صرْتي تقولي هون،، وأوّل تقوليـن هنيّـه

[ffahad]

جميلة اعتقد ان تكون كذالك


يقول الشااااااااااعر:

إيْه صَح إن القلُوب رهَاف والنيـه مطِيـه=بَس مايعْني إني اخضَع لك وتصْفالِك نوايـا

كان فيني طيب قَلْب وكان عِندي حسن نيـه=بَس لاشِفْت الأمور،، تكَركبَِت عنْدي خفايـا

كِنْت مثلك يوم كِنْتي,,, طيّب وقَلْبي بإيديـه=وين ماتبْغين اوجّه لك من عظامي سَرايـا

كنت ارحّب بك وأهَلي ياهَـلا بـك يابنيّـه=واختصِر لك بالدّلع والود وارسِل لك هَدايـا

كنت ارسِل لك بُخور وقِرْفة(ن) مع ميرميه=وكان من ضِمن الهدايا كِحل وامْشُوط ومرايا

كنت أغازِلك بقصايد لأنّي اعْرفـك بدويّـه=واكتِب أشْعَاري وأغنّيها وأحجي لك حجايـا

ويوم جيتي للمدينه صارَت علُومـك رديّـه=قِلْت يمكِـن التّطـور غيّـر بقلْبِـك خلايـا

قِلْت اغّير من اسْلوبي صارت البِنْت حضريّه=وصرت اسْتَخِدم اسْلوب جَيّد ونصّه خطايـا

وصرْت متْعلّم بعد فَتْـره وأرضيتـك عليّـه=يوم بدّلت الشّعر بأنغـام وألْحـان وحكايـا

صرْت أغازِلك بحَنان وحـب وألفـاظٍ نديّـه=لين صرْتي تفْرحين إن قِلْت وش تحت العبايا

صرْت أناديك بأماني ليـن نسّيتـك رقيّـه=صرْت ألبسّك الخَواِتـم والقَلايـد والحلايـا

صرْتي تقولي هون،، وأوّل تقوليـن هنيّـه=صرْتي تقولي ياي، أوّل عَلامي وش بلايـا

بس ياشين الدّلع لازاد عـن حـدّه شويّـه=ودّها تسوّي جِراحَـه ليه،بتشيـل الكوايـا

نعْنبوها كلّ شبرٍ فـي جسدهـا فيـه كيّـه=ماسِلم من جسْمها إلا وجْهها صابه شظايـا

ويش أسوّي ياعَرَب ربّي بلاني بها البليّـه=تعّبتني وأمْرضَتنـي بعـد ماكانـت دوايـا

لا وتسْألنـي حَبيبـي ماكأنـي مغربيّـه،،=قلْت إلا،،، بَس زدتي عنهم بزيـن السجايـا

أعذروني يالرّبـع يومنـي حبّيـت قرويّـه=غرّني البرْقع وغرّني بهـا بَعْـض المزايـا

اعْجبَتني يوم كانـت بالهـوا جـداً غبيّـه=كنْت امشّيها على كيفي وأسوّي لي سوايـا

ويوم صارَت تكْتب وتقْرا حـروف الأبجديّـه=إسْألوها،، ويْش عِندك من أمور ومن خفايا

تذْكرون البِنْت ذيك اليوم صـارَت جامعيّـه=لا،،، بتقْدير إمْتيـاز مـن البدايـا للنهايـا

بَس فيها بَس فيهـا بَـس فيهـا جاذبيّـه=كِـل ماقـرّرْت ابتِركْهـا تذكّـرت المزايـا

تقبلوا تحياتي

[ابوحمد الشامري]

لا هنت يا السنافي على القصيدة الرائعة صح لسانك على الاختيار الرائع

[عيد بن شدقان]

صرْت أناديك بأماني لين نسّيتك رقيّه
صرْت ألبسّك الخَواِتم والقَلايد والحلايا

صرْتي تقولي هون،، وأوّل تقولين هنيّه
صرْتي تقولي ياي، أوّل عَلامي وش بلايا

والله اللي تغييرت صحيح
من عقب اهنيه صارت اتقوووول هون


فهد
لاهنت
وصح السانك والسان الشاعر

[قبلةالعجمان]

صح لساااانك ...

ولاهنت على الاختيار الجزل ...

[ffahad]

ابوحمد
ذياب
قبلة العجمان
اسعدنى مروركم
ويعطيكم العافية

[سمو الامير]

نعْنبوها كلّ شبرٍ في جسدها فيه كيّه //ماسِلم من جسْمها إلا وجْهها صابه شظايا

لاحول ولا قوة الا بالله

صح السانك ويعطيك العافيه يافهد
اختيار جزل

[حسايف]

صح لسانك ولاهنت علي الاختيار

[ffahad]

سموالامير

حسايف
يعطيكم العافية والجزالة فى روسكم
اسعدنى مروركم

[بنت شيوخ]

سنافي
حلوه شكرا