محدٍ علـى إيديـك النواعـم ضربهـا

راكان اليامي · #1 28-11-2004, 12:17 AM

محدٍ علـى إيديـك النواعـم ضربهـا=ومانتب على كل الذي صـار مغصـوب
محـدٍ تيقـن بـك ولا أحـد ٍ حسبهـا=تبـي تسكتنـي إلـى قلـت مكتـوب
مانعتـرض لكنـك انـتـه سببـهـا=ممنوعك اللي تزعمه صـار مرغـوب
بصيرتك مـادري وش اللـي حجبهـا=ضاقـت بـك دروب وضيعتهـا إدروب
النـار فـي جسمـي توهـج لهبـهـا=خطراً علي اعظام جسمي لهـا اتـذوب
كاسـات مـرك قلبـي اللـي شربهـا=ماعدت اذوق المر مـن يـد محبـوب
مادري وش اللي فـي حياتـك قلبهـا=تبي الصراحـه انـت قتـال القلـوب
فاتـت وشـوف انـه تزايـد كربهـا=عسى الفرج ياتـي وينجـل مكـروب
ماغيـرك احـدٍ تـل روحـي وجلبهـا=ثم بعتها برخيص مـن غيـر متعـوب
فـي سـوق حبـك ماغيـرك نصبهـا=وتركتني حـي مـع النـاس مصلـوب
ودفنـت روحـك يـوم ورق شببـهـا=واصبحت وحدك وانت بي دوم مصحوب
اسرجـت خيلـي ثـم غيـري ركبهـا=خيالها ماله على الخيـل مـن صـوب
طـارت بهـا ريـح العواتـي هببهـا=في ليلـة لا سلـم فيهـا ولا حـروب
اخترت مـن سـوء الخلايـق عربهـا=دامك تخيرتـه فانـا منـك مسحـوب
نفـس حرمهـا الله ونفـس وهبـهـا=هـذا لـه اطلابـه وهـذاك مطلـوب
الا جـروحـي زاد فيـهـا عطبـهـا=بغيت انـا الفكـه وعـودت منشـوب
اليـاس فينـي هـز نفسـي وغلبهـا=وانا اللـي معلـق بقلبـه ومغضـوب
نفسي ولـو عافـت قدرهـا غصبهـا=ترضى بواقعهـا ولـو كـان مـزروب
غنيـت ليلـه كـل حزنـي طربـهـا=مـرات اهيجنهـا ومـرات مسحـوب
جمعـت فـي نيـران صوتـي عتبهـا=وعن غلطتي استسمح اليـوم وتـوب
ضوي طفـت عقبـك ورمـد حطبهـا=حـرام عقبـك لا ولا عـود مشبـوب
حتي معاميلـي علـى الجالـي كبهـا=جنبت خلق الله كمـا حـال مجـروب
حالي بك اصلح حـال واجمـل وابهـا=حالي بدونك من عـوى فيـه منهـوب
صدق خطف ضحكات عينـي وسلبهـا=والا ترى وصلـك يـرد الفـرح نـوب