يــــــامي .......جبان القوم لا يمكن يعيش وحقه التذبيح

[مفلح]

قصيدة معبره عن حال بعض اللي يسافرون للخارج حمانا الله وياكم وعافنا

أنا مانـي مثل منهو مسافـر في مهّب الريـح = نسى نفسه نسى ربعـه نسى داره وما فـاتـه
خرج عبر الحدود من الكبينه ختّـم التصريـح =نـوى شد الرحـال لـدار مَن فيها هواياتـه
ويوم إنه نزلـها راح للـفندق بلا ترّجِـيح =حـجز غرفـه وخـلاّها لروحاتـه وجياتـه
مشى خلف المراقص هاوي الرقصات والتلّميح =سرى ليـله يـروح وينتقل من بيـن باراتـه
سَرقه الوقت ما يدري وهو في عالـم الترويح =ينَقط ورد يشرب تتّـن هايـم بين غرّشاتـه
غدا في حالهٍ يرثى لـها بين الغثاء والـريـح =وقـامت تتضح في حــالته معنى متاهــاته
ربط خصره وقام يهز يا عالـم كفى تـجريح =كفى معنى الرجـوله كيف تطلق له وشرواتـه
تبهذل وأبتلى وأنساق في العالم بلا تصحـيح =بعـد ما كـان عـايش بين عماته وخـالاته
ويوم انهم نووا قفّل الـمراقص قام عاد يصيح =وخرج من باب فندقهم يدور بوسط حاراتـه
على عالـم دمار الذات ماشي بالخطأ تـجّميح =يفـكر إنـه الرابـح على جَمعت خطاياتـه
أنا ابن العز وابن العز لا يـمكن بيوم يطـيح =على ذل المـعاصي لأجل سجاتـه ورغباتـه
أنا من لابـه مناهـاجها للتـايهين يضيـح =رفيع العرش خص القوم من سابع سماواته
ولايه للعقيده والكرم لو يعلنوا الترشيح =خذوا ربعي دروب الفخر وأحتلوا مساحاته
نعز الجار والمضيوم لا خله ولا تجحيح =إلى منه نصانا نعتزي ونحارب إعداته
ولا تلقى بنا الخائن وألا اللي يرغب التمليح =أبو وجهين يخسى والله ما تفلح حكاياته
اذا حمي اللقاء جينا ولا نخشى من التشريح =نموت بعزنا ما نهيب موتاته وطعناته
جبان القوم لا يمكن يعيش وحقه التذبيح =يموت ويدفن بقبره ولا تحيى سلالاته
أنا يامـي أنا ابن الدار أنا من دولـة التسبيح =حَفظـها الله بشرعه ودام عـزه فوق راياتـه

[تايه الغربه]

ومليوووووووووووووون نعم يا اليامي

وصح السانك يا مفلــــــــــــــح طال عمرك

[محمد اليامي]

قصيده وافيه ...جزله ....صح لسانك وبنانك....

لاهنت ...

[الشرس]

صح لسانك اخوي مفلح
قصيدة جزلة بس منهو الشاعر ولا عليك امر

[مفلح]

تـــايه الغربه ينعم بحالك ماعليك زود يالغالي

وصح بدنك طال عمرك

تحياتي لك على المرور والمشاركة

[مفلح]

محمد اليــــــــــــامي صح بدنك والله لا يهينك

تشرفنا بمرورك الكريم

[مفلح]

الشــــــرس صح بدنك يالشيخ

أنا لوكنت أعرف اسمه ماتأخرت عن كتابته، ولكن
انا نقلتها من احد المنتديات وصاحب الموضوع
ماوقع اسم الشــاعر...

إلا كانه هو اللي كاتبها
فأسم ذاك العضو "أبو راشد"

والله أعلم

...كان أحد يعرفه لا يتأخر علينا بإسمه...


تقبل خالص مودتي،،

[راكان اليامي]

صح لساااااااانك يابن مفلح ومليووووووون نعم في قباايل ياام كلهم

[عيد بن شدقان]

مفلح
صح السانك والسان الشاعر
ولاهنت
اختيار رائع

[روح الوافي]

صح لسانك ونعم فيك يالغالي




لاهنت والله يعطيك العافية



أخوك روح الوافي