|
وقت العتب راح لا ترجع تعاتبني
وقت العتب راح لا ترجع تعاتبني =مات الامل والبقى في راس وجداني
ماني مثل ما انت خابرني وتحسبني=انا الاول اصبح واحد ثاني
خلاص مات الهوى لاتهدم ولاتبني=تركتني لين جاء النسيان ناداني
العام ادور سبب منك يقربني=واليوم ادور سبب عشان تنساني
بعثرتني في هواك اليوم رتبني=نسيتني الناس شفني صرت وحداني
كان السهر في هواك اللي محببني=والحين حتى السهر يكبر على اجفاني
اجيك يمحيني عتابي ويكتبني=مافيه طاري عتب يمر ماجاني
وارجع وانا اقول : وش للجرح جايبني=ادري بجرحك ولا ادري وش وداني
عن صدق الاحلام جاء الواقع وكذبني=وعن فرح الايام جاء حبك وبكاني
مليت اشيل الامل والدمع يغلبني=واقول بكره يجي للشوق يلقاني
ويروح بكره واتي والوقت قالبني=وارجع على وحدتي واحزاني .. احزاني
بكيتك العمر كله يامعذبني=وش فيك ماتبكي الليله على شاني
انا وطن شعر لو شعري مغربني=كتبت اجمل جروحي لجل تقراني
انا نسيتك دخيل جروحك انساني=خلاص لا تتعب وترجع تعاتبني
التعديل الأخير تم بواسطة ناصر بن فالح ; 24-10-2006 الساعة 01:00 PM
|
24-10-2006, 01:01 PM
العرض المتطور
