قصيده لها عدة اسباب لتنجح اولها انها
لمحمد الدحيمي قصيدة لا تحتاج لمقدمه
لكم القصيده لتحكموا
معـقـول .. اغـيّـر عـقـول الـخـلـق .. واقنـعـهـا ؟=مـاهـوب مـعـقـول .. يـالـلـي قـــال :-.. معـقـولـه
يـــاخـــي .. انــــــا يالله بـنــفــســي اطــوّعــهـــا= مـالــي عـلــى الـخـلـق لا حــكــم ٍ .. ولا طــولــه
يــالأجــودي لـــــو بـنـفـســك شـــــيّ مـوجـعـهــا=هـالـوقــت غــيّــر كـثـيــر نــفــوس .. بـسـهـولـه
نـفــس ٍ ذلـيـلـه .. تـشــوف الــمــال ..يـرفـعـهـا= ونـفـس ٍ عـزيــزه .. تـركـهـا الـفـقـر .. مـذلـولـه
ورجـــل ٍ يجـيـهـا الـلـحّـاف .. بـطـقّـة اصـبـعـهـا=يــالــلــي يـــمـــدّد بـــقـــدّ لــحــافـــه رجـــولــــه
اثـبــت لـــك إنّـــا مـــع انـفـسـنـا .. نـخـادعـهـا؟= وانّـــا نـعـيـش الهـزيـمـه .. كـنّـهــا .. بـطـولــه؟
نــقـــول دنــيـــاك لـــــو مـاطـاعـتــك .. طـعــهــا=وهـــي عـمـرهــا مـاتـطـيـع الــحــيّ .. بـمـيـولـه
وبـإســم الـرجـولــه عــقــب مـالـوقــت شـيّـعـهـا=قـمـنــا نـكـابــر بــوقــتٍ .. مــابـــه ..رجــولـــه
واحــلامـــنـــا كــــذبــــةٍ عــشـــنـــا نــرقّــعــهـــا=ونـضـحـك عـلــى بعـضـنـا بــأحــلام .. مـقـتـولـه
بــإيــديـــن مـشــلــولــه بــنــبــنــي مــرابــعــهــا=بالله .. مـــن قــــد بــنــى بـإيـديــن مـشـلـولـه؟!!
والـنــيّــه الـطـيّــبــه مــــــن طـــيـــب مـنـبـعـهــا=وكـلا عـلــى قـــدر طـيـبـه .. يـســرج خـيـولــه
مــثـــل الـقـصـيــده يــدلّـــك طـــيـــب مـطـلـعـهــا=عـنــهــا .. وتـبــقــى بــكـــل لــســـان مـقـيـولــه
مـانـيــب مـخــبــول يـعــشــق بــنـــت ضـيّـعـهــا=ولا ســالــفـــة عـــاقــــلٍ هـــايــــم بـمـخــبــولــه
الـسـالــفــه كــــــان ودّك تـــعــــرف اسـمــعــهــا=يـالــلــي تــلـــوم الـدحـيـمــي اســمـــع لــقــولــه
زرعـــــت ورده .. ولـيــتــي قــبـــل مــازرعــهــا=في روض مشتل .. نشدت .. الروض منهو له؟!!
ويـوم ازهـرت شفـت راعــي الــروض .. يقلعـهـا=قـــــدّام عـيــنــي وانـــــا بـإيــديــن .. مـغـلـولــه
وقّـــفـــت .. مـــذهـــول وعــيــونــي مـدامـعــهــا=تـشـهـق بــدمــع ٍ وقــــف .. بـعـيــون مـذهـولــه
صـــوّت .. يـاعــمّ .. تـكـفــا .. بــــس اطـالـعـهـا=وأشـحـذ وجـيـه الـعــرب واقـــول :- قـولــوا لـــه
عـيــن ٍ تـجــوع الـسـهـر مـــن شـــان تشـبـعـهـا=ياتـنـعـمـي .. يــــا تـخــلّــي الـنــفــس مـعـلـولــه
قــالــوا تـبـيـهــا نـصـيـحــه .. بـنــدقــك بـعــهــا=مـاهـيــب صــــوب الـجـفــول ولاهــــي بـحـولــه
وامسـيـت .. وانــا اطـفـي الشـمـعـه .. وأولـعـهـا=فــي حــروة الـفـجـر .. مـيــر الـلـيـل .. يـاطـولـه
إن لـمــت عـيــن ٍ .. بكـتـهـا الـثـانـيـه ..مـعـهــا=وإن جـيـت ابانـسـى .. ولاهــو شــيّ .. يـاهـولـه
مــن عقبـهـا النـفـس طــاري الــورد ..يفجـعـهـا=وألـعـن ابــو الــورد .. كـلّـه .. واعـشـق ذبـولــه
وآخـــر ســـؤال ٍ .. حـــرم هـالـعـيـن مضـجـعـهـا=وأقـفــت .. تـشــوف الحـقـيـقـه شــبــه مـجـولــه
يــاخــي .. اكــفّــر ذنــوبــي .. يـمـكــن ابـلـعـهــا= لــكــن اكــفّــر ذنــــوب الـخـلــق ..مـعـقـولـه؟!!
اعذروني على الاخطاء ان وجدت
15-04-2006, 11:22 PM
العرض المتطور
