(رثاااااااااااااااااااااء)(((مسعود الغليسي)))

[فلاح ال مخلص]

[quote=فلاح ال مخلص]السلام عليكم ورحمة الله وبركاته

ارجو من من يقراء هذي القصيده

ان يقرى الفاتحه

لمسعود بن جابر الغليسي ويترحم عليه



((( مسعود الغليسي)))
الشعر والطاروق ماذا بحله=ياعزة العارض وياقمة النير

والقاف يامسعود كثره وقله=والله مايجبر قلوب مكاسير

ياتل قلبي من عراويه تله=تل الرشا والجم يجبد من البير

عليك يارمز النجوم المطله=زبون طرش واردات مصادير

فيك العوض منقوص والكامل الله= لوعوضوني بالذهب والدنانير

معاد به مايسعد القلب لله= دنيا الحسافه والفلس والمخاسير

مريت بيتك في العصر مشفي له=شفق على ترحيبتك بالمسايير

شفق على عود وتمر ودله=والحيل لامن علقت بالشناكير

اقبلت كن قلبي تدقه الاخله=واقفيت كن قلبي تدقه مسامير

تغيرت عندي مواقع الاهله=مرات اسير ومرة ودي اطير

خلوني امره واشرف محله=وابكي عليه كثير وشوي وكثير

واشوف منزاله عساه ولعله=يموج من راسي هموم وتفاكير

وابخل بدمع العين وارجع واهله=واصيح وانخى لابتي والمناعير

تكفون ياربعي دوى كل عله= يالابتي يااهل الجيوش المشاهير

مدري الزمان المختلف فيه خله=الضيم مقبل والليالي مدابير

الدرب ضاع ةضاع قلب يدله=يارجل سيري بي وانا ودي اسير

دنيا الحسايف والقهر والمذله=تضحك وخوتها مثل نافخ الكير

دنيا تفرق بين خل وخله=ولاتبرق في الوجيه المسافير

خذت رفيق عزوتي عزوة له=له وقفة عند التحام الطوابير

حر يمثل (((دولة مستقله)))= دولة قبايل يام (((يام المعاصير)))

له مجلس من يدخله مايمله=العود فاله والدلال المباهير

عز الله ان الموجبه ماتزله=نسل القروم ومحتمين المظاهير

الطيب والفزعات عنده جبله=مع بني عمه على الشر والخير

اليوم من فرقاه في القلب عله=ومن اول يالربع في نعمة الطير

والله ثم والله والله والله=لولا مخافة ذنب ماودي ايصير

لقول دنيا دون مذهب ومله=استغفر الله لخلف السير بالسير

لكن بقعى كل يوم بحله=ذولا تقدمهم وذولاك تاخير

والملك عند الله دقه وجله=لابد مانرضى بحكم المقادير

[اطياف الماضي]

لابد مانرضى بحكم المقادير

صح لسانك على هالمرثية ..

والله يرحم مسعود الغليسي وعسى الجنة مثواه

تحيتي

[فيصل بن حجرف]

صح لسانك اخوي فلاح
والله يرحم مسعود الغليسي ويسكنه الجنه ويغفر له ولاموات المسلمين اجمعين

[عـزام]

لله درك يا فلاح

أشهد بالله انك رثيته

وانها قصيدة جزززززززله يوقف دونها الحكى


الله يرحم مسعود الغليسى وجعل الجنه مثواه

وصح السااااااانك يالقرم مليوووووووووووون تردف مثلها

[admin]

الله يبيحه ويحلله ويسكنه الجنه

وصح لسانك يا فلاح

[جميل بن زريع]

وعليكم السلام ورحمة الله وبركاته

الله يرحم ابو جابر رحمة واسعه ويسكنه

فسيح جناته ويلهمنا ويلهمكم ويلهم اهله

الصبر والسلوان يافلاح ... والله اللي يعيضكم

يا ال مخلص خاصه ويعيضنا كافه في ابوجابر..

مسعود وليده ووالله انه فقيده على الناس كلهم ..

عاش في الدنيا بطيب وعلم غانم وفارقها بطيب

وعلمه وسيرته الطيبه باقيه والعوض في عياله ...

الله لايهينك يا ابو سالم ... تقبل تحياتي ....