طحاطيح شعراء المحاوره على الشبكه العنكبوتيه نقض وفتل الشعار

[آل فارس]

السلام عليكم ورحمه الله وبركاته
يسرني الانضمام الاا شبكه العجمان وهذي مشاركه مني ونتمنى انت تحوز على رضاكم

بعد مشاهدتي للمحاوراه في اكثر من موقع وجنا شعراء متمكنين من فن المحاوره والنقض والفتل وهذي دليل ان الجزاله والحنكه باقيه مع تغيرات تجري على المحاوره ولكن هذي محاوراه جرت بين اكثر من شاعر نتمنى ان تنال اعجاب عشاق فن المحاوره

الفالح
وين المسري على بالحرام اني لسريه=وان ماسرى عيب اغني بالمثايل ياعتابه
ابطرحه واضربه بالسندوانه بين اذانيه=والضربه الثانيه يالربع مافيها طلابه
المسري
ماهوب فالح مدام ياعتيبه ذي هقاويه=مايدري ان المسري فارس ماينهقابه
لكن مدام شب المعركه والنار بيديه=والله لخليه عبره للبقيه من شبابه
ماجد المسعودي
الضيف ياهل الجود للزاد ماذاق=واليا بغى له شي قلتوا شويه
هذي مكارم والمكارم بالاخلاق=ماهي عليكم غصب ولا وصيه
الظغط العالي
الضيف له تكريم من جود الارزاق=والي يدور غير يلقى المنيه
ماني بعير للقصاصيب ينساق=شعيل يهدر في صباح وعشيه
ولد روق
جدك تحت حكم بن هادي سنين طوال يبغى رضاه=هذي حقيقه تصدق ماتصدق جاك برهانها
دور على عبيد والجذعان وبن فهيد والي معاه=ودور شليويح بن ماعز وربعك وين شيخانها
الفارس
جدك على نجد حاكم قبل لايعصي كلام المهاه=الي عطته النصيحه واتهمها بنظره اعيانها
من ظرب تركي مع الشجعان حتى القاع سالت دماه=وين بن عبود مع ذيب السرايا صيد عتبانها
علي الحبابي
سلام والمبدا سلام ولا نقول الا السلام=ورحمه الله وبركاته خير مانبدابها
يامنتدى الهيلا بنيت بداركم بعض الخيام=بعض الخيام الي على البيدا ضربت اطنابها
المسري
يامرحبا والمحترم يلقى من الناس احترام=ياسعد منهو جاب الك جزل العلوم وجابها
مادام ماهيب قصر ينطح مراويح الغمام=خطر تطيرها هبوب الصيف في مهبابها
ماجد الهذلي
يامرحبا ترحيب بالخير مذكور=مذكور يافواز بين الوجودي
ترى السنه يبدي بها ليل عاشور=ويصبح مع الايام نقص وزودي
فواز العزيزي
دام البقى والي معه عذر معذور=يالعاذرين مقدمين الجهودي
عاشور شهروللسنه شهر وشهور=الوقت يمضي والاه معبودي
العيار الثقيل
اعداد مايبرق البراق في عرض المخيله سلام=سلام عبر الاذاعه والذاعه بثت ارسالها
الشوط حامي وانا وياك ياراع الفشق والحزام=جيب الحموله وانا مثل الجمل يبرك ويشتالها
عزام
يامرحبا يا المسلم عد ماتنشى حقوق الغمام=ترحيب من ضميري قلتها والمسك يبرالها
يا الشاعر الي تغني لحن بن هذال هات العلام=ولكل منهو برك لحمولها يقوى ويحتالها
الدمار الشامل
ياويش حدك على المليان وانته منت مليان=ارتاح في جحرك المخبور جنب للثقيله
تقدح شراره زنودي مير زندك فيه نقصان=ياواحد كنت احسبه باول الطرقه دليله
عبد الهادي القحطاني
انته تهدد على الفاظي بلا معنى وبرهان=عجل وسل السيوف المرهفات الي صقيله
تقدح شراره زنودك بس جاك الذيب سرحان=ماهمه الحصني الي فالبلد يومي بذيله
الفالح
ياسلام الله سلام في للساري دلايل=والدلايل مثل نجم الجدي وسهيل اليماني
ربعي الي تذبح الحايل وتلطم كل عايل=نزحوا عن نجد روس مطير وشيوخ قحطاني
عايض الحبابي
عن بني عمي هل الطولات ماضين الفعايل=مرحبا واحذر من الموت الحمر يامودماني
فعلنا وامجادنا تشهد لها كل القبايل=لاتمنى نجد وانت تجر صوتك بالمحاني

[النايفـــه]

الله عليك اختيارك جميل والمحاورات كلها على مستوى عالي

لاهنت على المجهود والاجتهاد وكثر الله خيرك

تحياتي

[فلاح بن ملبز]

السلام عليكم ورحمة الله وبركاته

اخي العزيز : آل فارس

يامرحبا ومسهلا فيك معنا في منتداك منتدى شبكة العجمان وهذي ابرك الساعات وان شاءلله انك أتفيد وتستفيد من هذا الصرح العظيم

واشكرك كل الشكر على هالاختيار الرائع من المحاورات المميزه والجزله

ولاتحرمنا من مشاركاتك الجديده

ولاهنت