الجفول .. !!

[محمد أبو زيد]

السلام عليكم ورحمة الله وبركاته

وأسعد الله مساكم جميعاً ..

قصيده لـ الشاعر مطلق بن شويه ، أعجبتني ووضعتها بين يديكم .




الصدر ممحل غرام .. ومرتـوي صـدّه
........................ والعين غصن السهر فيها ثنـى عـوده

لولاي رجل ٍ محـد وايـق علـى سـدّه
........................ فضحني الشوق في باسـه ومجهـوده !!

أدلّـه الصـدر بيـن الضيـق والشـدّه
........................ الوقـت دوّار .. والأعمـار مـحـدوده

لـو كـل واحـد يجـي ودّه علـى ودّه
........................ ماطال صبر العقيم لشـوف مولـوده !!

راعي القناعه ليـا مـن الزمـن حـدّه
........................ يرضى بحـظ ٍ ذخـر جـوده وماجـوده

يابيض الأحـلام لاتمسيـن مسـودّه !!
........................ بشايرك فـي نواصـي الخيـر معقـوده

حي الله اللي عليـه القلـب مـن مـدّه
........................ كنّـه سحـاب ٍ يمـد يديـه للـسـوده

أبطـى وحـس الضلـوع يقـول لابـدّه
........................ رجله على الدرب !! وعيونه على العوده

إيّ بالله أقبل جفـول الريـم مـن قـدّه
........................ يشيـل روض الجمـال بكـامـل وروده

كنّه بيجـزم ولْـه !! وأنـا علـى حـدّه
........................ وأغضيت شوفي يمين شوي .. ياكوده ..

.. إليا تمثنـى قفـص صـدري ولا ردّه
........................ ما ياخذ القلب في رمحين من سـوده !!

اللي قلـوب أكثـر العشّـاق فـي يـدّه
........................ تسعـى لغاياتـه .. وتطّمـح لمقصـوده

لو كان ماهيـب ورث ابـوه عـن جـدّه
........................ لكنّهـا كسـب حجانـه وعنـقـوده !!

سلمتـه الـروح وأغليتـه علـى البـدّه
........................ يرعا مفالي حشـاي .. ويـارد عـدوده

من كثر مـا أتـوق لـه وأغليـه وأودّه
........................ تنقص مقامات بعض النـاس مـن زوده

عليـه الأشـواق .. محتـرّه ومـبـردّه
........................ ويلي على نفحة النسنـاس مـن نـوده

ما والله أقسى على العاشق مـن الصـدّه
........................ الا أن كبـده بحـد المـوس مـقـدوده

لكنّـه العشـق لامـن زاد عـن حــدّه
........................ ياكثـر ماياخـذ !! ويـاقـل مــردوده

أن حطّك براسه .. ونـواك مـن جـدّه
........................ مايحتـرم نفسـه !! ولايمسـك حـدوده

فيه التناقض وجمع الضد مـع ضـدّه !!
........................ حاجات معدومـه .. وحاجـات موجـوده

الله عطا (السوده) اللي ماعطـا (جـدّه)
........................ والله عطا (جدّه) اللي ماعطـا (السـوده)

[s3odi]

ابو زيد

صح لسان الشاعر مطلق ابن شويه

واختيار موفق

ولاهنت على النقل

[أشهب الـلال]

لـو كـل واحـد يجـي ودّه علـى ودّه = ماطال صبر العقيم لشـوف مولـوده !!

الله الله ....



الأخ الكريم

محمد أبوزيد

قصيده رائعه وأخنيار موفق

صح ألسان الشاعر مطلق بن شويه

ولاهنت يا أبو زيد

لنا شوق لجديدك دائماً

تقبل تحياتي

أخيك

[فهيد بن عصيدان]

أدلّـه الصـدر بيـن الضيـق والشـدّه
........................ الوقـت دوّار .. والأعمـار مـحـدوده

لـو كـل واحـد يجـي ودّه علـى ودّه
........................ ماطال صبر العقيم لشـوف مولـوده !!

ياسلاااام

من كثر مـا أتـوق لـه وأغليـه وأودّه
........................ تنقص مقامات بعض النـاس مـن زوده

الله الله

صح السان أبن شويه

عزالله انها كايفه

اختيار موفق يمحمّد

والزين مايجيب الا الزين

[فلاح بن ملبز]

أبو زيد

صح لسانك ولسان شاعرها / مطلق ابن شويه

ولاهنت على هالنقل الرائع

ولك جزيل الشكر

[عيد بن شدقان]

صح السان الشاعر/مطلق بن شويه

اشهد انه ابدع

ولاهنت يابوزيد
على الاختيار الجزل


الله يعطيك العافيه

[اطياف الماضي]

محمد ابو زيد

صح الله لسانك ولسان شاعرها

لاهنت على الاختيار الجميل

تقبل تحيتي