رد ا حد ابنا قطر على سرهيد العتيبي،، و جواب سرهيد عليه

[*خالد*]

هذا ماقالة الشاعر جهز العتيبي

قال العتيبي قاف مبتـداه التحيـة والاحتـرام
تحية الاسلام مفروضة مـن الـرب الرحيـم
تاصل لذربين الرجال اهل المعـزة والوسـام
لهل المعالي والمراجـل والمواطـن والمقيـم
من بعد ذا قريت شعـر فيـة لفـة وانتقـام
حيلة ضعيف قالها التزوير وابليـس الرجيـم
تمشي تحت ستر الخيانة واللعانـة والظـلام
من مدلهم القول تجتـاح المسامـع بالضليـم
حنا عتيبة مانحب الميـل وضعيـف الكـلام
تاريخنـا مايكتبـة سرهيـد بالفكـر السقيـم
اللي تطاول بالكـلام الغـث عاليـن المقـام
انشهـد انـه لاصـدوق ولاكريـم ولافهيـم
مايقص الذم اللئيم من الرجال اهـل السنـام
اهل الشرف والمعرفة والمجد من عهد قديـم
بيت الشرف مايلحقه من ناقص المعنى هـدام
ماهزته كلمة حقـود جابهـا شاعـر غشيـم
من عاش بالحيلات يجمع بين كفينـه حطـام
ان مات مذموم النبا وان عاش ماقالو حكيـم
لاياقليـل المعرفـة مقيـود قيـد بلاخطـام
تلوذ عن قول ن تقوله مثل ماشروى الحريـم
ان كان في راسك نعارة يالخمام بن الخمـام
افصح عن اسمك وانتهج نهج السراط المستقيم
خللك على وضح النقا مثل الشطير من الحسام
ولاّتفضل بالسكـوت وشـم ذعـذاع النسيـم
مانته لسان القوم يالمندسْ فـي يـوم العسـام
انته تعيش بظل وافين المراجـل فـي نعيـم
والحر مايشبـه بطبعـه للحبـاري والنعـام
والطيب مايشبه ردي القول والقـدح الذميـم
واختامها لاغصن زيتونـة ولاربـد الحمـام
ابشعل الحرب الضروس وبسمـك الله كريـم
واليوم ياوجيه القبايـل يالعزيزيـن الحشـام
حنا ترانا فالمواقف مـن تميـم وفـي تميـم

......
رد سرهيد العتيبي عليه

السلام عليكم و رحمة الله


هذا قصيده كلفني بها امانه الشاعر سرهيد، لاني امس نقلت لة الموضوع. و عجب سرهيد من القصيد الي جهز كتبه ه و التعليقاة، قبل المشترك خالد الله يجزاه خير يضيف قصيدة سرهيد الاساسية . و حاول الشاعر سرهيد يسجل معكم بس ما قدر فكلفني بها . و ما على الرسول الا البلاغ.











سلام يا هل المنتدى، مني تحية و احترام = و اخص، من لا ظن ، في سرهيد بالظن الاثيم






العضو خالد ، نشكره، و نقول يا القرم لهمام = اسلم و دم ، جعلك ، من النمات و الغيبه سليم





و الثانيه يا اهل المنابر ، جابني نظم الكلام = قيل ٍ من المدعو / جهز يسب مدري يستضيم





و اقول له ، لن كان جاك ضغوط ، من شان الدوام = لا خير في دار على جرف ٍ ليا امسى اصبح هشيم





دار ٍ، تجنس فالزنوج ، و رحلت صبيان يام = و استبدلت روس العرب ، بالعلج و العبد الزنيم





ما قدرت روس الرجال اللي يقدون الجهام = و لا قدمت غير العجم ومخلفات ابو شكيم





ارحل و هاجر يا جهز، قص الرسن حف الزمام = و الله لو اني في مكانك و الله الشاهد ما قيم





ما اجلس و اناظر فالقوافل، بالطريق الها ادحام = قبيلة صما صميمه، با وسط الصحرا تهيم





ارحل ، تخير فالخليج ، اللي نزيله ما يضام = الشيخ جابر، فالكويت، و دار عيسى ما تضيم





لعمان ، و لا دار زايد ، جعل زايد للرحام= عساه في جنات عدن ، ومنزلٍ صدق ٍ كريم





و ين انت عن دار السعود ، و حامي البيت الحرام = عبدالله الغالي سديد الراي ، و ان تاه الحكيم





اترك بلاد ٍ، كل ما اقفى عام ، جا ها شين عام= ما يامن الرجال فيها، لو تشوفه في نعيم





اليا وفيت لحاكم ٍ فيها ، وحرّمت الحرام = انك رفيقه بالشد ايد، لو يحول بالجحيم





تحمي حماه من الخطر ، تدرا قفاه عن الملام = من عقبها تجحد فعولك كنك مسوي جريم





عامين و لا حولها ، و يجيك مرسوم اتهام = انك من اللي خانوا الشيخ الجديد مع القديم





و انك جريمتك الوفا، يوم الحدوا فيه اللئام = و ان انك مرحل من ديار ، حكمها ما يستديم





و اصبح وفاك اجرام، و اخلاصك ، جعل بيتك هدام= و ليا على من تشتكي حريم و اشباه الحريم






