اهداء الى قبيله العجمان

[ابن سويط]

انا صديق الطيبين المناعير
اللي لهم كسب المعالي اعشاقه
عجمان بدو نطاحه الشر والخير
صادقتهم واخذت منهم صداقه
حلاله المشكل كبار المخاسير
ياسعد منهم له عضود ورفاقه
زبن المخيف الى رمته المقادير
بالجاه والاالمال والا الحماقه
وأخذ من ارياهم قوى المشاوير
والطيبه ماهيب منهم شفاقه
مانيب اصادق مايلين الدناقير
عيال العفون من الخيوط الدقاقه
اللي مجالسهم نميمه وتعبير
مالي بهم من فضل ربي علاقه
فضل من الباري حسين التدبير
مانيب للا صحاب قطاع ساقه
ورزقي على اللي بالسماينهض الطير
يكسر على الملواح عقب انطلاقه
ودنياك تمضي بين ورد ومصادير
قد قيل قبلي مابها راس طاقه
للشاعر عبدالله لويحان

[مـحمـد]

الاخ ابن سويط الله يعطيك العافيه ولاهنت
اهداء يستحق الشكر
وصح لسانك ولسان الشاعر .

[وافي العجمي]

شكرا لك يابن سويط


هذولا هم العجمان عز وفخر لكل من يسايرونه


وما عليك زود يالشاعر عبدالله

[عـزام]

ابن سويط

الله يعزك ويرفع شانك.

ما عليك زود يالقرم وانت من ربعن وافين.

وصح الله لسان الشاعر عبدالله لويحان

ولاهنت يالقرم

[البخيت]

لاهنت
يابن سويط
ماعليك زود
ولاهان بن لويحان
ولاعليه زود

هديه مقبوله

ممكن سؤال ؟ ابن لويحان وشهو