@@ الفجـر البعيـد @@

ابو خالد · #1 12-07-2004, 02:56 AM

نامت عيونك ..
وصحى الليل مضنونك .. أغاني
قصت جناح الثواني .. غيبتك
وصارت الساعة أماني

آه .. آه .. انا حروفي في غيابك ..
لا هي حكي .. ولا هي قصيد
اكتب الظلمه .. واعيد
وانتي الفجر البعيد

نامت عيونك ..

اسهر معي ليله ..
حاول تحسّ بلوعتي ليله
وعـدّ النجوم .. وش كثرها ..
ياللي بقلبي كثرها ..
ونام القمر.. في وسادتك ..
ليتك .. تغيّر عادتك ..
خلّ القمر ليله ..
يسهر معي ليله ..

آه .. آه .. انا حروفي في غيابك ..
لا هي حكي .. ولا هي قصيد
اكتب الظلمه .. واعيد
وانتي الفجر البعيد

نامت عيونك ..

يا ساحر البسمه ..
آآساهرك نجمه ..
أبسمعك كلمه .. كلمه ..
حتى ولو .. كلمه ..
قمْ نادني .. قمْ نادني ..
يالله عسى تحتاجني ..
ان زاد ظلمك .. ما عدلت
وان طال ليلي .. ما سألت

آه .. آه .. انا حروفي في غيابك ..
لا هي حكي .. ولا هي قصيد
اكتب الظلمه .. واعيد
وانتي الفجر البعيد
نامت عيونك ....

بدر بن عبدالمحسن

مـحمـد · #2 12-07-2004, 03:09 AM

شكراااااا ابو خالد

قصيده اكثر من رائعه ومعروف ان فنان العرب غناها

ALAJMI

ابو خالد · #3 12-07-2004, 03:14 AM

هلا وغلا أخي العجمي

أسعدني مرروك

وبالفعل الاغنيه هذي من روائع ابو نورة

لاهنت يالغالي على التواصل

قبلةالعجمان · #4 12-07-2004, 06:08 AM

صحححححححح لساااانك ولاهنت

ابو خالد · #5 12-07-2004, 06:35 AM

مرحبا مليون اختي قبلة العجمان

لاهنتي على المرور

وصح السان قايلها

الشاعر المبدع بدر بن عبدالمحسن

والي اعتبره بحـــر

ابوحمد الشامري · #6 12-07-2004, 08:55 AM

لاهنت يا ابو خالد على هذه القصيدة العموديه الرائعه المسماه بشعر الحداثه من شاعر غني عن التعريف.

أخوك ابو حمد الشامري

ابو خالد · #7 12-07-2004, 09:09 AM

مرحبا ألف أخي أبو حمد

ولا أنت

أشكرك طويل العمر على المرور والتعقيب

وكما تفضلت قصيدة لشاعر غني عن التعريف