرمن عشّه يجيك اصقور

واليابليت بعاقتن مـــــــن قرابتك(8) حـــــاول تحمّـل غلطة المثبور

اصبروتوجــــــرقد ماتقدرالصبر(9) تفــوزبالعليا لنفــــــــخ الصور

صبرك على عوجا رفيقك رجوله(10) وترا رفيقك ماعنه مذخــــور

وترالرجل يصبرولو زادحمله (11) ولايد رك العلياقصــــــــيرشبور

هذي وصاتي في بداية كلامـي (12) الرجل مــن طبعه يجـــي صبور

والثاني اللي ينقل الهرج جنبـه (13) اللي على اعراض البشر جسـور

اذنه مصاوغها لسمع النميمــــه (14)كلبٍ على اعراض البشرمسعور

وعينه على غلطات غيره بصيره(15)ويفكـــــران عيون غيره عور

فصـــــــــيلتن لاكــــثر الله شكلها(16) ياصــارماله بالجميل حضور

عســــــاه مايكثرمع الناس شكلهم(17) حصــــانين لبست جلود نمور

اخـــــر زمنـّا صار للنيص والثعل(18) على الاسد سيلن يسيل حدور

لاخـــــيرفــــي دورن تميـّزثعالبه (19) والحــر يركب ماكره عصفور

اشــــوف الحرار الشقرجوّد وثاقها(20) ومكــــــتفه ومجـــوّده بسيور

حل بمحل الحـــرالاشقـــرغـــرابها(21) ينعق ويحمل بالجناح شـــرور

يحمل ظليمه للحـــــــرار الجوارح(22) واقول له يغراب يكفـــــي زور

نبينا يغــــــراب وصّـــــا بكـــــتلك(23) هومن متــى يغراب جالك دور

فاسق مــــــن السبع الفواسق نعدك(24) وتقديمتك يغـــراب ظلم وجور

بينك وبين الحــــــر فــــرقٍ شاسع(25) كالفرق بين الخصب هو والبور

تراخصيب الارض تزهر زهورها(26) والبور لو تمطــر محل وادهور

والعوشــــــــزه ماينزل الحرفوقها(27) مابه ظـــــــلال ولاتقيك احرور

وخيرالرجال اللي يحاسب ظميره(28)ويغضـــي ولاهو يكشف المستور

ويسكراذنه عن سفاسف هلا الخنا(29) والنفس ينقذها مــــــــن المحذور

ويحفظ لسانه والمسامع يصونهــا (30) ويرفع رجـوله عن خشاش جحور

واليا سمع له ضايعٍ جاب ســالفه(31) يقــــــول له وقّـّف ترك مخبور

وفـّركلامك مانبـــــي لك سوالف(32) وتراك عــــــندالمجتمع مهجور

حنا نخاف الله ونرجـــــــي ثوابه(33) اصـــــــــــحا تكلم وانكتم ياثور

اقلع محشـــــــك عــــندنا لاتجيبه(34) منشارك اللــــي يقطع الحنجور

مالك سوى الحقران ياشاذب القفا(35) وعن المراجل ساعدك مقصور

قوم انقلع لاعاداشــــــوفك تمرني(36) انت الذي يستبعدك مــــــاجور

لانك من اللـي طبعهم حشت القفا(37) ونقل النميمه به بنيت قصــــور

ناسٍ تفــــــــــرق بين خل وخليله(38) علـــــــى النميمه يعتلون الكور

انا هلا النمات ماحب شـــــــوفهم(39) وبيتٍ يرودونه مهـــــو معمور

حيث انهم عاله علـــى كل مجتمع(40) كالحنضل اللي يكتسيه مــرور

لارايحــــــةٍ زيــــنه ولالذ تن بها(41) علقم مــــــراره يشلق الحنجور

وتمة وصلى الله وسلم على النبي(42) عداد مـــــــــــاجر القلم بسطور

[الـعـابـر]

صح لسانك ولسان شاعرها

[●• Ŝђǿǿq •●]

اللًه اللًه
أبيآت جزلًه
صح لسآنكـً وتِسلًم يمينكـً ..~

[مشعل التريباني]

شكرا لجميع من تفاعل مع قصيدي
شكرا جزيلا للجميع
ملاحظه
القصيد اللي انا انزله كله لي غير منقول للمعلوميه فقط

[صوت الجنوب]

اللهــــــــــــــــــــــــــــــــــم صل على محمـــــــــــــــــد ....

أبياتـــــــــــك جزلـــــــــــــــــــــــة وفيها من معاني العقل والحكمـــــــــــــة والعفةالشيء الكثير ...

