( طعنـات و ضمـاد )

[ماجد المهنا]

السلام عليكم ورحمة الله وبركاته ..


مسيكم بالخير ..

اخواني ..

يشرفني وضع ذا القيصده بين اياديكم ..

اتمنى تلقى القبول عندكم ..


صلو عـ النبي ..




( طعنـات و ضمـاد )

الشتاء اقبل وضو الشوق فيني = واصبحت ضوي عقب زولك رماد
اشتكي حر البعاد لموق عيني = وانتي يحلالك عذابي والبعاد
يا وجودي وجد قومٍ نازحيني = اجبروهم عـ الرحيل من البلاد
حاكمٍ ظالم وجنده حاقديني = ذلو العز بطغيان وفساد
خلو كبير القوم ضمن الصاغريني = واحرمو صغيرهم طعم الرقاد
جند لا تؤمن بـ رب ولا بديني = وحاكمٍ قلبه توشح بـ السواد
قامت ادموعي تحدّر في يديني = مثل ما يبكي ( جبير ابن عباد )
وضع مستعصي وعيا لا يزيني = من عنادٍ في عنادٍ .. في عناد
يا عذابي كل ما يعرق جبيني = واتباشر بأنها كبوة جواد
اتفاءل وادري ان حظي دفيني = ميتٍ من عادني وسط المهاد
هقوتي ماهيب تتعدى يميني = كن ظني تحت رحمه من زناد
وادعي اللي رازقٍ أم الجنيني = رافعٍ سبعٍ شداد بلا عماد
تدفي اطرافي وتنشف دمعتيني = وينتشل قلبي من اثياب الحداد
ان كان يحلالك عذابي عذبيني = والله انك غاليه هذا وكاد
( واطعنيني كان ودك تطعنيني =لأن طعناتك يجي معها ضماد )
وجعلني ما ابكيك دامك تذكريني = وجعل يومٍ فيه غبتي ما يعاد

وسلامة روسكم ..




ماجد المهنا

[فيصل بن حجرف]

ياسلام عليك
صح لسانك اخوي ماجد على الكلمات الرائعه
قصائدك لها طعم خاص نتمنى ان حنا نشوف المزيد منها

[كويتي]

عليه الصلاة والسلام

ان كان يحلالك عذابي عذبينـي =والله انـك غاليـه هـذا وكـاد

صـــح لســــانك يا ماجد قصيـــده رائــــع
قلم متميــــز وشفــــاف ,,

بنتظـــار جديـــدك

تقبــل تحياتي
كويتي

[هند]

وعليكم السلام ورحمة الله وبركاته

مساك الله بالنور
لاهنت ، وصح لسانك أخي القدير
أبيت رائعه كالعاده .،


ننتظر جديدك
الســــــــــؤدد

[العماني]

صح الله لسانك يالقرم ولاهنت طال عمرك على ذي القصايد الجزلة

واستمر في ابداعك

تقبل تحياتي،،،

[اطياف الماضي]

الله الله اخوي ماجد

صح لسسانك على هالابيات اللي قليل في حقها ان حنا نقول جميلة


سجل اعجابي بتلك الرائعة

تحيتي لك

في انتظار جديدك

تحيتي لك

[عـزام]

واطعنيني كان ودك تطعنينـي=لأن طعناتك يجي معها ضمـاد )
وجعلني ما ابكيك دامك تذكريني=وجعل يومٍ فيه غبتي مـا يعـاد

ماجد المهنا


صح السانك يا القرم

قصيدة فى قمة الجزاله تستحق التثبيت

لا هنت يالغالى

[الـــصـــعــــب]

الله الله






ابدااااااااااااااااع حتى الخيااااال




صح لسانك يابن مهنا




ولا هنت على الابيات الجميله




تحياتي لك



المتميز

[بحوور]

مــــاجد المهنــــا


الله عليـــــك يا الاميـــــــر

صـــــح كـــلك مليــــــــوون

ولاهنـــــــــــت ..

ابدعـــــــــــت ..





تحيـــــــاتي وتقديــــري

[cool]

السلاااام عليكم ورحمة الله وبركاااته

( واطعنيني كـان ودك تطعنينـي
لأن طعناتك يجي معها ضمـاد )

وجعلني ما ابكيك دامك تذكرينـي
وجعل يومٍ فيه غبتـي مـا يعـاد

ومن قااال سااالم مااجد المهنا وصح لسااانك على الجزله

كـووول