التمثال

[ولد مرزوق]

مساكم الله بالخير جميعاً كان بأسمه

هذي قصيده للشاعر الشاب المتألق حامد زيد ومن دون مقدمه ولا توضيح اكثر
عن الشاعر لانه مشهور شهره كبيره وهو يستحقها وهذي قصيدة التمثال وانا
شخصياً اهديها للمنتدى فأنشالله تعجبكم

القصيده :



عفا الله عن خطا غدر الخناجر والضلوع ابطال
باسامح واتركك تحت الظلام الحالك لحالك

دخيلك وفر دموعك ترى هدر الدموع اذلال
وترى مافيه احد يصبر مثل صبري بغربالك

انا عيب علي انقض كلامي والرجال افعال
واذا قلت اقطع حبالك تراني بقطع حبالك

عشان اكسب هدب عيني تجرعت العذاب اشكال
وليتك تراف بحالي علشان اراف بحالك

مسوي في حياتي شي مايذكر ولا ينقال
حتى العدو واهو العدو ما يعمل اعمالك

تمسيني على الهم وتصبحني على الغربال
تقلطني فناجيلك وتقصر عني دلالك

تحمل

[ولد مرزوق]

تحملت التعب لاجلك وانا حملي يهد جبال
رحلت من العذاب وما وقفت الا على جالك

علامك كلما اجيك متواضع جيتني تختال
معاك اليا متى باصبر وصبري معك يحلى لك

مثل ما اقبلت لعيونك لزوم تلدلي باقبال
ومثل ما قد حشمتك حس واحشم قلبي اشوالك

انا محد بجابرني اساير معك هالمنوال
ترى ماني تبيع لك ولاني اصغر عيالك

انا حبيت اعشقك نبض ومشاعر ما اعشقك تمثال
انا جيت اسكنك واحياك وابقى فيك وابقى لك

انا جيت اب ظمى عاشق تعب يطرد سراب اللال
انا جيت استفز رضاك من فرقاك والجا لك

انا ما همت بك عاقل انا كنت اعشقك بخبال
انا ما كنت احبك حي انا كنت اعشقك هالك

تخيل من كثر ما خفت تلقى للزعل مدخال
اخاف اخطي على طيفك وادوس برجلي ظلالك

تبعتك والعرب تتبع رعود البارق الهمال
وانا شفت المطر يتبعك في حلك وترحالك

كأن الي خلق حسنك خلقني مع جسدك ظلال
وصرت اقرب جسد يمشي معك باقفاك واقبالك

ابي قلبك يحس انه فقد بمحبته رجال
ملكته من هدب عين وخسرت ارضاه باهمالك

صحيح ان الفراق اقسى ولكن الوصال محال
وانا صعب على ارضي غرورك واضعف قبالك

بعد ما حققت عيني فبعدك للرقاد امال
اعود للسهر! ياخوي فال الله ولا فالك

ببدل نظرتك فيني واجي لك كل يوم بحال
باكون اقرب من ثيابك عليك ولا اتهيالك

بالمك وانثرك واجمعك وارجع انثرك باهمال
باخونك وازعلك وارضيك وازعل منك وارضى لك

ابرسم بالثرى وجهك وابدفن صورتك برمال
ابشكي للعرب فرقاك واضحك عند عذالك

ابهديك الوصال فراق واهديك الفراق وصال
باسوي مثل ما اشوفك تسوي وافعل افعالك

عشان تعرف من فينا الزعول ومن وسيع البال
ابيك تذوق فنجالي وانا باذوق فنجالك

نصيحه واحتفظ فيها قصر معك الزمن او طال
ابي تسمع كلامي زين وتحطه على بالك

اذا حبك هبال اطفال لك عندي هبال اطفال
ولا وابشر بعد بهبال حب ماهو بهبالك

واذا قصدك تهين اسمي عشان تشمت العذال
ترى لا انت ولا غيرك ولا عشره من اشكالك


وسلامتكم
وصح لسان قايلها


اخيكم : برجس العجمي

[عزوف]

يعطيك العافيه على هالقصيده الرائعه يا ولد مرزوق

[ولد مرزوق]

عـــــــــــــــــــــــــــــــــــ مشكوره على المرور يا ــــــــــــــــــــــــــــــــــــزوف

[cool]

السلاااام عليكم ورحمة الله وبركاااته


صح لساااان الشاااعر المتألق حااااامد زيد. ومن قااال سااااالم وصح لسااااانك

برجس .

تسلم على الاختياااار والذووووق .


كـووول

[ولد مرزوق]

يعطيك العافيه اخ cool واشكرك على المرور