اتمنى للي يعرف أي معلومة عن هالموضوع يفيدني !!

[دندونة الكويت]

مساء الخير

مبارك عليكم ماتبقى من الشهر

ينعاد علينا انشالله بكل سنة يالصحة والخير والعافيه

أخواني وخواني أتمنى أنكم تفيدوني بأي معلومة بخصوص العيون

أنا نظري ناقص واحد ونص مع انحرف ربع

بغيت أعرف اذا كان النظر السليم 6/6

شنو مستويات فحص النظر وأبي أعرف درجة العمى والخطرة توصل على كم ستة ؟؟

ويعطيكم العافيه

[الإمبراطورة]

اختي دندونه علينا وعليش يتبارك اما بالنسبه لسؤالش


على حسب علمي ان النظر السيلم يكون 6/6

اما عن درجة العمى ومستويات فحص النظر اسمحيلي ماقدر اساعدش لان ماعندي خلفيه بالموضوع
بس روحي محل النظارات وهم يعلمونش شنو المستويات



لــــــك اطيب التحيه والتقدير

[سعد القوي]

دندونه روحي للدكتور
هو اللي بيفيدش

وان شاء الله ماتوصل لدرجة العمى..لان انا نظري ناقص 2 ومع النظاره الحمد لله
بس ان شاء الله بعد رمضان بسوي عملية تصحيح النظر وتنتهي مشكلة النظاره

وانصحش بعد تسوينها

وماتشوفين شر ان شاء الله

[No Comment]

علينا وعليج يتبااارك

لا تخافين .. نظرج نفس نظري ناقص واحد ونص .. واذا انتي تلبسين عدسات طبيه لاصقه او ما تلبسين نظارات وودج تسوين عمليه ليزك او ليزر ما راح يسون لج الا ليما تلبسين نظارات لمدة 6 شهور على الاقل عشان يتعدل الانحراف .. هذا اذا فيج انحراف مثل ما تقولين واذا ما فيج بكره روحيى للربيعه ويسويها لج :d



بااي

[من داثر الوقت]

الإخت دندونه

جعلش ما تشوفين شر ومثل ما قال اخوي نو كومنت لا تخافين معظمنا عنده نفس حالتش

وروحي لدكتور الربيعه مجمع العيادات الشعب البحري ولا تلعبين بنظرك روحي للدكتور وانشالله راح تلقين الي يسرش

وكل عام وانتي بخير

[آل عجمي]

النظر الجيد
لكي نرى الأشياء من أمامنا بوضوح لا بد أن تمر الإشعاعات الضوئية المارة من خارج العين على شكل خط مستقيم خلال القرنية ثم عدسة العين.

تقوم عدسة العين عندما تصل إليها هذه الإشعاعات بكسرها وتجميعها على نقطة فوق الشبكية وفي منطقة الشبكية تتحول هذه الإشعاعات الضوئية إلى إشارات تنتقل إلى الدماغ عبر الأعصاب.

وفي الدماغ تفسر هذه الإشارات إلى لغة يفهمها الدماغ وبذلك نرى الصورة بوضوح ونستطيع تميزها.

ضعف النظر
هناك نوعان من ضعف النظر

قصر النظر
طول النظر أو (النظر المديد)

أولا: قصر النظر
لقد ذكرنا سابقا بأننا لكي نرى الأشياء من أمامنا بوضوح لابد أن تقع الأشعة الضوئية بعد مرورها من خلال عدسة العين على نقطة فوق الشبكية ولكن الذي يحدث هنا هو أن هذه الأشعة تقع أمام الشبكية وليس فوق الشبكية.

وبالتالي لا بد من عدسة إضافية نضعها أمام العين تساعد عدسة العين على تجميع الأشعة وإسقاطها على شبكية العين وليس أمام الشبكية. ونتيجة لهذه العملية فإننا لا نستطيع رؤية الأشياء البعيدة بصورة واضحة ولكننا نستطيع رؤية الأشياء القريبة بوضوح.

ثانيا: طول النظر
هنا يحدث العكس فالأشعة الضوئية لا تسقط أمام الشبكية ولا على الشبكية وإنما خلف الشبكية وبالتالي تكون العين بحاجة إلى عدسة إضافية تساعد العين لتجميع الأشعة وإسقاطها على الشبكية وليس خلف الشبكية. ونتيجة لهذه العملية فإننا لا نستطيع رؤية الأشياء القريبة بوضوح ولكن نستطيع رؤية الأشياء البعيدة بوضوح.

نصائح للمحافظة على النظر

عدم الاستلقاء عند مشاهدة التلفاز
عدم الجلوس لفترة طويلة والتركيز على جهاز الكمبيوتر
عدم الجلوس قريبا عند جهاز التلفاز
الوضع الصحيح للمذاكرة





مواقع ممكن تستفدين منها


http://www.lasik.com.sa/intro.cfm



http://www.lasik.com.sa/ch1.cfm

[@الشيــــــــــــنه@]

سلامت عيوونتس ياعيووني



روحي العياده العيووون احسن وماتشووفين شر يالغاليه

[مهندس جدير]

الأخت الفاضلة دندونة الكويت

الموضوع لا يحتاج الى التعصيب ههههههههههههههههههههههههه

عموما انا شخصيا اعرف ناس نظرها 2\6 لكلا العينين ومع النظارة عايشين حياتهم زينا زيهم

ونصيحة اقدمها لكي حاولي الابتعاد عن العدسات وعمليات الليزر لأنها تزيد الطين بله والمرارة علقمه

وكان الله بعونكي

[دندونة الكويت]

يعطيكم الف عافيه والله ماقصرتو اخواني وخواتي

الله يسلمكم يااارب ويعطيكم الصحة والعافيه

بخصوص عملية الليزر او الليزك مستحيل افكر فيها لان حتى دكاترة العيون يحذروني منها واعرف نااس قرايبنا مسوينها هالعملية وندمانين ضعف نظرهم اكثر من قبل ويقولون النظاره مستحيل نستغني عنها نضيع واعرف صديقه لي مسويه هالعملية مسكينة افشلت العملية بالكويت وصار فيها عمى لان البؤبؤة خطأ في نقلها وراحت السعوديه علشان تصحح الغلط قالولها مانقدر نسوي لج شي دام العملية افشلت وهذا العين عضو حساس ومن المفروض ان ما يستعل في تشخصيها اي اداة الكترونية لان جسم الانسان بروحه في شحنات

بس اقولكم شي اخاف تضحكون علي لووووووول انااا اخاف احط عدسه بعيني والنظاره ما احب البسها الا بس حق الكمبيوتر والتلفزيون والباجي على الله سبحانه انشالله

يعطيكم العافيه انا فعلا الحين اعتبرتكم مو بس اصدقاء الا اخوان وخوات

[الملك]

سلامات ماتشوفين شر