أسكر على مزّة عسل من شفاياك

[فيصل المشوط]

اخر ماكتبته في المختلف


واتمنى انها تنال اعجابكم

.................................................. .................................................. ...

ياشينها لاصرت تعطي من اقصاك =للي حياته ما ملكها كيانك
يسكت ولو قلت أعشقك موت وأهواك=كنّك تكلِّم واحدن من خوانك

يا قلب حبك للمجافي وش أعطاك؟!!= غير الهموم إللي تحاصر مكانك

تاقف وقوفك واتّخطا مع اخطاك=حتّى تخالط شان همّك وشانك

يعني اختصار السالفة لاعدمناك=الله يسوِّد وجه دورة زمانك

اللي جعلني واحد(ن) من ضحاياك=قسوتك لي ،، وللمجافي حنانك

حرام تبلاني عسى الله يبلاك=ياقلب يالليّ زاد خلّك أجنانك

غرو(ن) غرامه للمُعاناة وداك=يا ليّن خلا الهم يجلس وزانك

كم قلت له ما غاب طيفك وذكراك=تجلي همومي هرجت(ن) من لسانك

لاقالت أحبك قلت أنا من فداياك=يا للي محمد صان حبك وصانك

ويا للي تكبَّر والكبر من مزاياك=ويا للي تهل دموع عيني عشانك

لولاك ما هلت دموعي ولولاك=ماأصبحت أنا مُدمن على قحويانك

أسكر على مزّة عسل من شفاياك=وافوق لامن مال بي خيزرانك

وأضماك واروى منك واعوِّد أضماك=تروي ضمايه رشفةٍ من ثمانك

متى تبي تفرح عيوني برؤياك=وتحسس كفوفي بحرصك وامانك

ومتى تخلي حدب الأضلاع مركاك=والا تلاعبني برقة ليانك

شوّف الحواس الخمس تزهم وتنخاك=وانتا تشح بدوردك وزعفرانك

يالين مات الصبر وانا تحراكوك=ل شي منك وفيك بالجور دانك

لو ربع ماجاني معك لحظةٍ جاك=والله ماتذخر عليِّه اسمانك

وإنك تقول آمر حبيبي وش ارضاك=ثم(ن) تقدم فزعتك وامتنانك

ياللي تهز القلب طلت محياك=لاعاش منهو يادعج العين هانك

وقت الشدايد حطني رمح لعداك=وحزام لمن طحت واللوقت خانك

ولا الرخا ياطيب مدات شالفاك=في جاش من لمن تعثرة عانك

وختامها مني عسى اللة يرعاك=كانك على عهد(ن) قطعناه كانك

تعال واللي تطلبه جعله افداك=والا اسرج لدرب الجفيّا حصانك

وسلامتكم

[فلاح بن ملبز]

صح لسانك يا المشوط...واختيار رائع

[صقر العجمان]

أسكر على مزّة عسل مـن شفايـاك
وافوق لامـن مـال بـي خيزرانـك



صح لسااانك يافيصل



لاهنت على القصيدة

[فيصل بن حجرف]

صح لسانك يابو عبدالله
رائعه من روائعك الكثيره كما تعودنا منك

[وسيع البنايد]

تستحق الشكر والثنا يابن حجرف

[عبدالرحمن المري]

صح لسااانك يافيصل



لاهنت على القصيدة

[عابر]

السلام عليكم ورحمة الله وبركاته

صح لسانك يا فيصل المشوط...

[قبلةالعجمان]

صح لسااااااااانك
ولاهنت

[سالم الفروان]

اللي جعلني واحد(ن) مـن ضحايـاك
قسوتك لـي ،، وللمجافـي حنانـك

حـرام تبلانـي عسـى الله يبـلاك
ياقلـب ياللـيّ زاد خلّـك أجنـانـك


صح الله لسانك اخوي فيصل

قصيده جميله ورائعه جدا جدا

ننتظر المزيد منك فلا تبخل علينا



وتقبل مني احلى تحيه


اخوك / سالم الفروان

[فيصل المشوط]

السلام عليكم ورحمة الله وبركاته

اشكركم على المرور

ومني لكم كل تحيه واحترام

وتقبلو مني فائق الاحترام وتقدير

ويسعدني وجودكم الدائم