عزام خبّرني عسي مصلح أبخير

[هداج تيما]

عزام مساء الخير ودنا أذا سمحت طاروق

سلام سلم الطّيبين المطانيخ=وحمولها علي ظهور المناويخ
لو كان هذا الوقت كل(ن)غدي شيخ=للدار حكامه وللناس تاريخ

سلام تسليمه وأنا وارد البير=والله ما تقصر عليها حبالي
عزام خبّرني عسي مصلح أبخير=عساه طيّب يا كريم السبالي

[فيصل بن حجرف]

صح لسانك ياهداج
ماشاءالله عليك تلعب على جبهتين
وفي انتظار عزام

[هداج تيما]

فيصل لا هنت ومشكور
لا امن من جانبهم

[عـزام]

مرحبا يا هداج مسيت بالنور


واستلم

يا مرحبا بك يا المسلّم ملايين=والحمل تشتاله ظهور البعارين

وبعض العرب كفو الختوم وسلاطين=للدار حكامه وللناس تاريخ

ان كنت جساس ابن مره فانا الزير=اللى يورّدها على كل جالى


العلم به يومه مشى حزّة اعصير=والله يرجّع كل غايب وغالى

[هداج تيما]

يا سلام يا عزام
استلم

دام البقاء بك وأنت يا رجل وافي=وعزالله أنك يابن عمّي سنافي
والخيل راحت والسيوف الرهافي=للدار حكامه وللناس تاريخ

أنتم وحنّا يا بن عمّي مشاهير=أن جاء نهار(ن)فيه ضرب السلالي
قالوا مشي في يوم عج ومعاصير=عز الله أنه من خيار الرجالي

[عـزام]

الله الله يا هداج


استلم لاهنت...

لا هنت يا هداج يالقرم لا هنت=لا شان حظك فى زمانك ولا شنت

عسى السعاده تلحقك وين ما كنت=للدار حكامه وللناس تاريخ

لوّه حظر يعجبك عند المظاهير=من لابةٍ يثنون عند التوالى

لا كن سد اللى براسه سعاطير=هداج راعى الطيب اول وتالى

[هداج تيما]

الله الله

سود الليالي منت جاهل عددها=وتري السوالف من حضرها شهدها
وعندي روايتها وعندي سندها=للدار حكامه وللناس تاريخ

حنّا ترانا يا السنافي مداويير=علي البعير اللي يشيل الثقالي
كتبت تاريخ الرجال المناعير=غير السوالف خربوها العيالي

[الــمــلــك]

الله واكبر ياشعار

واصلوا وازهلوا الصفوف

[الحــيـــران]

صح السنتكم ياشعاار وواصلوا

[عـزام]

استلم يا هداج لا هنت...

قالو هل الامثال خالف وتعرف=مالك ومال اللى بالاقوال يهرف

واهل العموله عارفه وين تصرف=للدار حكامه وللناس تاريخ

وانا احمد الله ما لحقكم مخاسير=حد الخساره بين قيل(ن) وقالى

لو كان بعض الناس يبدع لاساطير=الحق واضح دون شك وجدالى