نوره وعزه

[fawaz alfawaz]

نوره وعزه

ياقلب ياللـي بيـن نـوره وعـزه=
بنات بـدوٍ جـزن القلـب جـزي
احترت انا من بينهـن ويـن ادزه=
الكل منهن حـزت القلـب حـزي
نوره تقول الزيـن عنـدي مخـزه=
والزين كلـه عندهـا لـه مخـزي
الردف ضايمن خصرها لي تهـزه=
اليا مشت كل العـرب لـه تفـزي
اطول قصيـره زولهـا حيـل رزه=
والعين عين اللي على الوكر فـزي
لسلهمـت سهـوم عينـة تـكـزه=
تذبح اليـا لـدت بعينـه تخـزي
وعـزه جديلـه للرديفيـن لــزه=
ونهدن يشادي بالوصف بيض وزي
له مبسـم يامـوت منهـو يمـزه=
تحـت اللثـام مبيسمـه ومتـوزي
وعودٍ كما عود القصب في مـرزه=
من نهر دجلـه شـارب ومتعـزي
لوزرت انا الفيحا وحيفـا وغـزه=
ماضني القا بالحسن مثـل خـزي
ياحسين عطني الراي ياحسين كزه=
عجل برايـك يالسويـدي وكـزي
راع الهواء ياحسين شوقـه يلـزه=
نارٍ بصدري تلتهـب نـار قـزي
لهن بقلبـي يابـو نايـف معـزه=
اعزهـن ياحسيـن والله مـعـزي
كل الشرف فيهن وعـرضٍ منـزه=
اصل وفصل ياحسين من بيت عزي
خمسة عشر بيتٍ يجنك على الـزه=
والعجز الاخر يابو نايف على ازي

الشاعر

علي الخليوي

[والله ماكان الفراق اختياري]

صح لسانك ولسان الشاعر



ولا هنت لنقلهااااا




حمد



دمت بود

[fawaz alfawaz]

صح بدنك اخي العزيز حمد العجمي وشكراً على مرورك

[عيد بن شدقان]

صح السان الشاعر/علي الخليوي


ولاهنت يا
fawaz alfawaz
اختيار رائع
الله يعطيك العافيه

[العنــــــــــود العجمـــــي*]

ولاهنت

fawaz alfawaz


اختيار رائع


الله يعطيك العافيه