الأبـــــواب الـمـغـلـقــه

[بخيتان اليامي]

أتمنى أن تحوز على رضاكم جميعا وأن تلقى القبول في هذا المنتدى النير بوجودكم،

يا شينها لا قفلت كل ألابواب=في وجه رجال ٍ يدوّر بصيره

عل وعسى وشلون من ضمن الاسباب=وضع يفجر داخل الجوف حيره

أن جاء يدور حل من يم الاقراب=فكر بمنة من يبي يستشيره

أقراب لأحتاجوا وأن أحتاج فأغراب=بلواه من وجهة نظرهم صغيره

منهم ضعيف النفس ما يحسب أحساب=همه يعيش وبس من جهد غيره

وأن جاء يقول الحل في بيت الاصحاب=ناسي مفارق ليل حدد مصيره

في ظنه النسيان يشفع لمن غاب=للي ترك خله و سافر لديره

هزه شعو ر أن كان خلّه معه تاب=و الا بقى ما بين شك وغيره

وفجأه يحس القلب يرجف ومنصاب=و خيب حبيبه عاشق يستجيره

في وقتها الشمات يضحك بالانياب=و يقول ما قد قلت لك تستخيره؟!

لو هو درى أنه ساكن تحت الاهداب=وأن العيون أن راح تصبح جهيره

وأنه يحكم القلب و يشد الاعصاب=وطعم الحياه تكون دونه مريره

وأن الثواني أسنين في سلم الاحباب=وش عاد لو فارق عشيرعشيره

ما لام من جرحه له أعوام ما طاب=و لا نصح تايه همومه كثيره

لاشك ما جرب ولا شاف الاتعاب=ما يدري أن العشق ناره سعيره ؟

وأن الزمن ظالم تحدي ولا هاب=ومن عانده وقته حلوله عسيره

هني من يلقى مفاتيح الابواب=حتى ولو باب ٍ وخلفه بصيره

[عـزام]

الشاعر المبدع

بخيتان اليامى


صح الله لسانك


ولا هنت يالقرم

لن اكتفى بقراءة واحده

[فيصل بن حجرف]

قصيدة رائعه من شاعر مبدع
صح لسانك اخي القدير بخيتان والله لا يهينك على القصيده اللتي امتعتنا بها
وننتظر جديدك

[هند]

الأخ القدير ( بخيتان اليامي )
صح لسانك ولاهنت
كل الشكر على أبياتك الرائعـــــة

لك احترامي
السؤدد

[ابو محمد]

صــح لســانك يابخــيتان وننتــظر جديــدك يالســنافـي

اخــيك ابن عجــيم

[اديب]

الاخ بخيتان صح الله السانك

قصيده جزله ولا هنت يالغالي

تحياتي

[بحوور]

بخيتان اليامي



صــــح كــــــلك مليـــــــوون

ولاهنــــــــت



تحيـــــــاتي وتقديــري

[بخيتان اليامي]

أخي العزيز عـزام،

صح الله بدنك أخي العزيز وكل عام وأنتم بخير،

كل الاماني الصادقه لك بالتوفيق أخي العزيز عـزام،

أخوك،

[بخيتان اليامي]

يامرحبا يابو عبدالله،

صح الله بدنك يالغالي وعسى الله لايهينك.

شرفني مرورك على صفحاتي المتواضعه.

كل الاماني الصادقه بالتوفيق لك أخي العزيز أبو عبدالله.

أخوك

[بخيتان اليامي]

الرائعه السؤدد،

صح الله بدنك وأشكرك على أطرائك ومرورك أختي الغاليه.

كل الاماني الصادقه لك بالتوفيق.

أخوك: