محمد الدحيمي يحكي احدى قصصه لـ فوز
فوز .. وش معنى الحيـاه وتالي الحي التـــــــــراب=مقبره والميت والله ماترده مقبــــــــــــــــــره
فوز.. لا صرتي مره تدرين ليه الضن خـــــــاب=وليه ابونا آدم من الجنه خرج سبة مـــــــــــــــــره
فوز.. ماتروي مهاميه الزراج الا الســـــــــــراب=والهبوب الذاريات اصفى ملا محهـا غبــــــــــــــره
فوز.. ويش الصاعقه تاخذ من البيت الخــــــــراب=والامل كهل بكى يومن ضحك شيب شعـــــــــــــره
فوز.. لو تطمن مشاريف النوايف للهضــــــــــــاب=واستوى الغارب معى حدب السنام اش نخســـــــره
لا الذره كانت ذنـوب ولا الرحا من الذنب تـــــــــاب=وحكمة الله يالرحا تاطا على خشم الــــــــــــــــذره
والبعير ليا دبر ظهره نقض دبرة غـــــــــــــراب=وان شكى ضيم ظهره وش بالبعير الاظهــــــــــــــــــره
الرضا ماله صديق اليا زعل غير العتــــــــــــــــاب=والعفو ماله عذول الا ملام المقـــــــــــــــــــــــــــدره
كيف يالتوبه حضورك يبري جروح الغيـــــــــــاب=واطهرك ذنب يصك الباب دون المغفـــــــــــــــــــــره
يابعدي والظن ظن ولو فتق صدر الصـــــــــــواب=وابسط اقدار المنايا كل جمع تبعثــــــــــــــــــــــره
قالها الي راح يستسقي شهاليل السحـــــــــاب=ابدوي كان يطفي القيض بظلال شجـــــــــــــــــــره
ان ذكر حيه وسم دمعه على ردون الثيـــــــــاب=وان ذكر ميته عقل زامل ذلوله ونحـــــــــــــــــــــره
وشاعر ماسخر اشعاره لتلعات الرقــــــــــــاب=اجودي مير دق الفقر بابه وقهـــــــــــــــــــــــــــــره
واقسمه نصفين حظه نصف باحزان وعــــــذاب=ونصفه الثاني خذاه الموت يوم استكثـــــــــــــــــــره
مانشد يوسف عن الغي وقميصه والثيــــــاب=مانشد يعقوب دمعه وش خذا من محجــــــــــــــــــــره
راح يحدي له حيال واغفلت راحت ذهــــــاب=مالها وصف يبينه النبيه ويظهــــــــــــــــــــــــــــره
مابقى الا فاطر لاهي مسوح ولا ركـــــــاب=لاظمت تشرب بجلد خوارها مستبشــــــــــــــــــره
المصيبه لا رمى الفارس بصدره للحــــــــراب=مادرى انه كل حصني في بلاده عنتـــــــــــــــره
فوز.. لا صرتي مره تقرين صفحات الكتــــاب=وتعرفين ان الزمن رجال لا صرتي مــــــــــــــره
وتعذرين الي قفل حظه بوجهه كل بــــــاب=وانفتح له باب لكن كان باب المقبــــــــــــــــــره
اعذروني على الاخطاء ان وجدت
العرض العادي
