عــجــز وصــفــي........

سعد بن سلطان · #1 25-01-2007, 03:27 PM

اتواصل معكم بهذه القصيده

التي تحمل عنوان عجز وصفي.....

عجز وصفي

قالت اوصفني وخل حبـك يثـور=كسـر الحـب المجمـد بالمـلـل
دور القـاف المعطـر بالبـخـور=وكتـب الـوزن المحـلا بالغـزل
قلت وصفك ما يجي شعر وشعور=وصفك اصعب من قصيدي والجُمل
من نجل علنك غدا راسي يـدور=والحشى جمـر ورمـد وأشتعـل
الجروح إلي من اعيونـك تفـور=من على الرمشين تنـذر بالشلـل
اسألت وشلون وأنت إلي جسـور=خانك التعبيـر أو شعـرك قفـل
قلت لا قيـد ولا هـو بمهجـور=ما حصل شعري توقف ما حصـل
بوصفك يا الشمس يا بدر البدور=يا خليط المر مـع طعـم العسـل
يـا مثـال للتواضـع والغـرور=يا ابتسامة مكر مع لمحـت جهـل
أنت يا طبـع الديانـة والفجـور=أنت يا سهـل علـى قمـة جبـل
أنت يا حـب التخفـي والظهـور=أنت يا ورده مـع لسـع النحـل
أنت فرحة صايـم عنـد الفطـور=وأنت حزن الشيخ في لحظه زلـل
أنت يا خلـط التحشـم والسفـور=أنت يا المزيون يا الصعب السهل
أنت يـا كـل التـودد والنفـور=يـا مضيعنـي بجـدك والهـزل
يا جماعه ما خبـر للـورد نـور=ولاخبر حب وصل كوكـب زحـل
وأنت نور الخد مع كـل الزهـور=والنعومة رمـز واثبـات الدلـل
واقف شعري على جسر العبـور=لاخلص زينك وشعري مـا نهـل
في كلامك حس تغريـد الطيـور=حسك بجوفـي تمركـز واستحـل
آه يا عيـن بهـا حـزن وفتـور=ربي إلي خالقـك بحسـن شكـل
السما زرقـا ومـا فيهـا فطـور=.وأنت فاطر كبد خلـك والجمـل
الشعر عنـدي تعـدا كـل سـور=وأنت ابعد من سنا نجـم الحمـل
يا معلـم همنـا معنـى السـرور=يـا منسينـا الكآبـة والـزعـل
لا صبر شعري ولا ظني صبـور=راح فكري فـي جمالـك ورتحـل
لـو رحلتـي ناظرينـي بالقبـور=وش تفيد الروح لو زولك رحـل
يا عذابي يـا عذابـي والأمـور=صففت لـك الشعـر كلـه جـزل
الشعر واقف وقافـي صـف دور=الوصايف صدق مـا فيهـا جـدل
سكتتنـي لا تكمـل والحـضـور=شبهـو فينـي وشعـرك اكتمـل
قلت مر الشعر في وصفك مـرور=لا وقف عنـدك ولا ظنـه كمـل
اشرتلي لا شـف كـل الحظـور=اعرفو اسمـي وشعـرك اكتمـل

وسلامتكم

سعد بن سلطان الطخيمه

الباشا · #2 25-01-2007, 03:43 PM

الأخ القدير
سعد

صح السانك ودام ابداعك
قصيدة رائعه وجزله

فلاح بن ملبز · #3 25-01-2007, 04:21 PM

ارحب يا سعد بن سلطان

قصيدة جزلة من شاعر جزل

وبيض الله وجهك على هالابداع

ولاهنت

شاعرها · #4 25-01-2007, 04:50 PM

صح لسااااااااانك يابن طخيمه

وافي يالسنافي

وشعرك اكتمل ومكتمل بابداعك يالسنافي

لاهنت

علي السكران · #5 25-01-2007, 06:56 PM

صح لسانك

قصيده رائعه ومبدع في صياغتها

بيض الله وجهك على قصيدتك الطيبه

تقبل اعجابي بشعرك

اخيك/ علي السكران

عـ100ـج · #6 25-01-2007, 10:43 PM

احلاااااااااااااا تناااااقض

من شااعر مبدع مثل حضرتك

تقبل مروري

لك أجمل تحيه

أخيتك
عجميه

عجمي في الخارج · #7 26-01-2007, 02:40 AM

صح لسانك

يابن سلطان

مبدع والله يوفقك

سعد بن سلطان · #8 26-01-2007, 11:36 AM

اقتباس:

المشاركة الأصلية كتبت بواسطة الباشا

الأخ القدير
سعد

صح السانك ودام ابداعك
قصيدة رائعه وجزله

الباشا

شكرا على مرورك

رفيق الهم