علموه ان العذراى مثل كيـف الشـاذليـه .. لو يزود فالبهـار اختلــف كيــّـف الرواقـه !

[ركايز]

السلام عليكم ورحمه الله وبركاته





هنا تنثر شموخها ..

هنا ترحل بنا الى العالم الآخر ..

تروي لنا ما حدث قبـل نزوح ذاك الستار المظلم ..

لتيقن بعده انه مجرد ( حـلم انزعـاجي ) عكــر صفو تلك الليله وسكون تلك النفس ..


فعذرا ..يا قارىء (take way) هنا يستوجب الوقوف للحظات لتذوق هذه الرائعــه ..





... حلمـــــــــي ...




لشــاعـــره والشــامخــه / عليا الهاشمية

علموا ذاك الخبــل بالله لايخطــي عليـه = علموا ذاك المغفــل لايتمـادى فالخناقـه
لايحاول مـن غبائـه يستفـز الهاشميـه = لانه اصغر من شموخي والتفاتي له حماقه
علموه يجوز عني كن صبري ضاق فيـه = وان نويته لانويته حست ابوها من لباقـه
قلت يمزح وأتغاضى خذتها عن حسن نيه = كل ما صكيت باب ٍ فك لي مليون طاقه
علموه ان العذراى مثل كيـف الشاذليـه = لو يزود فالبهـار اختلــف كيــّـف الرواقـه
أن بغاها باللعــانـه سالفــة عنـد وأذيـه = فأنا شيطــاني مريد يطقطق العنــد بطفاقـه
علموه اني اجيبه والحــق الشـارب زريـه = وأربـط لسـانـه بأيـدي لوتغنـى بالعـلاقـه
وعلموه اني بمنامي شفت انا هالمسرحيه = سامح الله حلم ليلي كيف حـوّر أشتياقـه
كيف نمت وكيف شفت وكيف ليله سرمديه = ضيعت مني منامي وحلم عيني في عناقـه
والله ماادري الا يمكن حلوم عيني واقعيه = ومايطل الصبح الا ورؤيا حلمي في أنبثاقه

ســــــــــلامي لكم
خويتكم / طير الحبارى

[فيصل الخالد]

صح الله لسان الشاعرة علياء الهاشمية
قصيدة في منتهى الروعة والجمال

وتسلمين ياطير الحبارى على النقل

لك كل التقدير والاحترام

[ركايز]

المشاركة الأصلية كتبت بواسطة فيصل الخالد

صح الله لسان الشاعرة علياء الهاشمية
قصيدة في منتهى الروعة والجمال

وتسلمين ياطير الحبارى على النقل

لك كل التقدير والاحترام

فيصل الخالد

وصح الله بدنك يا خويه ..
وما عليك زوود يسلم غاليك ومغليك ..
شاكره لك هالخطفه الطيبه .. لا هنت