هذا هو العرس الحقيقـي .... عـرفـتـي؟!!

الــغــالــيــة · #1 15-12-2005, 09:48 PM

السلام عليكم ورحمة الله وبركاته

إهداء لكل فتاة ... تريد الزواج ..

يقول الشاعر

لا تحسبين العرس توفـي وكتكـات = ولا تحسبينـه توكـس والا بونتـي

ولا تحسبين العرس كيكة وطرطات = وصلـة قطعتيهـا ووصلـة بلعـتي

ولا تحسبين العرس تصفيق واصوات = وانتي على صوت الغطاريف همتي

ولا تحسبين العرس كوشة ولمبـات = وانتي كما الطاووس فيهـا جلسـتي

ولا تحسبين العرس أحلام في الشات = يامـا بنيتيـهـا ويـامـا هدمـتـي

ولا تحسبين العرس روحة وجيـات = هيا اقضبي بيتك عسـى مانهبلتـي

ليلة سعيدة وأنتي أحلى الجميـلات = تشخص عيون الناس إذا حضـرتي

واللاينر حطيـه بـليا زيــادات = لا يخـرب المكيـاج إذا دمـعـتي

والمسكرة تحتاج لطف ومـدارات = حتـى يبـان الزيـن اذا غمضتـي

والسبريه رشيه حتى البصيـلات = يصير شعرك زين ولـو كـان زدتي

وترى(المحدد) فن يحتـاج رسمـات = يبـان رسمـه زيـن اذا ابتسمـتي

العـرس يابنيـة ماهـو شعـارات = تفنـى مراسيمـه وتبقيـن أنتي

ويبقى شريك العمر راعي الطويلات = هذا هو العرس الحقيقـي عرفتـي؟

أول نصيحة لك حفـظ الصلـوات = صلي العشاء والفجر في كل وقـتي

وفي ليلة العرس الموفق وبالـذات = ادعـي الكـريـم الله إذا سـجـدتي

والتعري لاترضين عند الكوفيـرات = ولبسـك يملـي العيـن إذا لبسـتي

واللي على زوجك تحرضك مرات = أرجوك شوتيهـا شوتـت بلنتـي

والصبر في العشرة حتى على فتات = ياما حـلا فعلتـك يومـك صبـرتي

وإذا حفظت السر مـع المـدارات = زوجك ترى في عيونه انتي كبـرتي

والسوق يعني هاه وقت الضرورات = وإلا تـرى زوجـك يـدور لمفتـي

وســلامـــتــكـــم

مـــــنـــــقــــووووووول