السلام عليكم ورحمة الله وبركاته
وبعد .. القصيده ه ه ه ... أرجوو أن تنال على أعجابكم ورضــاكم...!
من كل حرف وكل شهوة صبابه ، استغفر اللّه وأتعوّذ مـن أبليس
أعـوذ باللي أوى عبده وسرابه ، لإجى نهار الحشر خلف أمرئ القيس
يارب؛ يارب الكرم والمهابه ، يالي لك أعلام الأوادم مناكيس
جرّدني من النايبه والسبابه ، ولبّسني من دروع هديك متاريس
تعبت من مسّك القلم والكتابه ، والشعر وفتن النساء والأباليس
والمدح في عزوةٍ وشيخ وقرابه ، والاء لدعوات الرضيين واللّيس
والحب / وماحوله / وماله / وهابه ، والدمع لإهبت عليّ النسانيس
والشوق وغفال العقل وأنغلابه ، والليّل وخطط الدّها / والجواسيس
والشهرة وحكي العرب واللبابه ، وزملوق شـفٍّ ماتعسّه عواسيس
وأنا لعطّاش الأوادم سحـابه ، ومن خلقتي ماقد وطيت الدنافيس
تاكي على إرث السم بالنيابه ، وأقطف خلاصة ما أغرسوه الغواريس
أحسبني فايز بالرضا والذرابه ، وأثري مثل من يحصر النور في (كيس)؟
أقفي من اللّه والأمل والرضا به ، وأروح ادوّر من ورا إبليس أحاسيس
أسهر على فن الكَلِم والخطابه ، وأصبح ولين اللي جمعته حماليس
قلبي لعـزّاف الأوادم ربابه ، وراسي لخطوات الشطانه دواعيس
تقودني نفسي ولا أشعر ولا أبه ، مالت عليها عاصيات الهواجيس
من عنده إن كل الشعور يتشابه ، روّس مع اللي في الدحادر مراويس
الإثم ماحاكه في خفوق وخفا به ، والخير ماشاعته روس النواميس
كم شيٍ صار وصار مايندرا به ، وكم نومةٍ ماكدترتها كوابيس
ترى ما أحد له في رقبتي طلابه ، بس الصراحه من شمّ الفواعيس
والرجل إذا مايعتبر في شبابه ، يعيب قبل يشيب ويشيب ويخيس
ياراجي ارجي اللي ماينصك بابه ، لاترجي الواهبات من ... أبن ...؟
أستغـفر اللّه واتتقى عـذابه ، اللي فرقني عن حياة المتاعيس
من قبل لااعرف الهدى واعنا به ، أنا وهمي والحزن فيس 2 فيس
والحين للّه الفضل والإنابه ، متعافي ويمشي على زندي ال؟؟؟
هـادي / يشوّشني طزيز الذبابه ، لاعد لإيام الغبيّه ولاأقـيس
شريت عقلي في سؤال وإجابه ، أنا أعبد اللّه وإلا أعبد الوساويس؟
لذّة خفوقي وانجلاية ضبابه ، سجـدات ليلٍ ظالمينه مناعيس
فاجواء مكة والحرم والرحابه ، لايابعد روما ولندن وباريس
هذي ديار المصطفى والصحابه ، وهذيك دار إبليس وعويّل إبليس
وســـــــــلآلآمتكم...
.. للشاعر ... سعد بن علوش
تقبلووا أطيب وأرق تحيــــــاتـي يـ أعزآئـــي,,,
05-11-2005, 02:21 AM
العرض العادي
