بانت حقيقة حبك

[المنسجم]

بانت حقيقة دمعك اللي نثرتيه = خذها نصيحة روح مالك ومالي
كنت الغريب اللي من اهله حرمتيه = فاقد حنان وساكن الهم بالي
كنتي وحيدة قلبي اللي جرحتيه = اسقيتني مرك وانا اقول حالي
خذتي نظر عيني وليتك حفظتيه = وصرتي كما شمعة ضوة لي الليالي
اطفيتي الشمعة وحبي رميتيه = ودستي عليه وصار شي خيالي
بالامس حبيتك وحبي شربتيه = واليوم فرق بين غالي وغالي
ماقلتلك جنب هروج المعاتيه = جنب كلام اللي من الطيب خالي
غرك كلام الناس رحتي تبعتيه = واليوم لا اشوفك ولا ابغى الوصالي
حبي توفى وانتي اللي ذبحتيه = عساه يجرالك كما اللي جرالي
والحين قصدي بان وانتي فهمتيه = وكانك تبي قربي ترى الود زالي
خسرت غالي وادري انك تحاتيه = خسرت قلب عن هوى الغير سالي
وشلون يرجع وقتي اللي سرقتيه = واشلون ينسى القلب احلى الليالي
بانت حقيقة حبك اللي فضحتيه = خلاص عقب اليوم قربي محالي

[بحوور]

المنسجم


يا هلا ومسهلا والله ,,

صـــــح كــــلك مليـــــــوون

ولاهنـــــــــت ,,





تحيـــــاتي وتقديـــري

[عـزام]

المنسجم

ابيات رائعه

صح السانك

ولا هنت

[مـحمـد]

الاخ المنسجم حياك الله
وشكرا على هذه القصيده الرائعه
صح لسانك وبانتظار جديدك دائما .

[فيصل بن حجرف]

صح لسانك يالمنسجم
وعزالله انسجمنا مع هذه الابيات الجميله
ننتظر ابداعاتك

[معياف]

حبي توفى وانتـي اللـي ذبحتيـه

عساه يجرالك كمـا اللـي جرالي

ابدعت واتقنت بس لاتدعي

وشكر لك ولهذا الابداع فهي قصيده رائعه وارقى من التعليق عليها



اختكم معياف ...........

[الخريف]

صح لسانك


ويعطيك العافيه

ولاهنت