Financial Analyst or Business Development Job needed

[D&G]

السلام عليكم ورحمة الله

انا عجمي كويتي خريج امريكا كلية العلوم الادارية عمري 25 وحاب اني اشتغل بشركة استثمارية. حاولت اكثر من مره وما حصل نصيب (او مافي واسطه بالاحرى), لدرجة اني عرضت على بعض الشركات اشتغل عندهم بلاش.

انا حاط الموضوع بالمنتدى هني لعل وعسى احد يساعدني او يدلني ويصير فيه نصيب واشتغل بالمجال اللي احبة وحاب استمر فيه ألا وهو Financial Analyst (محلل مالي) او Business Development (تطوير الاعمال). ان حصل نصيب وفيه وظيفة Full Time بيض الله وجه اللي بيعطيني ها الفرصة واذا مافيه full time اتمنى لو القى Part time بعد العصر لأني اداوم لين الساعه 3 العصر, وحاب اني اشتغل بلاش لمدة سنة بس اني اتعلم شي واشتغل بشي انا احبه.

السيره الذاتيه موجوده للي يحب يطلع عليها ولو انها ماهي غنية بالخبرات في المجال اللي انا حاب اعمل فيه, فقط ارسل على الخاص.
مشكورين ولاهنتوا واتمنى لكم التوفيق بهالمنتدى الاجتماعي الطيب.

سلام عليكم

[مـحمـد]

السلام عليكم ورحمة الله وبركاته


نتمنى لك التوفيق اخي الكريم وحاول بالقطاع الخاص الشركات الخاصه مثل دار الاستثمار واعيان والدوليه والمخازن وكذلك البنوك وغيرها او المؤسسات الحكوميه المستقله امثال صندوق التنميه او ديوان المحاسبه او مؤسسة البترول

[D&G]

وعليكم السلام اخوي محمد مشكور وما قصرت على المساعده.

انا حاليا موظف بأحدى الشركات النفطيه لكن تفاجأت بأن القطاع النفطي قوي للفنيين فقط, او بالأحرى للمهندسين, اما الاداريين فرصهم وخبراتهم دون المستوى.القطاع الخاص اقوى من الشركات النفطيه لخريجة العلوم الادارية وانا حاب اني اشتغل بشركة استثمارية واتمنى اني القى اللي يساعدني.

وثق تماما انه مافيه مكان من اللي ذكرت الا وما رحت له.

مشكور على كل حال وتسلم ودعواتكم.

[مـحمـد]

بالتوفيق طال عمرك

[الجلمود]

الله يوفقك وتتحقق احلامك

[سالم العظيمان]

بالتوفيق

واتمنى من الاخوة الذين لديهم

معرفه بذالك
ينبهونك لما ترجوه