سـر النفـود..!!

[محمد بن منصور]

علموها وإن بغتني مـدى سـر النفـود=وعلموهـا لاتجـاوز مطاليـل الهـلاك
كبلتنـي بالكلبشـه وثـنَـت بالقـيـود=ومالقينا عقب شبك الحرار لنـا إنفـلاك
فرقها فرق الجواهر على باقـي العقـود=وأنت يالغالي غناةٍ ويربح مـن شـراك
حسبي الله ياوليفي على عيـن الحسـود=ليه شاركني بحبك وشارك فـي غـلاك
حاقد ٍمـا همـه إلاَ التمـادي والجحـود=وأنت نجمٍ ما يجونك وتلمع فـي سمـاك
كن هرجهك عند مثلي إجنيهـات النقـود=معجب ٍ اول وتالـي وماخذنـي إحكـاك
كم سهرت الليل ياخـل والعالـم إرقـود=وكل صوت ٍيعتريني احسب إنـه إدعـاك
لين مت وباح منِـي مغاليـق السـدود=بااح سدي وإنكساري تجَلى فـي هـواك
الهوى والعشق والود في ذيـك الخـدود=لاهوى لاعشـق لاود ياصـل مستـواك
ليت لامنِي طلبتك تقـول إرقـى سنـود=والله إن ما اطلب اللي بغيته من سـواك
لاقريت إكتابـة الخـط يآتينـي جمـود=واتوقـع لـو سمعتـك ألبِـي بارتبـاك
وعلموني كان بتروح ما نـاوي إتعـود=اقطع الباقي امن اشعار واجلس في رجاك
كبدي اللي كن فيها عقب فرقـاك عـود=انت سبتها وانـا اقـول ياخلـي إفـداك
وعيني اللي بازرق الدمع بغيابك تجـود=دمعة ٍتنعى فراقك ودمعـه فـي رثـاك
ودي اطـرش تحيـه لـدارك يالعنـود=نسمة ٍ تآتي لدارك وتنعم في ثـراك
ثم تقدم لك من الغـرب باقـات الـورود=وإعتذار ٍ من وليف ٍوطاه إللـي وطـاك
افتح ابـواب المـوده ويكفينـي صـدود=اترك المغرم يواجه غلاتك فـي حـلاك
واعرف إني ياوليفي مدي سـر النفـود=واصلك لو كان دونك مطاليـل الهـلاك

[الـعـابـر]

صح لسانك يامحمد

[محمد بن منصور]

المشاركة الأصلية كتبت بواسطة الـعـابـر

صح لسانك يامحمد

العابر

ياهلا وغلا..

وصح بدنك طال عمرك..

[عارف دربه]

ليت لامنِي طلبتك تقـول إرقـى سنـود
والله إن ما اطلب اللي بغيته من سـواك


جزله من جزل

كل بيت يقول الزود عندي .. لكن اجبرت نفسي على الانتقاء

صح لسانك

[محمد بن منصور]

المشاركة الأصلية كتبت بواسطة عارف دربه

ليت لامنِي طلبتك تقـول إرقـى سنـود
والله إن ما اطلب اللي بغيته من سـواك


جزله من جزل

كل بيت يقول الزود عندي .. لكن اجبرت نفسي على الانتقاء

صح لسانك

عارف دربه

الجزالة في مرورك وإختيارك لعين القصيد..
صح بدنك..
وش معنى أخترت البيت هذا؟؟
(كلك ذوق)..

[مقبل العرجاني]

صح لسانك يابن منصور

أبيات جزله ورائعه

بإنتظار جديدك

[محمد بن منصور]

المشاركة الأصلية كتبت بواسطة مقبل العرجاني

صح لسانك يابن منصور

أبيات جزله ورائعه

بإنتظار جديدك

مرحبا بك يامقبل

صح بدنك ومرورك أسعدني جدا..

[ياعين أبوي]

صح منطوقك أبيات قمة بالروعة
ننتظر روائعك القادمة

[محمد بن منصور]

المشاركة الأصلية كتبت بواسطة ياعين أبوي

صح منطوقك أبيات قمة بالروعة
ننتظر روائعك القادمة

مرحبا ياعين أبوي

صح بدنك ،مرورك اسعدني جدا..