مساء الخير والعافيه
قصيده ..... عسى ان تحووز على رضاكم...
صلو على النبي,,,,,,,,,,,,,,,,,,,,,,,,
يابنت لو طال المدى والبعد والوقت الثــقيل=ولو الليالي الموحشه ماهوّ نت من شرّها
والله العظيم ان لش بقلبي قدر مامثله مثيل=وان صورتش خلف الحنايا العوج ماحدن فرّها
هذي يميني سقتها لش واليمين اكبر دليل= ولا نيب سايق لش يمين ٍعاجز ٍفي بـِرّها
افرح بشوفش فرحةالبدوان لاشافو سهيل= يدرون في طلعة اسهيل القاع تبلع حرّها
القاع تفرح والهوى والناس وعذوق النخيل= نجمه وسط كبد السما تسر الثرى ويسترّها!!!
وانتي صحيح انش بعيده عني ودربش طويل=بس المحبه ثابته مقرّها مقرّها
لاتحسبين انش لحالش يوم دمعاتش تسيل=مرارتش احس فيها واتجرّع مرّها
بس اصبري ((ياجعلني ماابكيش)) فالصبر جميل=نذرٍ علي يا غصّـتش لاازر منهو زرّها
مادام حبش في خفوقي حط له ممسى ومقيل= ان الله احياني حلا الايام يغلب مرّها
.
.
.
.
(هل يعقل ان الفتى الحر الاصيل ابن الاصيل=يخون في عذرىَ أصيله أمـنته سرّها
لا والذي نفسي بيده انّه للمستحيل=سرُّ الأصيلُ كتلة ٌ يُمنعُ بتاَ ثرّها)
.
.
.
.
لكن انا خايف عليش من المنافق والعميل= اللي يغرّر في نفوس الخلق لين يغرّها
يجعل من الجمله قصص ويحط للكلمه بديل= ويشب نار الفتنه اللي ماينومس حرّها
ولاّانا ماني بخيلِ بالوصل ولا ذليل= ومدري المنايا اتجـرني ولا جنوني جرّها
من قبل اعرفش كنت عاقل واصبح العاقل هبيل=ماعاد أميــّز وش يسر النفس وويش يضرّها
وان مت والطمعه عيونش مااعتبر نفسي قتيل= ابعتبر روحي شهيدة حب لله درّها
تعبت انا امهل للزمن واصبر على الحظ البخيل= لا الحظ طاب ولا الليالي هوّنت من شرّها
وسواااااااااااااااااااالم وتعيشون
10-06-2006, 08:26 PM
العرض العادي