هذا و لا ارذل من بهم للجود منقع، و التزام = الخير فيهم ، جعل بيت الجود ما يمسي هديم





و اما قصيدك يا جهز، رتب بيوته بانتظام = و ارض النفوس بهجونا، صب الهجا صب الحميم





ردي على شتمك، و ظلمك ، يا جهز "برد و سلام" = يقول سرهيد العتيبي يا جهز مانت بخصيم





اسم العتيبي ، يا جهز، معتقك، و بصدرك وسام= دامكع تيبي، نحتمل منك الخطا مانتب غريم





حنا عتيبه، و اسمنا، مكتوب مع خيرالاسام= يوم اسم بعض الناس فيه العوج دايم تستقيم





حنا سلاح للشدايد، بامنه الدولة تنام = و لا الرخا ، ما همنا من جا يقول انه زعيم





نكره ، فعول الغدر ، نفرح بالوفا و الاعتزام = و في كل دار حقوقها كل ٍ عطاه الله قسيم





و الناس منبعها، و ابوها آدم، نبي ٍ للانام = ترثة نبي و اشراف، بامر العادل البر الرحيم





لكن ،فرق بينهم ، فعل الفواحش و الاثام = و احد ٍ رعا عشب الحيا، و احد ٍ على النبت الوخيم





احد ٍ دروبه كلها مشي ٍ مع الدرب الحرام = و احد ٍ يوجّه و جهه الطاهر لزمزم و الحطيم





و احد ٍ على قطع اللحم و احدٍ على قطع اللحام = و احدٍ ، يحاول يبتني مجده ، و أحد ْ مجده قديم





و احدٍ يعز الجار ، و ان جا الضيف يفرح به هَمام = و احد دخيله ، تنغرز به خنجر الليل البهيم





احذر من اللي ، يا جهز، ما حولهم مجد يرام = احذر تجي كنك يتيم ٍ فوق ما ئدة اللئيم





و ان كان رغم العفو عنك، الحقد في خاطرك حام = اظهر مكانين الضماير لا تخلي الجو غيم





و ان قلت لي ، ربعك تميم ، اقول لك طيب تمام = افزع بهم، حل المشاكل ، كان صادق يا فهيم





تميم عندي ، غاليه ، لو سام منسبها الهلام = و ليا ادعى احدٍ بالشرف ماحدٍ من الاشراف ليم





و راعي و زيرستان ، ما حطك محامي ، عن غـُـــلام = ( اللي نصاكم من بلوشستان و اصبح من تميم





قبيلة من ضيع اصله ، طب فيها من شمام = عزيزة كل يبي من عزها ... و الله عليم)*





هذا و قول الطيب، يا هل المنتدى ، مسك الختام = ارسلت باقة ورد تحملها ذعاذيع النسيم

[النائب]

سرهيد يالله جعل عمرك طويل وسديد والله انك كفيت ووفيت يالله جعل والديك فالجنه..الله يعزك.

[غـشـام]

صـــح لســــــــــــــان ... سرهـــيد ....

وأحــب اقــول .. لجــهـز ... الـذل منجــي الحــباري ...

ولا هـــنت اخــــوي على النقــــل ..

هــناااا


غــشّـــااام

[الباشا]

صح السانك عز الله انه كفى ووفا

[سند]

*خالد*

صح الله ألسانك ولسانــّه

ولاهنت على النقل ياطيب

تحياتي,,,

[مصلح]

جززززززززززززززززززززززززززززززززززززززززززززززززز ززززززززززززززله ورب الكعبه جززززززززززززله وسرهيد جعلك انت وشيبانك ومن يعز عليك تقابل ربك وهو يبتسم في وجهك رضا منه عليك..

لاهنت والله اني صادق..صح الله لسانك والله ما عليكم زود يا عتيبه والله ان ذي الهقوه فيكم اشهد بالله انكم هل الفزعات..

[هـ ابوراشد ــادي]

صح لسانك ياولد عتيبه

الله لايهينك

تحياتي

[ffahad]

دار ٍ، تجنس فالزنوج ، و رحلت صبيان يام = و استبدلت روس العرب ، بالعلج و العبد الزنيم





ما قدرت روس الرجال اللي يقدون الجهام = و لا قدمت غير العجم ومخلفات ابو شكيم





ارحل و هاجر يا جهز، قص الرسن حف الزمام = و الله لو اني في مكانك و الله الشاهد ما قيم





ما اجلس و اناظر فالقوافل، بالطريق الها ادحام = قبيلة صما صميمه، با وسط الصحرا تهيم


بيض اللة وجهك يشاعر ويناقل

[الغلا]

و انك جريمتك الوفا، يوم الحدوا فيه اللئام = و ان انك مرحل من ديار ، حكمها ما يستديم

و اصبح وفاك اجرام، و اخلاصك ، جعل بيتك هدام= و ليا على من تشتكي حريم و اشباه الحريم

هذا و لا ارذل من بهم للجود منقع، و التزام = الخير فيهم ، جعل بيت الجود ما يمسي هديم

و اما قصيدك يا جهز، رتب بيوته بانتظام = و ارض النفوس بهجونا، صب الهجا صب الحميم

صح لسانه

لاهنت على النقل الرائع

وقصيده جزله وسلسه بمعانيها