والدمــع بالكحل ســأإح

صالح آل كزمان · #1 07-03-2012, 11:38 PM

كيبورديـة من القلبــ عسى آن تحظى بالقبول لدى القلوب

لاح بـــرق الموادع واْرتخنّ الكفوف ..
وانتثر دمعهـــا والدمع بالكحل ســاح

افترقنــا ولا بالقلـب غــير الحسوف ..
والحسايف تفجّ الصــدر فــجّ الرمــاح

وجد عينـي ليا منّــي ذكرت الهنوف ..
جادل ٍ شوفهــا يـبري غويــر الجــراح

روّحت واْخطف قلبي وعيني تشوف ..
واْتركتنــي وليف الدمــع عقب النيــاح

يـا نزيه الخطـاوي يا فريد الوصوف ..
صاحبك في دروبـك كم وقـف ثم طــاح

والله انـّك بصدري رغم كل الظروف ..
نجمنـــا ما يغيـب وْ لا محـــاه الصبـاح

اعتبرنـي عصاك اْليـا بغيت الوقـوف ..
واْن نويت الرفيعـة فـ اْخذ روحـي جنـاح

باقي ٍ فوح طيبك في زوايا اْلروفوف ..
تـَحرقه نــار بـُـعدك ليـن ِ بالشوق فــاح

كم حويتك بصدري كلما اْونست خوف ..
وكم رخصت اْلك عمري والليالي شحاح

وكم نثرتك بسطر الشعر نبض وْحروف ..
وكم جمعتك بلقبــي و اْكتسيتـك وشــاح

ادري ان الشموس اْتعود عقب الكسوف ..
ميـر نجمـك توآرى عن سمــايه و زاح

عشت عقبك تحَت رجوى سمان الصدوف ..
علّ مزن الوصل يـروي قلوب ٍ شحــاح

وسلامتكم .