صــــــــــــــــــــــــــــــــــــح لسانك ألف...

[مشعل التريباني]

صوت الجنوب صح بدنك ومشكور على المرور الله لايهينك

[خالد بن جفن]

صح لسانك يا مشعل

القصيده وانا اخوك يبي لها أنتباه انت كاتب على بحر الهلالي وفيه خطا في القافيه البحر الهلالي ما يسكن اخر حرفين فيه مثل بحور مجبور حتى الوزن في القصيده يبي له انتباه في البيوت لانها انتهت بساكن فكسرت كل القصيده الهلالي من اصعب البحور ونادر من الشعراء اللي يكتب عليه يصبح هلالي لا اهملت قافية الصدر ومنكوس لا حطيت قافيتين مثال عن اللي قلت لك قصيدة الخلاوي راشد :

يقول الخـلاوي حاضـر الـرأي صايبـه
مصاب الحشى مدهـى بأدهـي مصائبـه

ومشطون حالٍ بات يصلـى علـى لظـى
ومفلـوق , معلـوقٍ والأكـبـاد ذائـبـه

لاحظ يوقف القاف على ثلاث حروف ما يسكن لانه لو تسكن في القافيه خرب الوزن
ارجو انك تاخذ ملاحظتي بعين الاعتبار

وصح لسانك.

[العــــديم]

صح لسانك
واشكر ابن جفن ع المداخله الجميله

[مشعل التريباني]

ياخالد نحترم رائك لكن ملاحظتك خطا انت لو قلت مانبغا ك عندنا احسن من هذه الملاحظه
الخلاوي هو بشر في نهاية المطاف ليس بملك منزل من السما هو شاعر مثله مثل اي شاعر
وانا ليس بصغير ياخي تراني رجل مسن ويوجد لي قصيد قليل من يستطيع يكتب مثله اما اللغه
وسكون الحرف هذي استخدمها في الفاظ القران الكريم او بالشعر الفصيح اما النبط فلايحتاج للغه
شكرالك يابن جفن واذا اردت الاطلاع على دواويني الشعريه تجدها بجميع مواقع شمر معظمها بالنصح والارشاد والمواضيع الاجتماعيه ولعلك اطلعت على قصيدتي الموجوده عندكم بعنوان غيمة فكر كنموج مصغر على كلا شكرالك ايهاالناقد الكريم وفي امان الله حفظك الله

[خالد بن جفن]

المشاركة الأصلية كتبت بواسطة مشعل التريباني

ياخالد نحترم رائك لكن ملاحظتك خطا انت لو قلت مانبغا ك عندنا احسن من هذه الملاحظه
الخلاوي هو بشر في نهاية المطاف ليس بملك منزل من السما هو شاعر مثله مثل اي شاعر
وانا ليس بصغير ياخي تراني رجل مسن ويوجد لي قصيد قليل من يستطيع يكتب مثله اما اللغه
وسكون الحرف هذي استخدمها في الفاظ القران الكريم او بالشعر الفصيح اما النبط فلايحتاج للغه
شكرالك يابن جفن واذا اردت الاطلاع على دواويني الشعريه تجدها بجميع مواقع شمر معظمها بالنصح والارشاد والمواضيع الاجتماعيه ولعلك اطلعت على قصيدتي الموجوده عندكم بعنوان غيمة فكر كنموج مصغر على كلا شكرالك ايهاالناقد الكريم وفي امان الله حفظك الله

مرحبا بك يا مشعل والله يحييك محلك ولا قلنا رح منا محلك انا تكلمت عن الشعر والله لا عرفك ولا شي كبير والا صغير الشعر ما يعرف كبير ولا صغير الشعر بحور ونظم وله ساس يبنى عليه لا خرب ساسه خرب القصيد وانا ابديت لك ملاحظتي وعساها تنفعك .
ونعم بك يالشمري وماعرفك والله ولا بعد شفت قصايدك مع الاحترام لك ولشخصك ولاني بناقد لكن اقول باللي اعرفه من الشعر وبحوره .
وراشد الخلاوي هو من نظم 1500 بيت في بحر الهلالي والكل يشهد له وهو مثال ضربته لك فقط لا غير وهذا مثال ثاني لابوزيد الهلالي

ابا العلا قدلـي مـع الـدرب ناقتـي
بحسناك والا ناد لي من يقودها

يقولـون لـي عليـا نشـاش دقـاقـه
وانا اقول ريان من الغي عودها

والامثله واجد


رأيي اعتبره خطا وانت الصح والقصد اوضح لك بس لا أكثر ولا اقل .