قصيدة وليفي
وليفي وش طرالك ماطرالـك
ولايضرك كلام النـاس فينـا
وانا لك يابعد روحي انا لـك
انا لبيك في صلـف السنينـا
حلالك يابعد روحي حلالـك
يابو العينين والخـد الحسينـا
ولاداعي ويجرحني سؤالـك
وياما في السوابق قد خذينـا
جمال الكون هو غرة جمالـك
وسحاب الحب من وجهك يبينا
يمين الله ساعي فـي دلالـك
حسسب ماقد بغينا واهتوينـا
ولاداعي لصدك مـع جدالـك
لانك تعرف الحـب السجينـا
انا نورك وانا منـه ضوالـك
وربي بالشدايد هـو العوينـا
ونصيحه دايم لعمرك تمالـك
وسوء الظن ماهـو بالثمينـا
ولاتقطع حبالك مع وصالـك
لانه يذبـح الجـوف الحنينـا
الشاعرالانساني
عبدالله الصالح اليامي
23-04-2012, 12:18 PM
..~
العرض المتطور
