راكان ابن حثلين \وابن رشيد \وابن هندي امير عتيبه

[فيصل المشوط]

هذه مساجلة بين حمود بن رشيد شيخ شمر وراكان بن حثلين أمير العجمان ومعه ابن هندي أمير عتيبة رحمهم الله

قال ابن رشيد:

يا ليل سلملي على الشيخ راكان**********سلم على زيزوم يام وأميره

اليوم صاروا بالعرب تقل جيران************ومن وين ما وجه تقفوا نشيره

واذكر لهم بالكون طيحة غزالان***********ثلاث مرات بوجه المغيره

قل فعلنا شافه حزام وفاران************يومن على عروه تقطع غثيره

ان كان ابن هندي نوانا ببرزان**********حنا على عروه قصرنا مسيره

والسابق اللي عندكم يابو سلطان***********لها بوجهك شامة مستديرة

هرج بلا فعل قول بقيعان***************وقول بلا فعل علينا معيره

والحرب ما يحسب طردن بميدان************الحرب سل الصيرمي من جفيره

عاداتنا من مبطين فرق الأقران***********نفرق عشيرن من ملاقى عشيره

وإن كان هو من غارة العالم زعلان***********من الزعل والغيظ حنا نجيره

برقطا لها مع فجر الصبح دندان*************نتبع ملازيمة عقاب المغيره

رد راكان بن حثلين:

يا راكبن من عندنا فوق شقران**********خرزها بالخرج فوق النحيره

أوصل سلامي لأخو نوره ببرزان*********وعقب السلام نخبره بالسريره

من باب برزان ليا باب نجران***********ما هو بأنا يا الضيغمي أنت أميره

علمن لفاني به حزام وفاران********** يا سر قلبي يوم جاني بشيره

علمن لفا من شوق سحاب الأردان*********هو شوق من تزهى الشجايج نظيره

عضيد أخوه يصادق الفعل ولسان*********دبوس راس اللي دوى به مشيره

فرز الوغى ليا جا ثقيلات الأكوان************لا سلم صقول السنا من جفيره

هلت مخاييله بدرج وســـــــــــبهان ********* ماينتمييز وردهـــا من صديره

وتذكر محمــــــــــد جامع نجع عجمان******* ذخيــرة يـــاوي والله ذخـــيره

الامر قدره الولي عالي الشــــــــــان ********* والا عتيــبه ماعلـيهم قصيره

كرمان وان ركبوا على الخيل فرسان********* ليا اختلط عج الرمـــــك بالمغيره

وسبيتنا ســـــــب على غير برهان *********** ماتستوي هذا لـزبن العشيره

وحنا بديرتنا ولاحن جـــــــــــــــيران ********** في شاية اللي مايـخون جويره

من زان حنا على الزيــــــــــــن خلان************ والضرليا حــــرك تزايد سعيره

جويرنا صفرن تنزى بصبيان***********كل أبلجن يشبح بظلة عشيره

حامين ديرتنا بخيل وفرسان***********يوم ان كلن له حدود وديره

وليا بغيت الشيخ يوقف بسبهان*********تاقف ليا من العلم يرجع لأميره

ولولا حسن نوخ بذربـــــين الايمان **********راحت عليكم يابو ماجد كســيره

اولاد عليا مطوعة كل فســــــقان *********عاداتهم بالكــــون كف المـغيره

الذم مايهفي للاجــواد مـــــــــــيزان ******** والمدح مايرفع يديــينن قصـيره

ماقل دل وزبدة الهـــــــــــــرج نيشان **********والهرج يكفي صامله عن كثيره


بعض من رد ابن حميد:
ياحمود كانك قاعد وســــــط برزان *********لابان لك فعل ولالك مشــــــــيره

اليابغيت الشيخ يوقفـــــــــك سبهان *********تاقف لما ان العلم يرجع لاميره

والسابق اللي قلت عند ابن سلطان**********مع تسعة اللاف علينا مــــغيره

حنا خذينا الخيل قلع بالارســـــــــان ******* اصايل في نجـــــد حتى الجـزيره

ياحمود لا نسرق ولا حن ببـــوقان******** البوق في حكمك عسى الله يد يره

[فلاح بن ملبز]

الله لايهينك يا فيصل المشوط على القصايد الرائعه

واشكرك على النقل...وجزاك الله الف خير

[بحوور]

فيصل المشوط


اختيــــــار مميـــــــز

لاهنـــــــــــت ،،





أختـــــــكـ

[Aziz]

الله لا يهينك على القصايد الرائعه


شكراا لك .

[فيصل المشوط]

السلام عليكم ورحمة الله وبركاته

اشكركم على المرور الكريم


والله لايهينكم جميعا

تقبلو فائق احترامي وتقديري

[عبدالله الفروان]

الســلام وعلــيـكم ورحمتــه الله وبـركـاته

لاهـــــــــنـــــــــت اخــــــــــــــــوي فــيـصــــــــــل

وصـــــــــــــــــــح الله لســـــــــــــــــان مــن كــتـبـهــــا لنـــــا

وياليـــت مـا تنســـــــــــــــــانا بكــتــــــــــــــــــابت مثـــــــــل هالـقـصــــــــــــايد الجـــــزلــه






اخـــــــــــــــــــوك : عـبــــــــد الله الــفـــــــــــــــــــــــــــــــــروان

[ماجد بن مهدي الهدي]

لاهنت اخوي فيصل واختيار ممتاز جدا يعطيك العافية