بن حثلين يمدح (المهاد)

[فارس شمر]

بسم الله الرحمن الرحيم

قام الشيخ راكان بن حثلين بزياره الي الى حائل إلتقى بالامير محمد عبدالله الرشيد ( المهاد ) وكان وقت الزياره بعد إنتهاء الحرب التي كانت بين الامير محمد الرشيد ومعه أهل حائل وشمر وبين قبيله عتيبه ومعهم محمد بن سعود ( غزالان ) المهم قال الشيخ راكان هالقصيده

ياعبيد يوم إن القمـر مابعـد غـاب
والليل ّطـرف وأدمسـن النجومـي

قم سو فنجال على الريـق ينـذاب
لشوارب اللي ينطحـون العلومـي

في دلةٍ تبرى خـوى كـل شـراب
وُتعبى لسمحين الوجيـه القرومـي

ياعبيـد همّـك خاثـر البـن لاراب
إتعب على الفنجال الاشقر لزومـي

وانا أطلب اللي سايله مابعد خـاب
اللي له التدبيـر فـي كـل يومـي

اللي عن السيء ماصـك لـه بـاب
ياراحم إرحم حـال مـن لايدومـي

والحمـد لله والثنـآ حظنـا طـاب
من يوم زانت من عنـان العزومـي

فرز الوغى سقم الِعدآ عز الاصحاب
بدٍر ِتجلـت مـن سنـاه الغيومـي

والله لا الحاضر ولا اللي بالأصلاب
مثله ظهـر بالنـاس لمّـه لمومـي

حرٍ سنا عينه تقـل لـون مشهـاب
لاهَـدْ مايكسـر جناحـه بحومـي

لاَهدْ ِمنّـه جملـة النـاس هـرّاب
واللـي ينـوش بصايـده مايقومـي

جيته بلا علمٍ من الـراس وكتـاب
وشاهدت وجهه وإنجلـنّ الهمومـي

وسّيرت يمّه بالرضا بين الاصحاب
وانا أحمد الله والثنا طـاب نومـي

من يوم زانت من مهدّين الأصعـاب
ضياغم ياطـون مـن فيـه زومـي

[نبض المعاني]

الأخ فارس شمر ،تسلم على النقل ولكن أما بالنسبة للأبيات فأعتقد أن هنالك تصحيح بسيط وسوف أدرجه ولك جزيل الشكر

هاذي قصيدة شيخ الشيوخ ابو فلاح مسندها لخويه محمد بن عبدالله ال رشيد امير شمر وحاكم حائل وكان الشيخ راكان يحب خويه الامير محمد حتى قال يوم طلع من سجن الاتراك اول ما مر من العرب محمد بن عبدالله ال رشيد وقال :

آصل اخو نوره لـوزمٍ عليّـه=قبل الصديق وقبل قاصي وداني

يقول الشيخ راكان:

يا عبيد يوم ان القمر ما بعـد غـاب=والليل طـرَّف وادبحـن النجومـي
قم سوي فنجال لـه الريـق ينـذاب=يعبا الشـوارب ناطحيـن العلومـي
في دلةٍ تبـرى خـوا كـل شـراب=يعبا بها خمـس المعانـي لزومـي
أنا احمد الله واشكره حظنـا طـاب=من يوم زانت من عنـان العزومـي
حرٌ سنا عينه كما وضوح مشهـاب=لا هد مـا يرفـع جناحـه يحومـي
لاهد منَّـه جملـة الصيـد هـراب=واللي ينـوش مخلبـه مـا يقومـي
وحدرت منه هجمةٍ علـط الارقـاب=شقحٍ عليهن مثل رصف الرجومـي
وجينا وحركـن دواليـب الاسبـاب=وهبت لنـا ايـام السعـد بالولومـي
وجينا نقدي لابـةٍ مـا بهـا اجنـاب=من صلب يـامٍ سالميـن الوهومـي
ياميةٍ قدهـم علـى الحـرب درّاب=سقم الحريب اللي لراسـه يزومـي
وخيلٍ تجي الفين من غيـر حسّـاب=وحمر الجموع اللي بها الموت يومي
رعده وبرقـه غـادي لـه تليعـاب=وغبَّـا مطرهـا نايفـات الحزومـي
على النَّقا ما ذيّرت نثر الاصحـاب=الاصحاب والجيران منهـا سلومـي
زيزومها اللي لا نصى الضد ما هاب=يفـرا التّنـادي للمعـادي لطومـي

تقبل تحياتي يا فارس شمر

ابن زابــــــن

[فزاع]

الله اكبر

وش هالكلام الرائع

لاهنت اخي العزيز عالنقل

ومشكور ..تحياتي

[للصمت هيبة]

يسلموووووووووووووووووووووووووووا