’,’, يافديـــت عـــروق قلبـــــه ,’,’,’

مشاعر حالمه · #1 09-01-2007, 01:33 PM

السلام عليكم ورحمة الله وبركاته ..

كتبت هالقصيده اللي بحق يستحقها صاحبها ...

اتمنى ان تحوز على رضاكم جميعاً ..

,’,’,’,’,’,’,’,’,’,’,’,’,’,’,’,’,’,’,

ياقصيدي قم نخيتك سطّر أبياتٍ جزيله =علّها توفي جمايل صاحب النفس الأبيه

صارم شهم شجاع وشيخ من راس القبيلة =ذيب من صلب الذيابة شامخ يحمى الحميّة

الكرم طبعه وفنّه قرم مايرضى الهزيله =باسمعه وأطيع أمره دام انا ماعشت حيّه

ان طلبته أي حاجه واجده والا قليله =جابها لي مايخالف جابها مثل الهديّه

والله ان ابوي فخري مستحيل أوصل جميله =ليتني أقدر أعيضه راس مالي ومالديّه

ان بغيتوا صدق والله ما رأت عيني مثيله =تاج راسي فدوته عمري وماتملك يديّه

مستحيل أوفيه حقه لو فعلت المستحيله=ودي أكتب لين ينشف حبري ويوقف عليّه

لكن والله ثم والله تقولها بنت اصيله=لحفظ البيت وأصونه وأصبح البنت الوفيّــه

لبّـا والله ماتعلّــق منك ياولـــد الكحيله=استرح ريّح ضميرك بنتك ونعم البنيّـــه
,’,’,’,’,’,’,’,’,’,’,’,’,’,’,’,’,’,’,

وسلامتـــكم ..

تحيتي لكم / مشاعر حالمه ..

محمد المحلكم · #2 09-01-2007, 01:51 PM

صح لسانش قصيده جزله

علي السكران · #3 09-01-2007, 02:11 PM

صح لسانك

شاعره المنتدى الاولى ... احيي فيك هذا الاحساس الطيب ناحية والدك

ونعم البنيه كثر الله من امثالك

القصيده رائعه جدا وفيها ابيات جميله

جمل الله حالك ولاهنتي

الاحرش · #4 09-01-2007, 03:53 PM

والله ان ابوي فخري مستحيل أوصل جميله
ليتني أقدر أعيضه راس مالـي ومالديّـه

ان بغيتوا صدق والله ما رأت عيني مثيله
تاج راسي فدوته عمري وماتملـك يديّـه

مستحيل أوفيه حقه لو فعلت المستحيلـه
ودي أكتب لين ينشف حبري ويوقف عليّه

اللة الللة

صح لسانش قصيده جزله

قلب · #5 09-01-2007, 04:31 PM

صح لسانش يا غالية على هذه الجزلة

والنعم فيش وبأصلش

قصيدة رااائعة

اختك

قلب

البنت الجزله · #6 09-01-2007, 04:54 PM

بارك الله في ابداعك اختي مشاعر

صح لسانك مليوووووووووون

شاعره تمثلنا بشرف وبعزه وبكبرياء وباصدق معاني البر

تقبلي مصافحتي الموده لك

اختك البنت الجزله

زيــ الهتلاني ــزوم · #7 10-01-2007, 12:16 AM

الله الله

أبداع ياعزوة ابوهــا .. صح لسانش مليون

ودعتش الله

موج الأحزان · #8 10-01-2007, 01:04 AM

صح لسانش ياطالبت الثار
بس صدقين فهمتي المعنى غلط وبعدين راح تقولين..
ياصدقك

مناحي الصميل · #9 10-01-2007, 01:30 AM

صح لسااااااانش
قصيده جميله
وبها معاني جزله ..

دمتي بود ..

مشاعر حالمه · #10 10-01-2007, 09:03 AM

محمد المحلكم

تسلم والله وصح ابدنك يالقرم ولاهنت على المرور الكريم

تحيتي لك / مشاعر حالمه _ عزوة ابوها