السلام عليكم ورحمة الله وبركاته
هذه القصيده قلتها في امسيتي الجمعه الماضيه في الاردن
والامسيه كانت تحت رعاية اتحاد الطلبه الكويتي بـــــ عنوان الوفاء لجابر الخير
وطبعا من غلا منتدنا شبكة العجمان ومن تقديركم وضعتها هناا
وارجوا ان تنال بعض رضاكم
صلوواا على محمد
يقول من عدا الجبال المنيفه= عدا وحزنه داخل الصدر ثابر
يجر صوته مانوى بالنكيفه= ويحاول يكابر وعيا يكابر
والحزن ماكن والنواظر كفيفه= والقلب صابر غير ماهوب صابر
لان الحزن ماهو بكيفي وكيفه= وماكل حزن يجيك ويمر عابر
الكسر يجبر يالضلوع النحيفه= لكن مال الحزن فالصدر جابر
وانا وقلبي والسيوف الرهيفه= وبيوت شعري والورق والمحابر
ودموع عيني والرياض المريفه= والعز والوقفه وصوت المنابر
صار الحزن من بيننا بالنصيفه= على فراق اغلا الشيوخ الاكابر
اشجع شيوخ الارض لاسل سيفه= واطول شبور الخلق لاجا يشابر
واحن من قلب الوليف لوليفه= وازكى وارق امن الزهر والعنابر
اثبت لنا ان التواضع حليفه= وان الرجال اهل المواقف مخابر
ابو الكرم وابو النوايا النظيفه= ماشح يوم ان الزمن صار غابر
شال الحمول الكايده والخفيفه= وثابر وصار الشعب كله يثابر
حتى تجاوزنا الظروف الكليفه= ولا بقى فالدار للشك دابر
عليه كل عيون شعبه ذريفه= ويبقى الحزن ثابت وماكن وكابر
لو القبر يدري بمقدار ضيفه= ماشفت خلق الله سوى فالمقابر
ودي اصرح والنوايا شريفه= وانا الى صرحت عارف وخابر
والنعم ببن سعود وابن خليفه= لكن جابر ماخلق مثل جابر
سالم بن جخير
03-05-2006, 06:42 PM
العرض المتطور
