(سالفة عشاق) للشاعر فهد المساعد

[المعقب]

فهد المساعد يتقن السهل الممتنع بمعنى الكلمه

كم تعلم من شديد البدو وش معنى الرحيل=وكم تعلم من غروب الشمس وش معنى الوداع

تعلم ان يجبرنا على احترام ما سنقرأه وان نصفق له بحراره

من بغى الفرقا لقا له عذر واسباب ودليل=خل عنك العذر والاسباب دام الحب ضاع
كان ودك بالفراق ابشر عسى عمرك طويل=لاتردد وانت لك كلمه ولك امرٍ مطاع
لي عليك انك تبت بكلمةٍ تشفي الغليل=ولك علي اني لا اوقف وقفت الرجل الشجاع
لا تجاملني مخافة قال مدري خوف قيل=عمر هرج الناس مايسمن ولا يغني جياع
كان قصدك سر حبك اوعدك لا اصبح بخيل=واحمل اسرارك معي للموت قدر المستطاع
بس قلها قل ما احبك وابشر بصبرٍ جميل=لا تحسب اني مثل من طبعهم لوي الذراع
صاحب ماهو كذا ياصاحب القد النحيل=صاحبك طبعه غريب وغريته غربة اطباع
فالهوى مايقبل الحل الوسط ولا القليل=مثل ماهو لاشراء يشري ليا من باع باع
ثابتٍ لوهي تميل الارض حدره مايميل=يدري ان الفقر ماهو عيب والدنيا متاع
ما عشق لذة حياته كثر عشق المستحيل=ولا كره حتى مماته كثر كره الانصياع
كم تعلم من شديد البدو وش معنى الرحيل=وكم تعلم من غروب الشمس وش معنى الوداع
وكم تعلم من سحاب الصيف وش معنى الحصيل=وكم تعلم من ليال البرد وش معنى الضياع
ايه انا هذا طريقي موحش وصعب وطويل=وانت لامنك تعبت العالم فجوجه وساع
اعتبرني في بداية سكتك عابر سبيل=رح وانا قلبي معك من وين وجهت الشراع
يكفي اني لا ذكرت بسالفة عشاق قيل=عاشر احبابه شجاع وفارق احبابه شجاع

اعذروني على الاخطاء ان وجدت

[بحوور]

فهد المساعد

دائمـــــا رائـــــع متجدد

مبــــــدع ..

اختيــــــار رائـــــــع

لاهنـــــــــــت ،،





أختـــــــــكـ

[المعقب]

بحوور
كــــل الـشـكـــر عـلى الـحـضــور والــمـرور
واســعـــدنـــي انـــهـــا نــــالـــت اعــجـابـك
تحياتي
اخوكــــــــــــــــــــــــــــــــــ
المعقب

[ناقد]

صح لسانك ولسان شاعرها
تحياتي

[المعقب]

[size=6]ناقد
لاهـنـت عـلـى الـحـضـور والـمـرور
تـحـيـاتـي لك[/size]

[ابرق الضيان]

ياسلام عليك فهد مشاركه رائعه يالمعقب وننتظرك الاجمل منك

[المعقب]

ابرق الضيان مشكور على المرور
واسعدني ان القصيدة نالت اعجابك
والاجمل حضورك ومرورك
تحياتي لك

[فلاح بن ملبز]

صح لسانك يا اخي المعقب ولسان شاعرها فهد المساعد

ولاهنت على النقل والأختيار الرائع

ولك كل التقدير والاحترام

[المعقب]

مرحبا ..
اخي فلاح ال ملبز
لاهنت على المرور الي اسعدني
وصح بدنك
والرائع حضورك
تحياتي لك

[بيطار]

يكفي انـي لا ذكـرت بسالفـة عشـاق قيـل
عاشر احبابه شجاع وفـارق احبابـه شجـاع

تسلم اخوي المعقب على الذوق الراقي

لك من كل التقدير على ما تطرح دائماً

اخوك

بيـطار