الموضوع ملطوش 
ويارب ما يكون مكرر ..
<<< لها سوابق بنت الحلال 
اولاً:مرحلـــــــه الولاده
الولد في بطن امه دايم ساكت ومهوب الي يتحرك درجةً ان الدكاتره يقولون للام الجنين مييت ..بس يكتشفون انه حي يوم يطلع
يطلع وهو ساكت ومتنح بلاه مايدري وش الي ينتظره خخخ
اذ كان عربجي يقول للدكتور وخر عني بطلع بلحالي ادل الطريق اما اذا كان خكري قال يمااااااااي برجع جوا كثير احسن
ثانيا : مرحله الحبو
يابنات المرحله ذي متعبه جدا جدا واحنا دايم الي ناكلها ..طبعا الي عندها اخو صغير بتحس بالمعاناه يصير تقل مكنسه كهربائيه نستفيد منه بصراحه اذ ضاعوا شباصاتك تلقينها عند اخوك بالحفظ والصون ...او اذ حصل وجاكم ضيوف فجئه وكلش حوسه فكي اخوك الصغير يلقط كل شي ...
ثالثا:مرحله المشي
في المرحله ذي كل الجيران يحفظون شكلك صم ولو تبين يرسمونك ماعندهم مانع ...انا اقول ليه يحفظون شكلك ...تجيك امك بلامقدمات تقول ابيك تنتبهين على اخوك انا بطلع مشوار صغيرون وبرجع هو مع الخدامه بس انتي اشرفي عليها تطلع امك بعد ماذليتي جدينها ومنيتي عليها المهم انزل تحت لاخوي وهو من يشوفني يقول ماما لاح (ماما راح) ذيب اخوي ماتمشي عليه نقعد نتفرج بسبيس تون ويدق الجرس وينقز بحضني ديما انا حايف(خايف) يطلع الي عند الباب ابوي معه مفتاح بس يبي يفاجئنا يدخل يغير ملابسه يطلع للنادي وهو مايرانا شي ..انا اسرح والله يالدنيا ابوي مستانس على الاخر وامي تمشى وانا مع بزرن مايدري وين الله حاطه ..اح بس ماالومكم يالامريكان يوم نقرا بالجرايد تذبحون عيالكم والله بعذركم ويقطع حبل افكاري ..صوت الخدامه ديما ديمااااا وين حموودي وانا الي افز من غرفه لغرفه ومنادى تقل بغابه ...ماش الولد ماله اثر بديت اختنق احس دمعتي خلاص بتنزل حمودي ياحمااري العزيز (على وزن يااخي العزيز) ماحد يرد قعدت اتذكر مشيته وصوته عرفت غلاه ياربي وين طسس واذكر باب الشارع اعرف ابوي اذ كان فرحان ينسى كل شي وبسرعه جنونيه ماادري الا انا بنص الشارع واتلفت يمين يسار الا وهو قدامي عند القطاوه ويسولف معها والقطه بحركه خطافيه تقل طرزان وادخل بعد مااسكر الباب ماادري اضربه بس مااقدر لاني ارتجف والا اضمه لاني حسيت بغلاه .....
ثالثا: مرحله دخول المدرسه
هنا مرحله النصب والهلس يجي البيت ويحكي لنا يومه سطر المصري ولد مدرس الرياضيات ويودونه الاداره ويعصب ويصك المديربالدباسه الي على المكتب...
رابعا:مرحله المراهقه
حلفت ماحد ياقف ادري عرقكم يتصبب بس والله لافضحكم الحين ببرد حرتي ..في هذه المرحله تزداد العلاقه بين العيال والشوارع يصير الشارع خويه حتى مره دق علينا الشارع يقول وين محمد مااشوفه خخخخخ ويحصل تغيرات منها
عيونهم تصير تقل شاشه توقف من كثر مقابل القنوات
خشونه في الصوت في البدايه هم الي يخشنونه يقال لهم مرجله
تزداد الغيره ...على اهله بس بنات الناس بالطقاق مادرى ان من طق باب الناس طقوا بابه....
اذ دخل البيت رفع خشمه فوق فوق يجحد اخته يجحد الي تنازلت عن اشيا كثير عشان سواد عيونه ..(والله ان احبك يامحمد ياخوي بس والله لانكبك)
تذكر يوم العب معك كوره تنازلت عن الانوثه وتمزعني بالكوره وفي روايه تصرعني(يعني يشوت الكوره باقوى مايملك) درجه ان ابوي شافنا نلعب قال ارفق على اختك بدون (مزع)
تذكر يوم اركب وراك بالسيكل وتصمخ بي جدار الحوش
تذكر يوم نجمع فلوس علشان نشتري النمر المقنع وبعد مانتفرج باخر جزء تنفذ كل حركات النمر فيني هاتك ياتبقيس وتكفيخ ..
يجحدون كل شي بالسن هذا...مايهمهم
عكسنا احنا بالسن هذا نحتاج اخوانا اكثر...
خامسا:مرحله العشرينات
اخوي توه مابعد وصلها بس من خوالي وعماني الي اشوفه يكثر
النصب والتميلح والترزز...وتزيد خفه الدم او ثقاله الدم على حسب..واحنا الرابحين بصراحه يزيد غلاك عند عمانك وخوالك بالسن هذا..ويخدمك بعيونه ..عماني مسوين جدول ياخذوني من المدرسه...ادري مو حبن فيني..انا اقول ليه تلقاه حاط عينه على وحده من خالاتي ووده اجيب طاريها على الاقل..
نستفيد منهم بالتمشيات ..وكل شي
خامسا:مرحله الزواج
الله يعننا بس ...
الزوجه تروح فيها ..يجيك معصب ضايقن خلقه ..ماهمه الا بطنه
ومايردد الا تراي من صباح الله اكرف وتعبان ثم حط راسه ونام
الصباح يقوم معصب ليه مدري ..لبس وتكشخ وطلع عاااادي ماكأن له حرم مصون اخذها من عز ودلال من بيت ابوها وحنان امها ..واذ مره طلع يتمشى معها ..ودق عليه جواله سأله واحد وين انت اليوم بنسهر قال والله مشغول معي رجال بمشيه ثم بجيكم..
اموت واعرف ليش تعبرون بالرجال في كل شي اذكر سمعت ان واحد يسال زوج بنته عن بنته قال ها وش اخبار الرجال؟؟قال ابشرك طيب وانه حامل ...يخرب بيته جاب العيد
فيه شي لو قلت زوجتي
واذ طلعتي معه السوق يالله بلشه وشماته ...وينشب بكل شي ..وكل شوي انتي للحين ماخلصتي ياخي الناس اذواق مو أي شي يعجبنا..لا واذ اعجبنا شي قام يكاسر وفضحنا بالناس وبالاخير قال امشي اتركيه هو ومحله عاد خساره تركت الي عجبها ..
منقوووووووووول
11-01-2005, 03:10 AM
العرض العادي
