مــــوت قلب

[عبدالرحمن الخالدي]

سمــــي عــــلى قــــلبي قبــــل تــذبحينه=ســــمي علــــــيه وقـــــولي إنك تـــــــحبيه

شــيحي بوجـــــهك قـــــبل ما تطعـــنينه=اخاف يحــــيى لا درى انـــــك ذبــــحتيـــه

من كثـــــر ما هالقـــــلب عندك رهــــينه=بديت احـــس انـــــــك بجــــوفك حمــــلتيه

كلـــــما سمــــعته يشتكــــي من انيــــنه=اردد اســــــمك يمـــــكن اسمــــــــك يعزيه

مــــــرة سأل عـــــنك اذا تجــــرحـــــينه=كــــــذبت وقلـــــــت انك ابد ما جرحتــــــيه

ومرة ســــــأل عنــــــك اذا تذكــــــــرينه=كذبــــــت وقلـــــــت انك ابد ما نســـــــيتيه

مابي اشوّه صـــــــورتك وســــــط عينه=ومابي يحــــــــس انك بغـــــــــدرك ظلمتيه

واليوم هذا القلب عيــــــــــنك بعـــــــينه=شلــــــته علـــــــى كفـــــــي ودمعي يغطيه

قــــــــــولي له انك يالــــــغلا ما تبــــينه=قولي. ان قلبك خــــــــــــــان وما عاد يبغيه

خلـــــي عتــــــــاب الشـــوق بينك وبينه=وخــــليني ابعـــــد وانســــى حبك وماضيه

عــــــجزت المّــــــه وانتي تبعـــــــثرينه=وعــــجزت اداوي الجــــــــرح كلما طعنتيه

بنيت باســــــــــمك في خفـــــوقي مدينه=ورياح غدرك حطـــــمت كــــــــــل مبانيـــه

خـــــــليه عندك وســــــــــط علبه ثمينه=خلــــيه يدري كيف كنـــــتي تخـــــــــــونيه

جســــــمي وروحــــــــي والعقل بايعينه=وانا بعد بعتـــــــــه ومــــــــــــا عدت باغيه

ما دام هذا القــــــلب عــــــــــندك رهينة=قلبٍ يحبــــــك مالـــــــنا حاجـــــــةٍ فيـــــــه

خلـــــــيه قصــــــه للزمان وســنـــــينه=قلبٍ يمـــــــوت....... وما نزل راس راعـــــــيه

لكن طـــــــــــلبتك قـــــبل ما تذبـــــحينه=سمي عليه..... وقولي انك تـــــــحبــــــــيه

[فيصل بن حجرف]

ما دام هذا القــــــلب عــــــــــندك رهينة =قلبٍ يحبــــــك مالـــــــنا حاجـــــــةٍ فيـــــــه

صح لسانك اخي القدير عبدالرحمن والله لايهينك على الابيات الاكثر من رائعه ونتمنى ان نرى المزيد من ابداعاتك في هذا القسم
واسمحلي على اعادة تنسيق القصيده

[مصلح]

خليـه قـصـه للـزمـان وسنيـنـه
قلبٍ يموت....... وما نزل راس راعيه
صح الله لسانك اخوي الشاعر عبدالرحمن الله لايهينك على اتحافنا بقصايدك الجميله..

[عـزام]

خليـه قصـه للـزمـان وسنيـنـه=قلبٍ يموت....... وما نزل راس راعيه

لكـن طلبتـك قبـل مـا تذبحيـنـه=سمي عليه..... وقولي انـك تحبيـه

الخالدى

يالله حيه


وافيه من وافى


صح السانك مدد لاعدد

ولا خلا ولا عدم

[قبلةالعجمان]

بنيت باسمـك فـي خفوقـي مدينـه
ورياح غـدرك حطمـت كـل مبانيـه

خليـه عنـدك وسـط علبـه ثمينـه
خليه يـدري كيـف كنتـي تخونيـه



الله هالله


صح لسااااااانك


خليـه قصـه للـزمـان وسنيـنـه
قلبٍ يموت....... وما نزل راس راعيه

[النائب]

عزتيلك..صح لسانك ياشاعرنا

[عبدالرحمن الخالدي]

الغالي


والعزيز

الاخ العجمان (( بوعبدالله ) ))

شكراً على جمال مرورك

وشكراً على التنسيق الاكثر من رائع


الداعي لك بطول العمر / عبدالرحمن